Beliebte Verse in كٌرِنتِ عِِ 5

Teilen

مِشِ نُن عَلَ شَ مِشِ سُفَندِشِ نَ لُ قٍ كٍرٍن كُي، عَ قِندِ مَ مِشِ نّينّ نَن نَ. عَ شَ قٍ قٌرِ بَرَ مَسَرَ قٍ نّينّ رَ.

عِسَ نَشَن مُ يُنُبِ يٌ رَبَشِ، عَلَ بَرَ عَ قِندِ وٌن مَ يُنُبِ سَرٍ رَ. نَ نَن عَ تٌشِ وٌن قِندِشِ تِنشِن مِشِيٍ رَ عَلَ يَ تٌدٍ رَ عِسَ سَابُي رَ.

وٌن مَ حّرّ كُي وٌن شَشِلِ تِشِ قٍ نَن نَ وٌن مُ نَشَن تٌشِ سِندٍن.

نَ بِرِن قَتَنشِ عَلَ نَن نَ، نَشَن وٌن نَفبِلٍنشِ عَ يّتّ مَ عَ شَ مِشِ سُفَندِشِ سَابُي رَ. عَ مَن بَرَ وَلِ تَشُ وٌن نَ عَدَ مَدِيٍ رَفبِلٍنقٍ رَ عَ مَ. عَلَ بَرَ دُنِحَ رَفبِلٍن عَ مَ عَ شَ مِشِ سُفَندِشِ سَابُي رَ، عَ دِحّ عَدَ مَدِيٍ شَ يُنُبِيٍ مَ. عَ مَن بَرَ نَ مَسٍنيِ سٌ وٌن يِ رَ نَشَن عَ نِيَمَ مِشِيٍ شَ فبِلٍن عَ مَ.

نَ كُي، وٌن بَرَ قِندِ عَلَ شَ مِشِ سُفَندِشِ شَ شّيرَيٍ رَ. عَ لُشِ نّ عَلْ عَلَ نَ كَوَندِ تِقٍ وٌن تَن نَن سَابُي رَ. مُشُ بَرَ وٌ مَيَندِ عَلَ شَ مِشِ سُفَندِشِ شِلِ رَ، وٌ شَ فبِلٍن عَلَ مَ.

عَ بَرَ قَشَمِشِ بِرِن بّ، عَلَكٌ نَشٍيٍ حِحّ عَ رَ عٍ شَ عٍ يّتّ وَشْنقٍ لُ نَ، عٍ شَ وَلِ عِسَ بّ نَشَن قَشَ عٍ بّ، نَشَن مَن كٍلِ قَشّ مَ عٍ بّ. نَ نَن عَ تٌشِ، كٍلِقٍ يَكْسِ، وٌن مُ مِشِ تٌمَ عَلْ دُنِحَ مِشِيٍ عٍ تٌمَ كِ نَشّ. سِنفٍ وٌن نُ عَلَ شَ مِشِ سُفَندِشِ تٌمَ نّ عَلْ دُنِحَ مِشِيٍ عَ تٌشِ كِ نَشّ، كْنْ يَكْسِ وٌن مُ عَ كٌلٌنشِ نَ كِ سْنْن.

عَلَ شَ مِشِ سُفَندِشِ شَ شَنُنتٍيَ نَن مُشُ تُتُنمَ. مُشُ بَرَ عَ كٌلٌن مِشِ كٍرٍن بَرَ قَشَ عَدَ مَ بِرِن بّ. نَ كُي، مِشِ بِرِن بَرَ قَشَ.