Beliebte Verse in Roomankoo'en 8

Teilen

En anndi boo, ko Allah waɗata fuu, emo waɗa ɗum gam jam yiɗɓe mo, ɓeen ɓe o suɓri noon no o yiɗiri.

Mi tabbitinii walaa ko waawi senndugo en e yiɗde nde Almasiifu yiɗi en, koo ɗum maayde, koo foofaango, koo malaa'ika'en, koo *ginnaaji, koo jo'onijum, koo ko waroyta, koo baawɗe, koo baawɗeeji gonɗi dow, koo gonɗi lees. Kay ! Nder ko tagaa fuu walaa ko waawi senndugo en e yiɗde nde Allah holli en barkaa Yeesu Almasiifu Jawmiraawo meeɗen.

En anndaa no haani mba'aren do'aare, ammaa *Ruhu Allah e hoore muuɗum e valla en nder tampere meeɗen. Emo toroo Allah gam meeɗen e ottaali ɗi neɗɗo waawataa volvugo.

Ɓaawo ɗu'um fuu, noye mbi'eten ? To Allah e wondi e meeɗen, moye waawi hongo en ?

Gam ma'ajum, kawtuɗo e Yeesu *Almasiifu fuu Allah taƴantaa mo ceri'a maayde.

Tokkuɗo giɗaaɗi ɓanndu muuɗum no maayey, ammaa tokkuɗo ko Ruhu Allah yiɗi no heɓey yonki e jam.

Ammaa nder ku'uje ɗeen fuu en keɓii jaalorgal kuuɓtungal barkaa Almasiifu giɗɗo en.

Mi tabbitinii torraaji ɗi njareten jo'oni ɗi potnataake e teddungal ngal Allah teddinta en ɗo'o yeeso.

Ɗume waawi senndugo en e yiɗde nde Almasiifu yiɗi en ? Ɗum bone naa, na jiɓayeere, na torraa ka yimɓe torrata en, na veelo, na kolndam, na jootee, na maayde ?

Allah annduɗo ko woni nder ɓerɗe yimɓe, e anndi nyumooji Ruhu, gam Ruhu e toranoo seniiɓe, noon no Allah yiɗiri.

Gam ɓe Ruhu Allah ɗowi fuu, kamɓe ngoni ɓiɓɓe Allah.

Tokkuɗo giɗaaɗi ɓanndu muuɗum, giɗaaɗi ɗiin ndarvanta hakkiilo ma'ako. Ammaa tokkuɗo ko Ruhu Allah yiɗi, Ruhu kam darvanta hakkiilo ma'ako.

Allah mo haɗaay Ɓiyum yargo torraa, o hokkitiri mo gam meeɗen en fuu. To noon, o hokkataa en koo ɗume fuu caahu hawtaade e ma'ako naa ?

Ruhu Allah, kam e ruhuuji meeɗen e tabbitinana en en ɓiɓɓe Allah. To nii en laatii ɓiɓɓe ma'ako, en ndoney ku'uje booɗɗe ɗe o resani yimɓe ma'ako. To en njardii torraa e Almasiifu, en ndondey kuuɗe booɗɗe e ma'ako, en teddidinte e ma'ako boo.

Tokkuɗo giɗaaɗi ɓanndu no ganyo Allah. O ɗowtantaako dooka Allah, o waawataa ɗum sam.

Ko tagaa fuu e haaɓi yi'a wakkaciire nde Allah vannginta ɓiɓɓe muuɗum.

En anndi ko tagaa fuu e ɗoon otta faa jo'oni, kama debbo mo ŋatawre nanngi.