Beliebte Verse in Wahayu Yahayya 2

Teilen

Ammaa raa ko peldeymaami : a woorii yiɗde maaɗa nde ngoonnoɗaa aran.

Hiimta gada toye ndo''iɗaa. Tuub, waɗ ko mbaɗeynoɗaa ndeenno. To naa noon, mi warey, mi itta fitila maaɗa to ka resino, to nii a tuubaay.

Ta'a hul torraa ka njarataa ɗo'o yeeso. Rah, Ibiliisa siryake waɗgo woɓɓe mooɗon nder kaso, gam ɗum jarraboo on, on mbaɗey balɗe sappo on njara torraa kalluka. Ammaa koo to ɗum warey on, njogee ko kooliiɗon. Miin boo mi hokkete yonki, ki laatanomaa giifol jaalorgal.

« Mo nofru nanooru fuu, sey nana ko *Ruhu Allah vi'ata ikiliisiyaaji. Jaaliiɗo fuu, mi woorey ɗum nyaama ɓikkon lekki yonki gonki nder aljanna. »

« Emi anndi kuuɗe maaɗa e ti'inaare maaɗa e munyal maaɗa nder torraaji. Emi anndi a munyantaa halluɓe. Kadimaa a godake vi'ooɓe ko'e mu''en no *lilaaɓe, ammaa ɓe laataaki lilaaɓe, a tawii ɓe fevooɓe.

« Emi anndi a woodi munyal, a nattii torraaji kalluɗi gam am, e noon fuu a somaay.

« Mo nofru nanooru fuu, sey nana ko *Ruhu Allah vi'ata ikiliisiyaaji. Jaaliiɗo fuu, mi hokkey ɗum nyaamdu *manna suuɗiindu. Kadimaa mi hokkey mo haayre raneere nde innde hesre vinndaa dow muuɗum. Walaa annduɗo innde ndeen, sey kokkaaɗo haayre ndeen. »