Beliebte Verse in Koloosi'en 3

Teilen

Munymunytiree. To goɗɗo voofanii on, nja'afootiree. Nja'afootiree noon no Jawmiraawo ya'aforanii on.

Kohoree hakkiilooji mooɗon dow ko woni toon dow, naa dow ku'uje duuniyaaru

Ko mbaɗoton fuu, mbaɗee ɗum e ɓernde wo'ore, kama huwanooɓe Jawmiraawo, wanaa yimɓe.

Nde laatii Allah suɓii on, laatinii on yimɓe muuɗum yiɗaaɓe, gam ma'ajum laatee ɓe yurmeende e yiɗde, leestinɓe ko'e mu''en, moƴƴuɓe, ɓe munyal.

Ngooree haala Almasiifu jooɗoo nder ɓerɗe mooɗon. Ekkitindiree, ngaaytindiree e anndal e hakkiilo fuu. Maaltee Allah e ɓerɗe mooɗon fuu. Maaltiree mo e jabuura e gettooje e gimi ɗi o hokkata on. Ko mbolvoton e ko mbaɗoton fuu, mbaɗee ɗum e innde Yeesu Jawmiraawo. Ngettiree Allah *Baabiraawo e innde ma'ako.

Ko ɓuri ɗum fuu ngiɗngiɗtiree, gam yiɗde kam haɓɓindirta kawtal, ngal laatoo booɗngal.

On ummidinaama e *Almasiifu nder maayde. Gam ma'ajum ndesee ɓerɗe mooɗon dow ku'uje gonɗe dow, toon to Almasiifu jooɗii e junngo Allah nyaamo.

Ngooree jam Almasiifu laamanoo ɓerɗe mooɗon, gam kanjum ɗuum Allah noddiri on, faa laatooɗon ɓanndu wo'oru. Ngettee Allah dum.

Gam ma'ajum kibinee suunooji duuniyaaru gonɗi nder mooɗon, waato njeenu e kuuɗe nefniiɗe e tokkugo giɗaaɗi ɓanndu e suunooji kalluɗi e yiɗgo ko jeyaa, gam yiɗgo ko jeyaa e sujjidango gumki no go'o.

gam on maayii, yonkiiji mooɗon kesi e ɗoon cuuɗodii e Almasiifu to Allah.

Ammaa jo'oni, kibinee iri ɗe'e kuuɗe : huunƴere e nganyaandi e halleende e kuɗle. To' haalaaji kalluɗi mburto nder konnduɗe mooɗon.

To' on peɓpeɓtir, gam on ɓortake gikku mooɗon ngu ndeenno e kuuɗe muuɗum. Jo'oni on ɓornake gikku kesu. Allah tagɗo gikku kesu nguun, woorataa hesɗitingo ngu, faa ngu nannda e ngu ma'ako, anndon mo booɗɗum.

Onon worɓe, ngiɗee rewɓe mooɗon. To' on ca'atan ɓe.

Onon ɓiɓɓe, ɗowtanee danyooɓe mooɗon nder koo ɗume, gam kanjum velata Jawmiraawo.

Onon rewɓe, ɗowtanee worɓe mooɗon, noon no haani rewɓe goonɗinɓe Jawmiraawo mbaɗa.