Beliebte Verse in 2 Korontu'en 5

Teilen

To neɗɗo hawtii e Almasiifu o laatake tagitaaɗo keso. Ko o laatinoo fuu buutake, o hesɗitinaama.

Almasiifu meeɗaay waɗgo hakke sam, ammaa Allah yowii hakkeeji meeɗen fuu dow ma'ako, gam laatooɗen goonga'en yeeso Allah, sabu kawtal meeɗen e Almasiifu.

Foofaango meeɗen e yahada e goonɗinki, naa e ko ngi'eten e gite.

Ɗum fuu ɗum kuugal Allah liloyɗo Almasiifu, gam narrina en e ma'ako. O hokkii en boo kuugal narringo woɓɓe e ma'ako. Gada e Almasiifu, Allah narrini hoore muuɗum e yimɓe duuniyaaru, o limaay hakkeeji maɓɓe. O hokkii min boo wa'ajingo habaru narral ngaal.

Gam ma'ajum emin laatii wakiili'en Almasiifu. E ɗum nanndi kama Allah e hoore muuɗum volvanta on gada e konnduɗe amin. Emin toroo on nder innde Almasiifu : narree e Allah !

*Almasiifu maayanii yimɓe fuu, gam ma'ajum ɓeen heɓɓe yonki kesum njeyaa foofaango mu''en, ammaa ɓe poofey gam oon maayɗo ummitinaa gam maɓɓe. Gam ma'ajum, gada jo'oni min ɓesdataa raargo goɗɗo noon no yimɓe ndaardata. Koo to minon min meeɗiino raardugo Almasiifu e daarɗe ɗeen, jo'oni min ɓesdataa raardugo mo noon.

Ko mbaɗeten fuu, gada e yiɗde *Almasiifu ɗum ivi. En tabbitinii to go'oto maayanii yimɓe fuu, ndeen yimɓe fuu laatake maayɓe.