Beliebte Verse in Malakau 7

Teilen

rau qhov tej uas tawm hauv neeg los, yog tej uas tawm hauv lub siab los, yog tej no qhov uas xav phem, kev ua nkauj ua nraug, ua tub sab, tua neeg, deev luag poj luag txiv, ua siab hlob, kev phem, dag ntxias luag, ntshaw kev phem kev qias, khib luag, iab hiam luag, khav theeb thiab ua niag neeg ruam. Txhua yam phem no yog tawm hauv neeg los thiab ua rau neeg qias tsis huv.”

Tsis muaj ib yam dabtsi nyob sab nraud uas nkag rau hauv neeg yuav ua rau neeg qias tsis huv, tiamsis tej uas tawm hauv neeg los thiaj ua rau neeg qias tsis huv.”

Yexus hais rau lawv tias, “Yaxaya twb cev lus zoo heev hais txog nej cov neeg ncauj lus zoo siab phem, raws li nws sau tseg hais tias, “ ‘Cov neeg no hwm kuv ntawm daim tawv ncauj xwb tiamsis lawv lub siab nyob deb kuv.

Qhov uas lawv pe hawm kuv tsis muaj qabhau kiag li, lawv muab neeg tej kevcai los qhia ib yam li yog Vajtswv tej lus nkaw.’

Nej muab Vajtswv tej lus nkaw tso tseg rov mus tuav rawv neeg tej kevcai xwb.”