Beliebte Verse in Chiv Keeb 17

Teilen

Thaum Aplas hnub nyoog muaj cuaj caum cuaj xyoos, Yawmsaub los tshwm rau Aplas thiab hais rau nws tias, “Kuv yog Vajtswv uas muaj hwjchim loj kawg nkaus. Cia li nrog nraim kuv thiab xyaum zoo kawg nkaus.

Koj lub npe yuav tsis hu ua Aplas li lawm, yuav hu ua Aplahas, vim kuv ua rau koj ua ntau haiv neeg leej txiv.

Kuv yuav cog lus tseg ruaj rau kuv thiab koj thiab rau koj caj ces uas tshwm los txhua tiam tom qab, ua lo lus cog tseg uas nyob mus ib txhis, hais tias kuv yuav ua koj tus Vajtswv thiab ua koj caj ces uas tshwm los tom qab tus Vajtswv.

“No yog kuv tej lus uas kuv cog rau koj, koj yuav ua ntau haiv neeg leej txiv.

Vajtswv hais tias, “Tsis yog li ntawd, koj tus pojniam Xala yuav yug ib tug tub rau koj thiab koj yuav tis npe hu ua Yiha. Kuv yuav cog lus tseg rau nws ua lo lus cog tseg mus ib txhis rau nws caj ces uas tshwm los tom qab.

Kuv yuav muab lub tebchaws Khana‑as uas koj ua qhua nyob no huvsi pub rau koj thiab pub rau koj caj ces uas tshwm los tom qab ua lawv tug mus ib txhis li. Thiab kuv yuav ua lawv tus Vajtswv.”

Aplahas txawm khwb nkaus rau hauv av luag thiab hais twjywm hauv lub siab tias, “Tus txivneej ib puas xyoo tseem muaj taus menyuam thiab lov? Xala muaj cuaj caum xyoo lawm tseem yug tau menyuam thiab lov?”

Thiab Vajtswv hais rau Aplahas tias, “Koj tus pojniam Xalai, koj tsis txhob hu nws ua Xalai, yuav hu ua Xala.

Nej yuav tsum ua kevcai txiav daim tawv chaw xis, ua lub hom thawj rau tej lus cog tseg rau kuv thiab nej.

Kuv yuav muab kuv tej lus cog tseg rau Yiha uas lwm xyoo lub caij no Xala yuav yug rau koj.”

Nej cov tub uas hnub nyoog muaj yim hnub, yuav tsum muab ua kevcai txiav. Nej yuav ua li no rau cov txivneej txhua tus hauv nej haiv neeg txhua tiam mus li, tsis hais cov uas yug hauv nej tsev thiab cov uas nej muab nyiaj yuav lwm haiv neeg los uas tsis yog nej li menyuam. Cov uas yug hauv nej tsev thiab cov uas muab nyiaj yuav los yuav tsum ua kevcai txiav. Ua li no mas kuv tej lus cog tseg thiaj nyob hauv nej tej nqaij ua lo lus cog tseg mus ib txhis.