Beliebte Verse in Hibulu 13

Teilen

Ega mone po hipuli a gapola nugomi ina wiwaya, tamogi ona kaoha labatana awai po awai o tutuhagahi ubeihi, ma ega ginouli tapuhi po tapuhi ubeihi ona ihigihigili babana Yaubada tauna i baheya i pa, ‘Apega a winugoguluwimi po a nehalemi, apeega.’

Yesu Keliso a mae odubona po amalai po houga he nenei uyahihi apega ina buinihi.

Uyahinei ta nugomotu duma po tana pa, ‘Guyau tauna u tu hagu, Yaka apega lawa a matomatoutehi ega awai gehouna hina dewadewaya uyahiu.’

Witalaguyaba gehouhi Yaubada he laikaohaya naka lawa ta lunugotootogogehi po ata gapola uyahinei ta haguhi.

Yesu i haguhaguta binei houga magomagouna tana italaguyaba Yaubada uyahina ata aniꞌmbenena wotalagaehi baha waianohi uyahihiyei gowana ta wilataya.

Atapumi tawine lugagayona ona wotagoya po ega ona matamatamaga, babana tu matamaga po tu wihola yababa Yaubada apo ina luhetalehi.

Ma toumana ona kaohehi po ona weluwinihi omi numa uyahihi po mei odubohi lawa gehouhi toumana hi weluwinihi po hi gagalena itetehi, toumanahi naka tauhi tu winoyanoya mi yadena ma tamogi ega hita hanapugehi.

Yaubada tauna tu nugodumola uyahinei ata Guyau Yesu hilagei i itowolo meya po Yesuna a tu witumagana tauta ata tu galena itete dumana po tauna talanei ata wiwogatala dewadewana po memewahagana i weleta. Ma Yaubada ginouli dewadewahi atapuhi ina welemi ipa a nugotuhu ona wotago imahiyeya. Yesu Keliso uyahinei Yaubada ina dewami po ona kaoheya. Ma Keliso ta wotalagiyeya ega a sigasiga. Moina.