Beliebte Verse in Jenesis 49

Teilen

Juda, ou kameh kandro ta kabin kameh winiyan ba-au tam bwe, Ma lundriyem oro kameh asahan kabin le ai, Winiya le ndramak salin le barasahan. Iri kon munyak rakon rakon buruwen kameh atiye lakou i tam, Ma iri kameh aluh kandru i andri i nyara kalem ta anuhun sahou tiri i tam.

“Josep kameh i buku none bada malou wa-in, seselek ka-u gwa. Eme badan badeh seselek i loken bada kabwek. Iri lau ta amwekes budon ndra-in i badan kameh ame amwekes bahun boto-on labai i tan, ma atikah iy na bonara hawe nyah

Arile bonara tan badeh boto-on labai, Ma iy badeh bohan boto-on labai, I doh badeh na boto-on ta mine Kindrei ta Isra-el, Ma na boto-on ta ndramak ta atondrok iri katin haka, iy bek ta Isra-el ta winiyan batokos bwe. I dah badeh na Kindrei ta tamam le aseben ou, Ma i dah kameh Kindrei tinan le kameh atehei minen udu la-um, na nyosowan tan badu kandrah Ma na nyosowan ta gwa waru badu baha munyak, Ma na nyosowan tiri bulumakau hawe tiri nah

“Juda, ou kameh nadu tinem oro kameh atudun ou. Tasah ou ateu bale lau ta amwekes bahun ewek tam. Nadu tinem oro kameh kandru oro kameh aluh i andri tam. Juda, ou badeh boto-on i buku none katin haka layon; Ou adai iri lau ano, ou ame hamon ame ndrahunem ja, ame manyah ma ales boham hawe katim, Ari lau winiyan balisiy ou bwe.

“Ruben, ou badeh kadok tek, ma ou badeh boto-on tek Ma ou badeh kadok tek ou asahan mwena ma ou uni handru ta boto-on. Ou boto-on labai ja ta naduk mwan mari ma ou le ai. Ou kameh budon tam bado rasi bwe i buku none wadah atohou, arile i dah kameh boto-on tam kameh ano, Tasah ou mene babeleben sau ta udu tamam ari bwe, eme ou ala amadin iy.