Beliebte Verse in Luk 19

Teilen

Rag Mab an den a dheuth dhe hwilas ha dhe selwel an dra yw kellys.’

ow leverel, ‘Benniges yw an Myghtern a dheu yn hanow an Arloedh. Kres yn nev ha gordhyans y'n ughelder.’

Hag yn-medh Yesu dhodho, ‘Hedhyw selwyans re dheuva dhe'n chi ma, rag an den ma ynwedh yw mab dhe Abraham.

Pan dheuth dhe'n tyller, Yesu a viras war-vann Zakkar ha leverel dhodho, ‘Zakkeus, deus yn-nans uskis, rag hedhyw y tal dhymm godriga y'th chi.’ Ev a fistenas ha dos yn-nans, ha'y wolkomma gans lowena.

Mes Zakkeus a sevis ha leverel dhe'n Arloedh, ‘Otta, hanter ow fythow, Arloedh, my a re dhe'n voghosogyon, ha mar kwrugavy kemmeres neppyth a nebonan dre frows, my a'n daskorr pedergweyth.’

Ha re a'n Fariseow y'n routh a leveris dhodho, ‘Mester, keredh dha dhyskyblon.’ Ev a worthybis, ow leverel, ‘My a lever dhywgh, mar tewons an re ma, an meyn a wra leva!’