Beliebte Verse in Dewteronomi 6

Teilen

ty a gar an ARLOEDH dha Dhuw gans oll dha golonn, ha gans oll dha enev, ha gans oll dha nerth.

ha hwi a's daslever dhe'th vebyon ha kewsel anedha pan esedhydh y'th chi, ha pan gerdhydh y'n fordh, ha pan wrowedhydh, ha pan sevydh

Ha'n geryow ma esov ow korhemmynna dhis hedhyw a vydh war dha golonn

Klew, Ysrael: An ARLOEDH agan Duw, yw unn ARLOEDH

ha ty a's kelm avel tokyn war dha leuv, hag y fydhons soenelligow yntra dha dhewlagas.

Ha ty a's skrif war bostow darasow dha ji, ha war dha yetys.

Porth own a'n ARLOEDH dha Dhuw ha gwra y servya, ha ti re y hanow.

Pan wra an ARLOEDH dha Dhuw dha dhri bys y'n tir a dos dhe'th tasow, dhe Abraham, dhe Ysak, ha dhe Yakob, dhe ri dhis trevow bras ha teg, na wrussys ta aga drehevel, ha chiow leun a bup-tra da, na wrussys ta aga lenwel, ha puthow palyes, na wrussys ta aga falas, ha gwinlannow hag olewbrennyer, na wrussys ta aga flansa: ena pan dhybrydh ha bos gwalghys, kemmer with na ankeffi an ARLOEDH neb a'th tros yn-mes a bow Ejyp, dhiworth an chi a gethneth.

Hemm yw an gorhemmynn ha'n ordenansow ha'n breusow a worhemmynnis an ARLOEDH agas Duw dhe dhyski dhywgh, dh'aga gul y'n tir mayth esowgh ow treusi di dh'y erita; rag may perthi own a'n ARLOEDH dha Dhuw, dhe witha oll y ordenansow ha'y worhemmynnow esov ow korhemmynna dhis oll dydhyow dha vewnans, ty, ha'th vab, ha mab dha vab, rag may fo hir dha dhydhyow.

Gwra an pyth yw ewn ha da a-wel dhe'n ARLOEDH, rag may fo yn ta dhis, ha may tyffi hag erita an tir da a dos an ARLOEDH dhe'th tasow

(rag Duw avius yw an ARLOEDH dha Dhuw yn agas mysk), ma na dhewo sorr an ARLOEDH dha Dhuw er dha bynn ha'th tistrui a-dhiwar enep an tir.

Na gerdhewgh war-lergh duwow erell, dhiworth duwow an poblow usi a-dro dhywgh

Na brevewgh an ARLOEDH agas Duw kepar dell y'n prevsowgh orth Massa.