Beliebte Verse in Dewteronomi 5

Teilen

Enor dha das ha dha vamm dell worhemmynnis an ARLOEDH dha Dhuw dhis, rag may fo dha dhydhyow hir, ha rag may fo yn ta dhis war an tir a wra an ARLOEDH dha Dhuw y ri dhis.

Kerdhewgh yn pub fordh a worhemmynnis an ARLOEDH agas Duw dhywgh, rag may fewowgh ha may fo yn ta dhywgh ha may fo agas dydhyow hir y'n tir a eritowgh.

Na ombleg a-ragdha na'ga servya; rag my an ARLOEDH dha Dhuw yw Duw avius, ow tri kessydhyans kammweyth an tasow war an fleghes bys y'n tressa ha peswora henedh a'n re a'm kas, mes ow tiskwedhes tregeredh dhe vilyow anedha a'm kar hag a with ow gorhemmynnow.

Na wra dhis imaj gravys, an hevelep a dravyth eus yn nev a-vann nag yn nor a-woeles nag y'n dowr yn-dann an nor.

Ny vydh dhis duwow erell a-ragov.

Na gemmer hanow an ARLOEDH dha Dhuw yn euver, rag ny wra an ARLOEDH y asa heb kessydhyans neb a gemmer y hanow yn euver.

Unnweyth a pe dhedha kolonn a'n par ma, dhe berthi own ahanav vy, ha dhe witha oll ow gorhemmynnow pup-prys, rag may fo yn ta dhedha ha dh'aga mebyon bys vykken!

Gwith dydh an Sabot dh'y witha sans, dell worhemmynnis an ARLOEDH dha Dhuw dhis.

Na hwans benyn dha gentrevek. Na yeun chi dha gentrevek, na'y wel, na'y was, na'y vaghteth, na'y ojyon, na'y asen, na travyth eus dhe'th kentrevek.

Na wra avoutri.

Na wra fals dhustuni erbynn dha gentrevek.

Na volder.

Na lader.

Porth kov ty dhe vos keth yn pow Ejyp, ha'n ARLOEDH dha Dhuw a'th tros yn-mes alena dre leuv grev ha bregh ystynnys; rakhenna an ARLOEDH dha Dhuw a worhemmynnis dhis gwitha an Sabot.

Hwegh dydh y lavurydh ha gul oll dha ober; mes an seythves dydh yw Sabot dhe'n ARLOEDH dha Dhuw; ynno ny wrewgh ober vyth, ty, na dha vab, na dha vyrgh, na dha was, na dha vaghteth, na dha ojyon, na dha asen, nag oll dha jatel, na'n alyon usi a-ji dhe'th yetys, rag may powesso dha was ha dha vaghteth avelos.

My yw an ARLOEDH dha Dhuw neb a'th tros yn-mes a bow Ejyp, yn-mes a'n chi a gethneth.