1
ROM 8:28
AMÜSÜH HÜM CL Bible (BSI)
YIMCBSI
Api lümkhi yande jia larü, apinü amuzhorü ki lüpdükhi ching Thrünpuhnü atsü thsungkheak rhimochoh de isanü mükheahlah.
Vergleichen
Studiere ROM 8:28
2
ROM 8:38-39
Tümüde inü amütsankhi ju ashepü, rhangdung, yunirü, yakzanshuhrü, kheakü lakhi yungsho arüpü lakhi, achang, asük, yungsho thrüna lakhi alala ching tümünü she Atungpuh Jisu Khrista amuzho chingnü isa müchamkhikhuk.
Studiere ROM 8:38-39
3
ROM 8:26
Junangde isa yiuhyiuhde alachoki Menü isa rungchoh; tümüde küde tamkhüntamnübanü isanü mümükheah; thiyubonü müthakhukbe ashede Me küdahnü isa thsungkheak Thrünpuh ki mushujihchoh.
Studiere ROM 8:26
4
ROM 8:31
Dale tüsho isanü ha küde athaba? Thrünpuh ju isa thsungkheak a sho, isa azhihrü she la?
Studiere ROM 8:31
5
ROM 8:1
Jumonü kheaküa Jisu Khrista ching larü thsungkheak abahyukkhi müla.
Studiere ROM 8:1
6
ROM 8:6
Shih kheak mulong zokhi ju ashekhi, tüshe Me kheak mulong zokhi ju rhangdung tüsho mungtsü.
Studiere ROM 8:6
7
ROM 8:37
Yung, harü alala ching isa muzhobuh hode isa ju akuk ngürü kheaknü alü ah.
Studiere ROM 8:37
8
ROM 8:18
Kheakü isa thsünükhibo ha isa ki akhiukpü lakhi müretah lung akepü müthülün de inü lümchoh.
Studiere ROM 8:18
9
ROM 8:35
Shepünü Khrista amuzho chingnü isa chamkhiba? Thsümütsü-ato, lümthsünü, thsümüchi, khümzung, bünkeang, atrebe yungsho thsühnuk a shi?
Studiere ROM 8:35
10
ROM 8:27
Tüsho mihtsürü mulong yimbuh Thrünpuhnü Me lümkhi mükheahlah, tümütüsho Thrünpuh lümkhi yande amüsührü thsungkheak Menü mushujihchoh.
Studiere ROM 8:27
11
ROM 8:14
tümütüsho Thrünpuh Menü aberü alala Thrünpuh tsührübo ah.
Studiere ROM 8:14
12
ROM 8:5
Tümüde sherü shih ayannü lachonü arü lümkhi shih kheak lachoh, tüshe sherü Me ayannü lachonü arü lümkhi Me kheak lachoh.
Studiere ROM 8:5
13
ROM 8:32
Shepünü nihbuh tsührü müsühmühde isa alala dünkheak jihabahkheanü, apinü lüpdükhi isa kilim müjihba de?
Studiere ROM 8:32
14
ROM 8:16-17
Me junü isa Thrünpuh tsührü ah de isa me kheak thiyumütsan thsüchoh, tüsho isa ju tsührübo a sho, yamrüplurüp lurü ah–api müretahkhi ching isanü shihcham lupü thsüde isanü api thsünükhi shihcham lusho, Thrünpuh yamrüplurüp lurü tüsho Khrista lung rukhüh yamrüplurüp lurü thsübah.
Studiere ROM 8:16-17
15
ROM 8:7
Tümüde shih kheak mulong zokhi ju Thrünpuh kilim thiriri; junü Thrünpuh yakzan ki mümükhümkhuk, yungsho junü müthsükhuk
Studiere ROM 8:7
16
ROM 8:19
Thrünpuh tsührübo thsungkheak amikheak akhiukpü thrüna lakhi alalanü mulong dukde aleanglah
Studiere ROM 8:19
17
ROM 8:22
Tümüde thrüna lakhi alala zübe-thsünü kheakü khiungde rukhüh ashede arüchoh de isanü mükheahlah.
Studiere ROM 8:22