Beliebte Verse in Efeso 6

Teilen

I lubwainemi 'eba vetalaga tomogomi 'adi babala 'wa na ve'wesenedi, fai kebu tomotogaotoga taiadi ta da vevetalaga. We'e mogitana ta vevetalaga Seitani ma yana 'aila'avo taiadi. 'Aila'anidi side. Toveimea wata to'edakumeta kebu 'ada fata ta na 'isediga, naninidi toketokedi fwayafwaya dududubalina 'waineye, wata yaiaina sakoidi i miamiani 'awasasa'aveye.

Naninidi 'wa 'ewadiga siwe wata 'wa na vevelu'ui Yaubada 'waineye i na 'i'ivaisemi. Tutuya matatabuna velu'ui tulina tulina 'waidiega 'wa na vevelu'ui Yaubada 'waineye 'Anu'anunu Magemagetana yana awave'eda'eda 'wainega. Yami velu'uinidi 'waidie kebu nuanuaku 'wa na 'abiawa, 'wa na 'isa'isa wata tutuya matatabuna 'wa na vevelu'ui Yaubada yana tomotoga faifaidi.

Yaubada yana kukua 'eba vetalaga tomogomi 'adi babala i velemiga, matatabuna 'wa na ve'wesenedi, kukuanidi 'waidiega 'wa na tovoi fa'alina Seitani yana yogosidu 'adi 'eda'eda tulina tulina 'waidiega.

Begaidi Yaubada yana kukua 'eba vetalaga tomogomi 'adi babala i velemiga, 'aitamogana 'aitamogana 'wa na ve'wesenedi, bega sakona 'ana tutuye, 'ami fata 'wa na vetoketoke. Tutuyanina vetalaga i na 'a'ava, 'omi 'akonadi toketokemi 'wa tovotovoi fa'alina.

Naninidi 'wa na 'idewadi i na 'a'avana wata 'wa na toke 'wa na 'abi yami vetumagana 'waidie, bani'odi yami babala. Yami babalanina 'wainega 'ami fata Seitani, kumanina tosakona, yana 'ibadi 'ala'alaidi 'wa na luve'weudi. 'Ita'ita'i Keliso i velemiga 'wa na 'ewai, bani'odi 'unu'unumi 'adi velubabala. Wata 'Anu'anunu Magemagetana yana kefata nigonigona, taunina Yaubada yana Vona 'wa na 'ewai.

Bei 'akonadi 'wa tovotovoiga 'wa na tovi-vagata. Yaubada 'ana 'aseta mogitana 'wa na vewa'ileni, 'wa na toke 'wa na si'i'ia. Sauluva tonovina Yaubada mataneye nuafoumi 'adi babala 'wa na veagei. Iesu Valana 'Atumaina mia 'atumaina faifaina, 'waineye taunimi 'wa na tauyemi 'ami 'eba 'aivaita, 'wa da vo 'ami 'ageyafayafa 'wa da veagedi, 'agemi 'adi velubabala.

Ekwavo, de'e tamu yaku veifufu 'eba ve'a'ava 'waimie. 'Omi 'wa miave'itubama 'ada Toveimea Iesu taiadi, begaidi yana toketokena bwaikina 'wainega 'wa na vevetoketoke.

Yaubada yana veimea i 'eno'eno i vo, Tamamiavo wata inamiavo 'wa na ve'ililibuyedi." Veimeanina veimea kumekumetana ma 'ana vona'awaufaufa i vo, Tamamiavo wata inamiavo 'wa na ve'ililibuyedi bega yami mia matatabuna 'atumaina wata yami mia fwayefwayeye i na vemanawe."

Yavayavava a na vonemi. Fai 'ada Toveimea Iesu nuanuana, i lubwainemi tamamiavo wata inamiavo 'waidie 'wa na vevematayakayaka.