Lutaangu 25
25
Bari Iselili basaambila biteki
1Bari Iselili badzakala ha Sitimi. Babaandika kusa kimpala na bantuumba ba bari Mohabi. 2Bantuumba ba batumisa mu kuha bikabu kuri banzaambi ba bo. Baatu babeke kudya na kutsukuma ha mankula ma banzaambi ba bo. 3Bari Iselili bakaangama mu Baali-Pehori, na Yaave wabaka nkesi dzalaka. 4Yaave waleele kuri Moose ti : « Holo bakuutu bobanso ba kaanda, baleleke#25.4 Holo : Mbangukulu ntoono mu Kihebereho yahele kutswiikisa ; mbangukulu dzamosi kutobolo nyutu mu kinko bunu pele kuhabula binama. mu mwiini ha mankula ma Yaave ; mu kuri ti kituusi kya nkesi dzaami kiba lutatu na Iselili. » 5Moose waleele kuri balarimi ba Iselili ti : « Mpisi muutu kadzusa baatu baandi bakaangimini mu Baali-Pehori. »
6Mu ntaangu yiyo, mubakala mosi mu baala ba Iselili wanata ntuumba mosi ya bari Madyaani, na wakokosolo na nde kuri bampaangi baandi ; ha miisu mya Moose na kaanda dyodinso dya baala ba Iselili babadilaana ha nkotolo nzo yangooto ya mbwanukunu. 7Bu kamono mamo, ngaanga-Nzaambi Pinehasi, mwaana Elehadzari, mwaana Aaroni, wateleme ha kakati dya kaanda, waholo dyoongi ; 8Nde wayooko ku mambisa ma mubakala wa Iselili waba munsa nzo yangooto. Watobolo boboolo myooyo, wamubakala na wamukyeetu. Hanaho maseembu mawa mu baala ba Iselili. 9Lutaangu bobanso lwa bafwiiri mu nseembulu yiyo lwaaba 24 000#25.9 Kumono 1 Ko 10.8..
10Yaave waleele kuri Moose ti : 11« Ngaanga-Nzaambi Pinehasi, mwaana Elehadzari, mwaana Aaroni, meeni nkesi dza me ha yulu baala ba Iselili, mu kusoongo bukwa ha kibeendu kya me ha kakati dya bo. Mu bubwo me nyahele kumana kudzusa baala ba Iselili mu bukwa bwa ntiilu yaami. 12Mu didyo, bayaabisa ti : Me nsiiri lulelusunu na nde lwa kiyeengi. 13Sa lwaba lulelusunu lwakinkulu kuri nde na kuri biseendu byaandi ha mambisa ma nde. Bukuri nde soongiri bukwa bwa ntiilu mu me Nzaambi yaandi, na taamburi mpemisi ya masumu ma baala ba Iselili. »
14Mu Iselili wubadzuukila na mukyeetu wa Madyaani, waba nkuumbu Dzimiri, mwaana Salu, mukuutu kaanda dya Simehoni. 15Mukyeetu wu badzusiri, mu Madyaani, waba nkuumbu Kodzibi, mwaana Suri, mosi mu bamfumu ba makaanda ma Madyaani. 16Yaave waleele kuri Moose ti : 17« Nwaanisee bari Madyaani na lubadzusa. 18Bukuri ba lunwaanisini mu kuluwumuna mu ntoono ya Pehori na ya Kodzibi, kibusi kya bo, mwaana wa mfumu mosi ya Madyaani, wu badzusiri mu kiluumbu kya nseembulu Pehori mu musamu. »
Lutaangu lwadzoolo lwa bitsuumbu bya Iselili
19Ha mambisa ma nseembulu,
Alliance Biblique du Congo 2024