Yooswa 9
9
Lulelusunu na bari Ngabahoni
1Bambyaasi bobanso baba ku simu dya Yorodaani, ku yulu mulaandu, ku duuru, ku simu dyodinso dya mubu wamunene natee ku Libano bayuka musamu wunde. Haho, bari Amori, bari Kanaana, bari Peridzi, bari Hibvi na bari Yebusi, 2bakutukuna ha kimosi mu kunwaanisa Yooswa na Iselili.
3Bari Ngabahoni#9.3 Ngabahoni bvula dimosi dyaba ku 10 km ku noode-wesete dya Yerusalemi. bayukiri dyaburi Yooswa kasiiri Yeriko na Ayi. 4Ngo bo basalila madyeele ; bayende, baholo matsaaka mafuuka na mambiinda matoboko, na babiteeteke ha yulu bampuunda baaku. 5Baba balwaata masapaatu na binkutu byafuuka byayende loondo, na mampa momanso mabababayirika mu kudya maba makana na ma bitsuri bikwefifika#9.5 Madyeele ma bari Ngabahoni maba mu kufuta ti badyeetee kwalaka na bayisikiri kuri la dyalaka (kumono Bit. 12-13). Mbuti bari Iselili bayaabiri ti bo babadzakilaana mu mabulu mari bebele na bo, nkani bo baketi kusalila lutumu lu babasalilaana mu mabvula maba bebele na bari Iselili, kumono Ngi 20.16-18.. 6Bo bayende kuri Yooswa, ku kibeendu kya manzo mangooto kya ku Ngilingali, baleele kuri nde na kuri baala ba Iselili ti : « Beetu tu nangukini ku nsi mosi yiri la dyalaka, mu kwiisa kusa lulelusunu na beenu. » 7Bari Iselili baleele kuri bari Hibvi ti : « Na yaari, kampe beenu lwadzakala kwaandi ha kakati dya beetu, buri beetu tusiila lulelusunu na beenu ? » 8Bo baleele kuri Yooswa ti : « Beetu bisari byaaku#9.8 Bari Ngabahoni bataambula tekesele Yooswa kayaaba kari bo bana baba, mu kuba bisari bya bari Iselili (kumono kit.11 na kya 23). » Yooswa wabaleele ti : « Heki beenu ba na luri na kuri lunangukini ? » 9Baleele kuri nde ti : « Bisari bya ye binangukini ku nsi mosi yiri la dyalaka, mu nkuumbu Yaave Nzaambi yaaku, bukuri beetu twayukiri mvuumfu nde na myominso mikasiiri ku Ngipiti 10na mikasiiri kuri bambyaasi boboolo ba Amori babeeri ku simu dya Yorodaani, kuri Sihoni mbyaasi Eseboni, na Onge mbyaasi Basaani, wabadzakalaana ku Asetarote#9.10 Kumono 2.10 na matinu.. 11Bakuutu beetu na bobanso ba nsi yeetu ba tuleeriri ti : Holeenu byandya bya kwedya mu nzila, yendee lubabwaana na leele kuri bo ti : Beetu turi bisari byeenu. Mu lumalu, seeneenu lulelusunu na beetu. 12Monee mpa yeetu yi, yabeeri ya mbaawu ntaangu yi twayihoriri mu manzo meetu, kiluumbu ki twa pariri mu kwiisa kuri beenu, mu lumalu monee yeki yakana na yeki bitsuri ! 13Mambiinda ma malu mamo matwaluulusiri kuri mamoono, matoboko ; binkutu byeetu na masapaatu meetu mafuukiri mu ntoono nzila yibvuriri la. »
14Bari Iselili bataambula kudya byandya bya bo, kwahele kufuula Yaave 15Yooswa wasa kiyeengi na lusiilulu na bo mu kuri ti babahemese bamwooyo. Bakuutu ba bula balaba maalu kuri Yooswa.
16Biluumbu bitatu ha mambisa ma kusa lusiilulu, bari Iselili bayuka ti bo baba bebele na baba badzakala ha kakati dya bo. 17Bari Iselili bayusuka ha kibeendu kya manzo mangooto na batubuka mu mabvula ma bo, ha mambisa ma biluumbu bitatu. Mabvula mamo maba : Ngabahoni, Kefira, Beherote na Kiryati-Yeharime#9.17 Mabvula momana mamo mari ku noode-wesete dya Yerusalemi.. 18Baala ba Iselili basii kubadzusa ko, bukuri bakuutu ba bula balabiri maalu mu nkuumbu Yaave, Nzaambi ya Iselili. Ngo baala ba Iselili bamunguta mu bakuutu baaku, 19ngo bakuutu bobanso baleele kuri bo ti : « Beetu twalabiri maalu mu bo kuri bula bwobunso, mu Yaave, Nzaambi Iselili ; mu lumalu lo beetu twahele kubweese kubasa bubi. 20Monee mi tusa kuri bo : Beetu tubahemese bamwooyo, mu kuhele kusaka nkesi dza Yaave mu beetu, mu ntoono maalu ma twalabiri mu bo. 21Bakuutu baleele kuri bo ti : Bo baba bamwooyo ! » Bo baba bakwaangi ba miti na bateki ba maampa#9.21 Kutabala miti na kuteke maampa byaba monikinaa bunu bisalu byahele mufunu, bisalu bya bankutu. mu bula bwobunso, bunu bwa baleeriri bakuutu mu musamu wunde. 22Yooswa wabateele na wabaleele ti : « Mu nki beenu lwawunini beetu mu kuleele ti : Beenu luri la dyalaka na beetu, bunu beenu lwadzakala ha kakati dya beetu ? 23Mu lumalu, beenu lweki lwaloko na beenu lukuuluka mu bunkutu ko, beenu lweki bakwaangi ba miti na bateki ba maampa ma Nzo-Nzaambi yaami. » 24Babvutula kuri Yooswa ti : « Bukuri, bisari byaaku baleeriri kuri beetu, misamu myatumini Yaave, Nzaambi yaaku kuri Moose, kisari kyaandi, mu kuha kuri beenu nsi yoyinso, na mu kudzusa ha busu bwa beenu baatu ba nsi bobanso. Beetu twabakiri boomo bwalaka mu kidziingu kyeetu, ngo beetu twasiiri bubwo. 25Mu lumalu, beetu tweki munsa myooko myaaku, bunu bu wumono ti bwabubwete mu kusa mu beetu, sa kwaaku. »
26Yooswa wasa bumabu kuri bo : Nde wabakuula mu myooko mya baala ba Iselili, na kasii kubadzusa ko. 27Yooswa wabasa, mu kiluumbu kikyo bakwaangi ba miti na bateki ba maampa mu ntoono mukaangu na dziku dya Yaave, natee mu lumalu, ku kibeendu ki kasooriri.
Alliance Biblique du Congo 2024