Esayi 4
4
1Mu kiluumbu kikyo, bakyeetu nsaamu sa bakwaata
mubakala mosi mu kumuleele ti :
Beetu sa twadya mpa beetu-meene,
na sa twalwaata kiyuungu kya beetu-meene.
Wutuha yini nkuumbu yaaku
Wutuyusula nsoni dzeetu !
Babvuukiri mu Iselili
2Mu kiluumbu kikyo, mutwiikila Yaave sa kaba bubwe na nkeembu, na kimbutu kya nsi sa kyaba masiiku na kuseme kuri babvuukiri mu Iselili. 3Heki wunde wusaala ku Syooni na wubasiisa ku Yerusalemi, sa babateele bangisi, bobanso babatina mu kutaambula kidziingu ku Yerusalemi. 4Ha mambisa mari Yaave mwaaswaaka mviindu dza bantuumba ba Syooni na kutsyeemese Yerusalemi mu makila ma nde-meene, mu kiteembu kyangwanwa na kya nsamukunu, 5Yaave sa kayirika, ha yulu mulaandu ndemunso wa Syooni na ha yulu nkutukunu dzaandi dzi katumisini, tuti na mwiisi mu mwiini, na buungi bwa mbaawu ya mile mu butsuku ; bukuri byobinso bya nkeembu sa byaba byayanika. 6Sa kwaba nzo yangooto mu kusa mposi mu ntaangu ya nyangala yamwiini, mu kusalila bunu kibeendu na kisweemunu mu kiteembu na mvula yamakwa.
Alliance Biblique du Congo 2024