Ose 9
9
Kaanda dya Nzaambi sa dyadziimbisa byobinso
1Iselili, yaa keembe ko bunu makaanda makaka.
Bukuri ye wasa kimpala,
na wasasika la na Nzaambi yaaku.
Ye watiiri mufutu mu bibwa byobinso,
bya bwaangala.
2Bwaangala dibari mu kukutukisa,
na maasi ma bari mu kukamuna,
biba bya beenu ko.
Malu mamoono sa maluwuna.
3Bo badzakala
mu nsi ya Yaave ko.
Efarayimi#9.3 Efarayimi : Kumono 4.17 na matina. sa kabvutuka
ku Ngipiti na ku Asiri,
na sa badya byasumuka.
4Bo babweese kutsaamuna bikabu bya malu
mu ntoono Yaave ko,
bikabu bya bo bya nyokulu
bibweeye mu ntoono nde ko.
Bunu mpa ya kifwiiri.
Bobanso badya yo,
sa basumuka.
Bukuri byandya bya bo,
mu kini kidziingu kya bo ;
biri nkotolo mu nzo ya Yaave ko.
5Nki lusa mu kiluumbu kya Mbwanukunu,
mu kiluumbu kya munkeembu wa Yaave ?
6Bukuri mono, bo beensi
mu ntoono nsyamukunu.
Ngipiti sa yabataambula,
Memifisi sa yabadziika.
Leenge sa dyafuka busina bwa bo, bampaanga sa bakalimina manzo ma bo.
7Biluumbu bya lubakusu biisiri.
Biluumbu bya museendu#9.7 Kumono Luk 21.22. bitubukiri.
Iselili sa kayaaba ti mubikiri weki kiwulu,
muutu wawuumuna weki kilawuku,
mu ntoono bunene bwa lumvuki lwa ye na bubi bwaaku.
8Wunde wutalaa Efarayimi,
mubikiri, wuri kintwaari na Nzaambi yaami,
bari mu kwemutaambila myeete
mu manzila maandi momanso,
kuri bubi mu nzo ya Nzaambi.
9Bo batambikiri mpumukunu ya musundu,
bunu bwaba mu biluumbu bya Ngibeha#9.9 Kumono Blm 19-21..
Nde sa kabambukila lumvuki lwa bo
mwooyo, na sa kataanga masumu ma bo.
Banyoongono Nzaambi
10Bunu binkangiri bya bviinya mu nsi yankatu,
Me mwiinee Iselili ;
bunu ngenge dza mintekesele,
bunu ngenge dzatete mu yulu mungenge, me mwiinyee bankaaka ba beenu.
Bo bayisiri ku Baali-Pehori,
bayensi ku lumperi.
Bayirikiri myansoni#9.10 Bete-Pehori bunu pele Baali-Pehori : Kumono Ltg 25., bakotiri mu myansisi
bunu bu batiiriri.
11Efarayimi, nkeembu yaandi sa yadumuka bunu noni.
Kubweese kuba mbutukulu ko,
mayimi ko,
na mbakulu mayimi ko.
12Bukuri mbuti bo babuukisiri baala baaku,
lo me sa nyabadzusa,
tekesele baba baatu.
Kyaari ! Ha nyisasika me la mu ntoono bo.
13Efarayimi, ha nyamumwiini, waba bunu dzuumbu dya maba dyakuna munsa kidzinga ;
ngo Efarayimi yelemini kupalisa baala baandi kuri mudzusi.
14Yaave, ha kuri bo ! Nki wuha kuri bo ?
Wubaha yimi diri mu kuyisika,
na ntulu mabeene yakana !
15« Bubi bwa bo
bwamonikini ku Ngilingali#9.15 Ku Ngilingali : Kumono bvulu-bvulu mu 1 Sa 11.15 ; 15.12, 21 ; kumono se Ose 4.15 ; Amo 4.4 ; 5.5 na matina..
Bukuri kukwo me nyabanyaafuni,
mu ntoono bubi bwa biyiriki bya bo.
Me sa nyababinga la na nzo yaami.
Me nyinamitina kubatya ko,
bamfumu ba bo bobanso bangaa-tungu.
16Efarayimi bamuleti,
mwaansi waandi weki mu kukana,
kabweese kuha bimbutu ko.
Ti hayuku babutiri baala,
lo me sa nyadzusa. »
17Nzaambi yaami sa kabalooso,
bukuri bo bahele kumuywiila.
Bo sa baba baatu bakweyiima
ha kakati dya makaanda.
Alliance Biblique du Congo 2024