GAL 6
6
1हे आक्का तम्मुळ्ळालाला, यवाडाना मनशी यादाना अपराधला शिक्ते, तर मीर यवार आत्मिक उंडार वान नम्रताता सुधराय मतना; मीर स्वता पण परीक्षाला फडाराद आंका स्वता तीकुड लक्ष इंडा. 2मीर वगामेगारदी भोरु यतना आंटे इल्ला शेशी मीर ख्रिस्तद नियम पुर्ण शेशार. 3येनटीक की यवाड येमीच लेड पण स्वतान येमाना समजास्ताड, वाड स्वतान फसाय मतताड. 4पण आंदार स्वता फनीद परीक्षा शेयाला, मंग आप्पुड वानकी इंगोगोर बद्दल लेद, पण फक्त स्वता बद्दल घमंड शेशेदेंक संधी शिक्की. 5येनटीक की, प्रत्येक मनशीक स्वताद भोरु यत्ताने बेक.
6यवानकी वचनदी शिक्षण शिक्ताद वाड शिक्षण इच्चेतोनकी आन्नी शिंगार वस्तुलाद भाग इयाला.
7फसाया कुंडा, परमेश्वर मजाकदी विषय लेड, येनटीक की मनशी येम पण पेरास्ताड दानदे फळ वानकी शिक्की. 8येनटीक की यवाड स्वता फय इचांग पेरास्ताड वानकी फय तीकेल नाशदी फळ शिक्की, पण यवाड पवित्र आत्मा इचांग पेरास्ताड वानकी आत्मा तीकेल सार्वकालिक जीवनदी फळ शिक्की. 9इंगा मनाम शिंगार शेशेदेंक कंटाळा शेयाराद; येनटीक की जर मनाम शिंगार शेस्का उंटे, तर योग्य वेळला मनाक दानदी फळ शिक्की. 10दिनिचांग यल्ला मनाक संधी शिक्या आल्ले मनाम आंदारदी शिंगार शेयाला इंगा विशेष शेशी विश्वासी मंदीद शिंगार शेयाला.
समाप्ती
11सुडना, यंता फेद्दा अक्षरलाला, निन ना शेयता रास्तुनान. 12यंता मंदी शारीरिक माटलाद दिखावा शेशेदेंक सुस्तार आंता मंदी ख्रिस्तन क्रुस इचांग वारदी छळ कावाराद आंका मिद सुंता शेशेदेंक मी मिंदा दबाव येस्तार; 13येनटीक की यवारदी सुंता आयनाद वार स्वता तर नियमशास्त्र पाळायार, पण वारकी मिद सुंता दिनिचांग शेशेद उंडाद की, मीर वार शारीरिक विधीलाद पालन शेस्तीर आंका वारकी घमंड शेया दावाला. 14इल्ला कावाराद की निन इंगोगो यादाना माटाद घमंड शेयाला, फक्त मना प्रभु येशु ख्रिस्तन क्रुसदी घमंड शेशेद इडशी, यादान तीकेल दुन्याम ना इचांग इंगा निन दुन्याम इचांग क्रुस मिंदा खिळाशीनोड उंडान. 15येनटीक की सुंता आयते का काकुंटे दिंटल्या येमीच महत्व लेद, तर मनाम पुर्णपणे कोत्ताद सृष्टी बनायाला इद्दे महत्त्वपुर्ण उंडाद. 16इंगा यंता मंदी इ नियमदी पालन शेस्तार वार आंदार मिंदा इंगा परमेश्वर इस्राएल मिंदा शांती इंगा दया उंडाला.
17इप्पुडनोट यवारुच नाक त्रास इयाराद, येनटीक की निन ना शरीर मिंदा येशुन निशानलान तिस्केन तिरगुतुनान.
18हे आक्का तम्मुळ्ळालाला, निन प्रार्थना शेस्तान की मना प्रभु येशु ख्रिस्तद कृपा मी जताक उंडाला. आमेन.
Valgt i Øjeblikket:
GAL 6: WNT
Markering
Kopiér
Sammenlign
Del
Vil du have dine markeringer gemt på tværs af alle dine enheder? Tilmeld dig eller log ind