EPH 1
1
मंडळीलोन सदस्यला इचांग सिद्धांत — 1:1—3:21
पौल तीकेल दंडाम
1निन पौल, परमेश्वर इच्छाता ख्रिस्त येशुन प्रेषित उंडान. इफिस शहरला निलचेतोर परमेश्वर पवित्र मंदीक इंगा यवार ख्रिस्त येशुन मिंदा विश्वास फेटतार वारकी इदी पत्र रास्तुनान. 2मना परमेश्वर आब्बानदी इंगा प्रभु येशु ख्रिस्तद कृपा इंगा शांती मी जताक उंडाला.
ख्रिस्तला आत्मिक आशिर्वादलु
3मना प्रभु येशु ख्रिस्तन परमेश्वर इंगा आब्बानकी धन्यवाद; यवाड मनाक स्वर्गलोन आन्नी आध्यात्मिक आशिर्वादलु इच्ची मनालनी ख्रिस्तला आशिर्वादीत शेशीनाड.#१करिंथ 12:1-11. 4परमेश्वर ख्रिस्तन मिंदा विश्वास फेटेतोरनी दुन्याम बनाया काना मुंची ख्रिस्तला निवडाशीनाड दिनिचांग की मनाम वान कंडलाला पवित्र इंगा निर्दोष उंडाला. 5परमेश्वर शेंगेम पहिला ठराय मतन्या की येशु ख्रिस्तड जे शेशा दानिचांग परमेश्वर मनालनी इल्ला दत्तक तिस्कुनी जस्काय मनाम वान बिळ्ळु उंडाम. परमेश्वर इल्ला शेशेद निर्णय तिस्कुन्या येनटीक की इल्ला शेशे दिंटल्या वानकी आनंद आय्या. 6वाड इदी आंता परमेश्वर गौरव कृपाद स्तुती कावाला आंका शेशा. इदी कृपा वाड वान प्रिय कोडकु तीकेल मनाक मोकळा मनता इच्या. 7वाड दया इंगा कृपाला इंता समृद्ध उंडाड की वाड वान कोडकु रक्तामता मनाद स्वातंत्र्य कोन्कुन्या इंगा मना पापलाद क्षमा शेशा. 8परमेश्वर मना मिंदा वान पुर्ण ज्ञान इंगा बुद्धीता कृपा शेशीनाड. 9परमेश्वर वानदी गुप्त योजना वान इच्छाता मनाक प्रगट शेशा याद वाड स्वता ख्रिस्तला स्थापित शेशीन्या. 10परमेश्वर योजनालेका यप्पुड वेळ पुर्ण आय्यी आप्पुड वाड स्वर्गलोनदी इंगा पृथ्वी मिंदुडदी आंताच वाड ख्रिस्तला वगातळा यकोची.
11आन्नी माटलु परमेश्वर योजना इंगा इच्छा लेका आयताय; इंगा परमेश्वर वान योजनालेका मनालनी पहिलाने वान मंदी आंका ख्रिस्तला निवडाशीन्या, 12दिनिचांग की यवान मिंदा मनाम पहिलाने आशा फेट्टीन्टीम, वान गौरवी स्तुतीद कारण कावाला. 13ख्रिस्तन तीकेल मीर पण खरेम वचनदी इंगा मी तारणदी सुवार्ता इंटीर इंगा दान मिंदा विश्वास फेटतीर, आप्पुड पवित्र आत्मा अभिवचनदी शिक्का मी मिंदा मतेदेंक वच्या. 14वान प्रिय मंदीद किंमत इच्ची शिक्कीने मुक्ती इचांग इदी पवित्र आत्मा मना वतनदी पुरावा उंडाद दिनिचांग की परमेश्वरदी स्तुती कावाला.
परमेश्वरदी ज्ञान प्राप्त शेशेदेंक प्रार्थना
15दिनिचांग प्रभु येशुला मिद विश्वास इंगा पवित्र मंदी मिंदा मिद यंता प्रेम उंडाद इदी इनी 16निन पण मी इचांग परमेश्वरकी धन्यवाद इच्चेद थांबाय मतालेद इंगा प्रार्थनाला ध्यानाम तिस्केन उंटान. 17निन इल्ला प्रार्थना शेस्तान की, मना प्रभु येशु ख्रिस्तन परमेश्वर, गौरवी आब्बाड, इड मिक वानकी गुरतु उंडीने ज्ञानदी इंगा प्रकटीकरणदी आत्मा इयाला; 18आंटे मी मनुय कंडलु उघडाशी मिक इदी तेल्वाला की, वान पाचारणदी आशा येम उंडाद, वान वतन गौरवदी संपत्ती पवित्र मंदीला यंता उंडाद, 19निन इदी पण प्रार्थना शेस्तान की मिक आंटे वान मिंदा विश्वास फेटेतोर इचांग परमेश्वर सामर्थ्यद महत्व येम उंडाद आदी मिक तेल्वाला. इदी आद्दे शक्तीशाली शक्ती उंडाद.
20वाड इदी फनी ख्रिस्तन तीकेल शेशी वान सच्चीनोर लोन्केल लेप्या इंगा स्वर्गला परमेश्वर मंची शेय तीकुड कुसनामत्या.#इब्री 10:22; स्तोत्रसंहिता 110:1. 21वाड वान आन्नी अधिपतील, अधिकारील, सामर्थ्यलु, प्रभुत्व इंगा प्रत्येक फेर काना याद इ युगलाने लेद तर वच्चे युगला पण इच्ची वार आंदार काना शेंगेम उंच शेशा. 22परमेश्वर आंताच ख्रिस्तन काळा किंदा येशा इंगा वान आंदार मिंदा प्रमुख बनायमती मंडळीक इच्या. 23मंडळी इदी ख्रिस्तद शरीर उंडाद. वानदी परिपुर्णता उंडाद याद आंदारला आंता पुर्ण शेस्ताद.
Valgt i Øjeblikket:
EPH 1: WNT
Markering
Kopiér
Sammenlign
Del
Vil du have dine markeringer gemt på tværs af alle dine enheder? Tilmeld dig eller log ind