GAL 2
2
1मंग, चौदा यंडलु आयनेंका निन वापस, बर्णबान जताक, यरुशलेम शहरकी फोयतीन, निन ना जताक तीतनी पण येका फोयतीन. 2नाक प्रकटीकरण आयने लेका निन फोयतीन इंगा याद सुवार्ता निन यहुदी लेनोर मंदीक शपतान, आदी निन वार मुंदार फेटतीन; पण मंडळीलोन पुढारीलाक निन एकांतला समजाय मततीन; नाद इच्छा लेद की नाद इप्पुडदी लेकाते पहिलाद फारकाम व्यर्थ ठरायाला. 3पण ना जताक उंडीनोड तीत इड ग्रीक उंड्या, वानदी पण सुंता कावाने बेक आंका वार आनालेद. 4इदी प्रश्न खोटा विश्वासी मंदी इचांग निर्माण आय्या, येनटीक की ख्रिस्त येशुला मनाक याद स्वातंत्र्य उंडाद. दान फुडकेदेंक इंगा मनालनी गुलाम बनाय मतेदेंक काही खोटा विश्वासी मंदी मा नडमा दोंगातारला दुरीनीर. 5शुभवर्तमानदी सत्य मी देगार नेहमी उंडाला आंका क्षणभर पण मिम वार अधिन कालेद. 6पण यवारनी पुढारी आंका मानायदुर (वार यल्लान उंटे दानदी नाक येमीच शेशेद लेद; परमेश्वर यादुच मनशीद पक्षपात शेयाड.) वार तीकेल नाक येमीच शिक्कालेद. 7दिन उलटा सुंता आयने यहुदी मंदीक शुभवर्तमान शप्पेद यल्ला पेत्रक सोपाशी इच्चीनेद उंडाद, आल्ले सुंता कालेनोर यहुदी लेने मंदीक शुभवर्तमान शप्पेद नाक सोपाशी इच्चीनेद उंडाद, इदी वार सुशीर. 8येनटीक की यल्ला परमेश्वर पेत्रक सुंता आयने मंदीलाला प्रेषितदी सेवा शेशेदेंक शक्ती पुराय मत्या, आल्ले वाड नाक पण यहुदी लेनोर मंदीला आदी सेवा शेशेदेंक शक्ती पुराय मत्या. 9इंगा यप्पुड वार नाक शिक्कीनेद कृपादान ओळखाशीर, आप्पुड याकोब, कैफा इंगा योहान इर यवार मंडळीक आधारस्तंभ उंडीर वार नाक इंगा बर्णबानकी संगतीद मंची शेय इच्चीर, दिनिचांग की, मिम आंदार परमेश्वर फनीला सहभागी उंडाम इदी सुपीचेदेंक इंगा वार मान्य शेशीर की मिम यहुदी लेने मंदी तीकुड फोवाला इंगा वार सुंता आयनोर तीकुड फोवाला. 10पण मिम गरीबोरदी ध्यानाम फेट्टाला, इल्ला वारदी इच्छा उंड्या; निन तर आय्ये माटलु शेशेदेंक उत्सुक उंटीन.
11इंगा दान बाद, कैफाड अंत्युखिया शहरकी वच्या, निन आंदार मुंदार वानदी विरोध शेस्तीन, येनटीक की वाड दोषी उंड्या. 12येनटीक की याकोब देगाटेल काही मंदी दावा काना मुंची वाड यहुदी लेने मंदी जताक तिनदु पण वार वच्ची नेंका वाड यहुदी विश्वासी मंदी यवार सुंता विधी मिंदा जोर इद्दुर वार यरपुक यहुदी लेने मंदी देगाटेल यंकाक तिरग्या इंगा अलग निलचेदेंक आंट्या. 13आप्पुड आल्ले इंगोगो यहुदी विश्वासी मंदी पण वान जताक ढोंग शेशीर; इड नंताक की बर्णबाड पण वार ढोंगता प्रभावित आय्या. 14पण यप्पुड निन इदी सुस्तीन की, शुभवर्तमान सत्य मिंदा वार बरोबर नडवाक वच्चीनार, आप्पुड निन आंदार मुंदार कैफान आंटीन, “नु स्वता यहुदी उंडी नु जर यहुदी मंदी लेका वागायाव, तर यवार यहुदी लेनोर उंडार वार यहुदी मंदी लेका वागायाला, आंका नु वार मिंदा अत्याचार येनटीक शेस्ताव?”
15मनाम तर फुट्टीनकेले यहुदी उंडाम, यहुदी लेने पापी मंदी लोन्केल लेम. 16तरी मनाक यरका उंडाद की मनशी नियमशास्त्रलोन फनुलाता नितीमान ठरायाड पण येशु ख्रिस्त मिंदा विश्वास फेटने इचांग ठरास्ताड, इदी ओळखाशी मिम पण येशुन मिंदा विश्वास फेटतीम; दिनिचांग की, विश्वासता मनशी नितीमान ठरास्ताड, दिनिचांग मिम येशु ख्रिस्तन मिंदा विश्वास फेटनाम; फक्त मनाम येशु ख्रिस्तन मिंदा विश्वास फेटने इचांग नितीमान ठरायाला, नियमशास्त्रलोन फनुलाता लेद, येनटीक की नियमशास्त्रलोन फनुलाता मनशी जाती लोन्केल यवारुच नितीमान ठरायार. 17पण इप्पुड मनाम यवारकी ख्रिस्तला नितीमान ठराशेद उंडाद, जर मनाम स्वताने पापी उंटे, तर ख्रिस्तड पाप सेवक उंडाड येम? अजिबात लेद. 18येनटीक की निन नियमशास्त्रद याद व्यवस्था निन केडपुतीन आद्दे वापस नीला फडा मततान तर निन स्वता नियमशास्त्र तेम्पेतोड ठराशान. 19येनटीक की निन नियमशास्त्र तीकेल नियमशास्त्र इचांग सच्ची फोयनान, दिनिचांग की, निन परमेश्वर इचांग जगायाला. 20निन ख्रिस्तन जताक क्रुस मिंदा खिळाशेदेंक वच्चीनान इंगा दिन मुंदारकी निन जगास्तान इल्ला लेद तर ख्रिस्तड ना लोना जगास्ताड इंगा इप्पुड यवाड निन फयला जित्ता उंडान परमेश्वर कोडकु मिंदा विश्वास फेटनान आंका उंडान. वाड ना मिंदा प्रेम शेशा इंगा ना इचांग वानदी जेम इचकाड्या. 21निन परमेश्वरदी कृपा व्यर्थ ठराय मतान येनटीक की जर नितीमत्व नियमशास्त्र तीकेल उंटे तर ख्रिस्तद सच्चेद व्यर्थ आयतुन्या.
Valgt i Øjeblikket:
GAL 2: WNT
Markering
Kopiér
Sammenlign
Del
Vil du have dine markeringer gemt på tværs af alle dine enheder? Tilmeld dig eller log ind