2CO 3
3
ख्रिस्तद पत्र
1हे ना आक्का तम्मुळ्ळालाला मिम वापस माद प्रशंसा शेशेदेंक आंटीनाम येम? यल्ला काही मंदी शेस्तार आल्ला माक मी इचांग लेकाते मी तीकेल शिफारस पत्र#3:1 शिफारस पत्र प्राचीन काळला मंदी वार ओळख इचांग पत्र येकेन नडदुर, पौल आंटाड की करिंथलोन विश्वासी मंदीद जीवने वानदी पत्र उंडाद. तिस्कुनेद गरज उंडाद येम? 2माद पत्र तर मीर स्वतः उंडार याद मा मन मिंदा राशीनेद उंडाद, यादान आंदार ओळखास्तार इंगा वाचास्तार. 3इदी स्पष्ट उंडाद की मीर ख्रिस्तद वगा पत्र उंडार, मा सेवाद परिणाम उंडार, इंगा याद शाहीता लेद तर जिवंत परमेश्वर आत्माता राळा पाट्यामिंदा लेद, तर हृदय पाट्यामिंदा राशीनेद उंडाद.
4इदी मनाम पुर्ण विश्वासता आनी शकास्ताम येनटीक की ख्रिस्त तीकेल मनाद परमेश्वर मिंदा विश्वास उंडाद. 5मना दिंटल्या इल्ला येमीच लेद याद माक इदी आनेदेंक परवानगी इस्ताद की मिम इदी फनी शेशी शकास्ताम, पण माद सामर्थ्य परमेश्वर तीकेल वच्चीनेद उंडाद. 6वाड मनालनी कोत्ता करार#3:6 कोत्ता करार येशुन तीकेल परमेश्वर इंगा मनशी नडमा कोत्ता संबंध, यवाड मोशेनदी नियमशास्त्र रद्द शेशा. (निर्गम 24:8; यिर्मया 31:31; 32:40.) सेवक आयेदेंक योग्य ठराय मतनाड. लेखक सेवक लेद तर पवित्र आत्मा सेवक, येनटीक की लेख मतेस्ताद पण पवित्र आत्मा जित्ता शेस्ताद.
कोत्ता करारदी महानता
7पण आदी सेवा याद साव निंडीनेद उंड्या#3:7 साव निंडीनेद उंड्या फाता करारदी नियमशास्त्र, याद पाप सुपीदु, पण साव तीकेल वाचायमती शकायाक उंटुन्या. आंटे राळामिंदा राशीने नियमशास्त्रद नियम, आदी इंता तेजस्वी उंड्या की इस्राएल मंदी मोशेन आ तेजस्वी मुती तीकुड टक सुशी शकायालेद. (इंगा जरी वानदी आदी तेज यंकसार कमी आय फो.) 8तर पवित्र आत्माद सेवा दान काना जास्त तेजस्वी लेकुंडी येम? 9इंगा या सेवाला दंडाज्ञा उंडाद दांटल्या इंता तेज उंडाद तर आ सेवाला यंता तेज उंडी याद नितीमान ठराय मतेद सेवा उंडाद. 10खरेमे सुस्ते याद तेजस्वी उंड्या दांटल्या पण आ तेज इचांग याद दान काना तेजस्वी उंड्या तेजस्वी निलवाक फो. 11येनटीक की याद कमी आयकेन फोयतुन्या आदी तेजस्वी उंड्या, तर याद सार्वकालिक उंडाद आदी यंता जास्त तेजस्वी उंडी.
ख्रिस्तद परिवर्तन शेशेद शक्ती
12तर मंग माक इल्ला आशा उंडीने इचांग मिम शेंगेम हिम्मतता माटलाडताम. 13मिम मोशेन लेका शेयाम; वाड मुती मिंदा पडदा येस्कुंड्या दिनिचांग की, याद तेज कमी आयकेन फोतुन्या आदी इस्राएल मंदीक आखरी नंताक सुडा दावाराद.#निर्गम 34:33-35. 14पण मंदी मनलु कठोर आय फोयन्या, इंगा इबद नंताक यप्पुड पण फाताद करार वाचाशेदेंक वस्ताद, आद्दे पडदा वार दिमाकनी मुस्काडताद दिनिचांग की वारकी सत्य तेल्वाराद इंगा इ पडदान फक्त ख्रिस्त मिंदा विश्वास फेट्टीगासे तिया वस्ताद. 15इबद पण, यप्पुड पण वार मोशेनदी नियमशास्त्र वाचास्तार आप्पुड वार मन मिंदा पडदा मुशीनेद उंटाद#3:15 वार मन मिंदा पडदा मुशीनेद उंटाद आत्मिक अंधकार, याद मंदीन सुवार्ता इनाराद आंका थांबाय मतताद. . 16पण यप्पुड यवाडाना प्रभुन येशुन तीकुड तिरगुताड आप्पुड पडदा तिशेदेंक वस्ताद. 17येनटीक की प्रभुड आत्मा उंडाड इंगा यंदु प्रभुनदी आत्मा उंडाद आंदु स्वातंत्र्य उंडाद. 18तर मनाम आंदार यवार मुती मिंदकेल आदी पडदा तिशेदेंक वच्चीनाद आरसाला प्रभुन तेज तीकुड सुस्ताम तर मनाम पण आल्ले आयेदेंक आंटताम इंगा मनाद तेज वाढाशेदेंक आंटताद. इदी तेज आ प्रभुन तीकेले शिक्ताद आंटे आत्मा तीकेल शिक्ताद.
Valgt i Øjeblikket:
2CO 3: WNT
Markering
Kopiér
Sammenlign
Del
Vil du have dine markeringer gemt på tværs af alle dine enheder? Tilmeld dig eller log ind