2CO 2
2
पौलदी दुखता निंडीनेद पत्र इंगा मंडळी बद्दल प्रेम
1हे आक्का तम्मुळ्ळालाला दिनिचांग निन ना मनला इद्दे ठराय मतींटीन की, निन वापस दुख इच्चेदेंक मी तीकुड दावाराद. 2येनटीक की जर निन मिक दुख इस्तान, तर यवारकी ना इचांग दुख आयताद वान इडशी नन्नु खुश शेशेतोड यवार उंडाड.? 3इद्दे कारण उंड्या आंका निन मिक रास्तीन, की यप्पुड निन वच्यान तर निन आ मंदी इचांग दुखी कावाराद यवारकी नाक आंदार काना फेद्दाद आनंद इयाबेक, मिक आंदारकी यरका उंडाद की मीर आनंदीत आयतीर की नाक आनंद आयताद. 4येनटीक की, निन दुखता, मन तळमळता इंगा कनेळलु गाळास्का मिक रास्तीन आदी मीर दुखी कावाला आंकेन लेद तर मिक इदी तेल्वाला की नाद मी मिंदा यंता प्रेम उंडाद.
पश्चात्ताप शेशेतोरनी क्षमा शेशेद
5जर यवाडाना नाक दुख इच्चीन्याला, तर वाड फक्त नाके दुख इच्या, इल्ला लेद, तर काहीक प्रमाणला मिक आंदारकी इच्चीनाड. दान बद्दल नाक इंगा जास्त माटलाडेद लेद.#गलती 4:12. 6इल्लोन मनशीक याद शिक्षा मी मंदी इच्चीर, आद्दे शेंगेम उंडाद. 7दिनिचांग, वान क्षमा शेशी मीर वानदी सांत्वन शेयना; दिनिचांग की शेंगेम दुखता वाड दबाशी फोवाराद. 8दिनिचांग निन मिक विनंती शेस्तान की, वान मिंदा मिद प्रेम उंडाद इल्ला वानकी सुपना. 9येनटीक की निन मिक इ उद्देशता राशीनान की, मीर परीक्षाला टीकास्तार की लेद इंगा ना प्रत्येक माटाला मीर आज्ञाधारक उंटार का लेद इदी सुडाला. 10जर मीर यवारनी आना यादाना माटा इचांग क्षमा शेस्तार तर वान निन पण क्षमा शेस्तान, येनटीक की यवारनी पण निन क्षमा शेशीनान, वान मी इचांग ख्रिस्तन उपस्थितीला शेशीनान. 11दिनिचांग की शैतान मनालनी फसाय मताराद; येनटीक की मनाक वानी दुष्ट योजनाल यरका उंडाय.
ख्रिस्त तीकेल विजयी
12इंगा हे ना आक्का तम्मुळ्ळालाला यप्पुड निन ख्रिस्तद सुवार्ता प्रसार शेशेदेंक त्रोवस शहरकी वस्तीन, तर निन सुस्तीन की प्रभुड ना इचांग वगा दावा खोलाशीनाड. 13तरी ना मनकी शांती शिक्कालेद, येनटीक की नाक आंदु ना तम्मुड तीत#2:13 तीत तीत तीमथ्यन लेका प्रेषित पौल सुवार्ता प्रसारला सहकर्मी उंड्या. शिक्काक फो. तर आंदुड मंदीक निन टाटा शेशी मासेदोनिया प्रांतकी वापस फोयतीन.
14पण परमेश्वरदी आभार मानास्तान यवाड ख्रिस्तला नेहमी मनालनी विजयता येका फोयताड#2:14 विजयता येका फोयताड रोमी विजय परेड यंदु वगा सेनापती युद्धलोन कैदीलाद इंगा लुटदी प्रदर्शन शेशा, पौल ख्रिस्तन विजयदी तुलना दिन जताक शेशा. इंगा वान ज्ञानदी सुगंध प्रत्येक जागाला मना तीकेल आन्नी तीकुड पसराय मतताड. 15येनटीक की यवारदी तारण आयतुनाद इल्लोन मंदीला इंगा यवारदी नाश आयतुनाद इल्लोन मंदीला मनाम परमेश्वरकी ख्रिस्तद सुगंध#2:15 ख्रिस्तद सुगंध विश्वासी मंदी इचांग सुवार्ता शिंगार सुगंध उंडाद पण अविश्वासी मंदी इचांग न्यायदी घउल उंडाद. उंडाम. 16पण वार इचांग यवार नाश आय्ये दावा मिंदा उंडार, इदी सावदी इल्ला घउल उंडाद, याद साव तीकुड येकेन फोयताद. पण वार इचांग यवार तारण दावा मिंदा वाढास्तुनार, इदी जीवनदी इल्ला सुगंध उंडाद, याद जीवन तीकुड येका फोयताद. पण इ माटा इचांग यवार लायक उंडार? 17येनटीक की मिम आ शेंगेम मंदी लेका लेम यवार परमेश्वर वचनला मिसळ शेस्तार, पण मिम शुद्ध मनता, परमेश्वरदी तीकेल परमेश्वर कंडला मुंदार उंडाड इदी जानाशी ख्रिस्तला माटलाडताम.
Valgt i Øjeblikket:
2CO 2: WNT
Markering
Kopiér
Sammenlign
Del
Vil du have dine markeringer gemt på tværs af alle dine enheder? Tilmeld dig eller log ind