1 Tesalonicenses 4
4
Paufaacawa caiji Dios yuumacapishu
1Panaya nukitsiñape, wacanantenina shaa cuajica paufaacawa caiji Dios yuumacapishu, njite ajadalri yuufeniwa cayua. Watatja iinai caiwirricutsa njite ferreta iwaopiakje lriipitananacu ljiaji Waminalri Jesús inaitjaminicarrupja cayu.
2Ima shaa yaanjinina cucaca ljiaji wanaalripia inaitjaca caiji Waminalri Jesucristo inaacapishu wacaiteca. 3Dios yuuma jienitacacaperrica shaa lriuya ljiaji mashidalri njite curricarru inaitja macadatsa iidakishu, aapama inai iinu yuya u aape iinai iinirri yuya. 4Njite yaajicarruatsa iwapaca idaki icuanamtsa, sheenitacarruni maashidalri yuya caiji cajikjaperrishu nacapawerricu njaji inaiki, 5macadaatsa lridee iwaopiakje ljiaji idaki yuumalri inaitjakja macadatsa, iwaopiakje maashidalri yaapiya, caiji nanaitjacapishu naji curriperri yaaji Dios-nacu. 6Macadaatsa aape inaitja maashi lrikitsinda irsu, lricashatacarru jrita rsuaji lriinu lriumacapua lrinaitjaca macadatsa rsuapiya, ima Waminalri jirrapjitetaca kjaidaa pjiumi ljiaji caidalri, caiji wacaitecapishuena lrinacu. 7Nudana irso ljiaji, ima Dios iniwana faa waufacarrua maupitjaperrishu, currim waufaacarrua imatsicanatirricu. 8Niini ljiaji imjeepatacada ljiaji wacanantalri irso, currim lrimjepataca aatsianai, lrimjepataca ljiaji Dios yaalri irsu Espíritu Santo.
9Njite lrinacu ljiaji ipeyukjeti irsulri iinaiwaca, curritsa cuada wadanapja lrinacu, ima Dios icanantjenina shaa ipeyuacacarrua. 10Ima inaitjenina cayu napiya naji ikitsiñape paderri Macedonialricuperri. Mitsa watatja iinai caiwirricutsa, lritawiñacarrupjao ljiaji ipeyukjeti irsulrina. 11Yuuma yuufacarrua imaudacatsa, njite jita icaolreo lrinacu ljiaji iyada, idejicarru irsuwao caiji wacaitecapishuena, 12Matsiacarruatsa yuufacao napjeyalre naji curriperritua icada icaolre Jesucristo-naco. Njite curricarruatsa iwapa apada yaa irsu canacaidalri.
Lrinucadanacuatsa ljiaji Waminalri
13Wakitsiñape icadaca icaolreo Jesucristo-nacu, wauma yaajica cuajicaotsa njaji mayamiperrim, wadeewatsa iinunaca shaa nacaishu njaji curriperri iwapa caaficautsa napieta njaji mayamperrim. 14Caiji wacadacapishuena wacaolreo mayamipiaca ljiaji Jesús njite lridia lricafiawa, caitsakjautsa Dios inaitjaca Jesucristo-nakjuite, lrideecarruatsa lriinaiwa naji mayamiperri icadapepia icaolreo lrinacu.
15Caishupa wacaite irsu ljiaji Waminalri yaacu, lricaite cayuji: —"Njaji caafiperritua nupietacadanacuatsa nunuca curriwatsa nawaketacacarrua nuinai napjeya naji mayamiperrim". 16Ima pjemiwatsa lriacu kjaidadalri, lrinumalrikjuite ljiaji apada natalricana njaji angelenai njite lrimaulre ljia Dios itrompetan, ljiatsautsa ljiaji Waminalri lriurrucuatsa eenulikjuite njite njenicuatsao mayamicalri yuya njaji mayamiperri icadacape icaolreo Jesucristo-nacu. 17Njitewatsa, faa caafiperritua lridee-tsakjaotsa faa pacuacatsa nainai iiyadaucalriculje, wauketacacarruatsa nirse, njite waufacautsa lriinai caidalriwetsa. 18Niini ikjaidatakenawa lrinacu ljiaji yaacuti.
© 2025 CLAN
© 2025 Seed Company