1 Tesalonicenses 1
1
Memoria
1Njua Pablo, Silvano, Timoteo tsakja wadana irsu ljiaji paperra irso shaa icadacape icaolreo aji Tesalonicalricu, shaa apadaperritsa irruca taimiwa Fanirri Dios nacu njite Waminalri Jesucristo nacutsakja. Dios watsa icada irsu lrimatsiaca imaudacacarru padenirri.
Cuajica nacadaca nacaolreo naji Tesalonicalricuperri
2Caidalritsa waaca matsiadalri Dios irsu inacu padenirri, watatacadanacu inacu. 3Caidalritsa wawaopica shaa Fanirri Dios-nacu lrima ljiaji idenjicalre caiji idenjicapishuena, icadacapua icaolreo Waminalri-nacu njite cuanca ikjaidatacacao ikitsindatacarru naji apaana ipeyucapuana. Wawadatsakja shaa Dios ipjeyalje itarrawatacapua caidalritsa lrima lriaji iwapalriwatsa icapa Waminalri Jesucristo inucadanacu. 4Shaa wakitsiñape Dios ipeyunipe, wajintsa lriniwananjica jia. 5Ima wacaitecadanacupia jimi ljiaji yacuti matsiadalri, currim wanaitjani yaacutishuminitsa, mitsa wanaitjapiani Dios jiidashu, lrima ljiaji Espíritu Santo yuufalri wanacu lricadaa yaanji ajadalrica ljiaji yacuti wacanantalri, yaajintsa machia cuajipiaca waofaca ipeculrico, waumacapua wakitsindataca shaa yuufacarru machiawa.
6Njite jipjenina inacua ljiaji yacuti matsiadalri catimadalrishu. Yuufeenina cayuji waufaacapishupia ipeculrico, caiji lriufacapishupiawa ljiaji Waminalri Jesucristo. Njite panaya yufaa caatimawa lrishu ljiaji itimati Espíritu Santo icadalri irsu jirrapjitacadanacu macadalri. 7Niini pjiumi naji icadacape icaolreo Jesucristo-nacu Macedonialricuperri njite Acayalricuperri tsakja nacapa naicao shaa. 8Panaya ajaiteji yuufalri njite, lripucutao ljiaji yaacuti Waminalri inacu, currim acatsa jiipai Macedonialricu njite Acaya-tsakja, mitsa lriacawa aapjateji, njite kjerrecawa lriucao ljiaji yaacuti, njaji inaiki njemi cuanca icadaca icaolreo Dios-nacu, nini caishupa currinatsa cuadapja wacaitentja cuanca sheepaca. 9Caishupa njawaacatsa icaite cuajica icuadataca faa catimalricu waucacadanacu iikjaolre, njite cuajica imacaca naji iidolonai ipadametacadanacu iwaopiakje icadacarruenakja lrianji inacu ljiaji Dios ajadalri, caafidalri. 10Nacaitetsakja iwapaca lrinuca eenulrikjuite lriaji Dios Irri, Jesús, ljiaji Dios jirretanda mayamicalri yuuya. Icatsa ljiaji imachietalriwatsa faa lriuya liaji Dios iirrua cafainadalri inulriwatsa.
© 2025 CLAN
© 2025 Seed Company