1 Pedro 2
2
Njaji valriperri Dios jitaca lrinaiquiteva
1Nini lrikjaute, ipecu yuyau pjiumi machidalri, pjiumi ishati, wade icaiteca yacunavaca irsupjaca nauya ishaticadanatsa, maquemitsa njite macaitepetsa ishati apadanacu. 2Yuma caivirricutsa ljiaji Dios yacu maupitjadalri cayuji yempeti valridalri yumacapishu ljidua inia, itaitacarruatsa itaviñacau lrishu njite yumjewatsa shaa, 3Ima sha icapjenina machiadalrica ljiaji Dios.
4Ishumitena ljiaji vaminalri, ljiaji jipada cafidalri napecundan nauyau njaji inaiqui, mitsa ljiaji jipada Dios irsun cacuadadalrican njite ljienitandacan lrirsuwao. 5Ima caiperricashaji apada jipada cafidalrishu nini caitsakja Dios isru sha caiji apada panti panaitanda maupitjadalri shu, apapucu sacerdotenai idejicape Dios isru mamashicanaperri, nanaitacawa jidati nacarru machiadalri Jesucristo inakjuite. 6Caishupa lricaitetsaca ljiaji nadananda:
"Nucadenina apada jipada aji yacalre Sión lricu
icatsa ljiaji jipada yemacada taimi napiya,
cacuadadalricani njite ljienitandacani;
ljiaji icadacada icaulreu lrinacu currivatsa macuadadalrica lrirsun".#Is 28:16
7Irsu sha, icadacape icaulreu, cacuadadalrica ljiaji jipada; mitsa narsu njaji mjepacaperri ljiyapautsau caiji lricaitecapishu ljiaji nadananada:
"Ljiaji jipada namacuadatandan njaji inaitjacaperri panti,
panaya canacaidalripjacani narsu"#Sal 118:22.
8Njite lricaitepjatsaca:
"Apada jipada natudalrivatsa njaipau inacu njite njewau".#Is 8:14
Ima njaji mjepacaperri natuda njaipau curricapua njepa ljiaji yacuti: icatsa lricuadacavatsa narsu.
9Mitsa sha lrinivananipeca lrinaiquiteva, sacerdotenai carru shaa idenjicaupe lrirsu ljiaji italricanati, papoco inaiki lriwentaji njite lrienitanji lrirsuwao ljiaji Dios#Ex 19:5-6; Dt 4:20; 7:6; 14:2, icaiterru nanacu njaji lrinaitjanpe machiaperri ljiaji imutuetalri sha cadaucaverricuite shevacarru lrirricuda ljiaji lricamarrana machiadalri#Is 43:21. 10Upipiatua sha curripiatua linaiquiteca sha, mitsa panaya lrinaiquitequena sha; upipia curripiatua kjena Dios icapaca irsu mitsa panaya kjenaperriquena lricapaca sha#Os 1:6,9; 2:23.
Inaitja machia nacaparru naicau
11Nuquichiñape nupeyunpe, caiperrica shaji inucapeshutsa yufau njite kjeyatsa aji jalredauca lricu, nutata inai caivirricutsa curricarru icada lrisru lriufacarrudau ljiaji inaiquica upidalrin ljiaji yemalri lricuete ljiaji inaiquica valridalri. 12Yemena canjikjeperri shu napeculricu njaji mjepacaperri ninitsa nacaitecada machi inacu, nacapacadavatsa inaiquica machia, navatsa machiadalri Dios irsu ljiadavatsa lricaiteca nacuna njaji jelredaucalricuperri.
Inaitja cayuji nacaitecapishu njaji italricanatinai jalredaucalricuperri
13Waminalri yuma inaitjaca cainji italricanatjinai jalredaucalricuperri icaitecapishu: lriumacapishutsakja ljiaji italricanati napjeyaljedalripja, 14naumacapishutsaca njaji italricanatinai ivapacape nayacalre lrimenacanji njerrapitetacarru njaji inaitjacape mashi njite nacaitecarru machia nacuna njaji inaitjacaperri machia. 15Ima ljiaji Dios lriuma inaitjaca ljiaji machiadalri, curricarruatsa cuca nacaite inacu njaji curriperri yaji ljiaji ajadalri njite njaji curriperri yuma shepaca ljiaji ajadalri.
16Inaitjaca aji jalredaucalricu caiji nanaitjacapishu njaji maminalriperritsa, mitsa currin numa ivaupiaca cayu inaitjacarruntja machi. Machiapja inaitjaca aji jalredaucalricu caiji nanaitjacapishu njaji Dios isruperri. 17Madejitatsana ifiu naivana njaji inaiqui, ipeyu njaji iquichiñape, ifiu Dios ivana. Ifiu lriivana lriaji itjalricanatji.
Irsutsa shepaca iminanai yacu
18Sha caminanaiperri, irsutsa ifiuca jurre naiwana naji iminanai curritsa cuada machiaperricana o machiperricana. 19Ima machiadalri Dios icapaca ljiaji njerrapitetacapjia mikjapantsa pinaitjacapua caiji Dios yumacapishu. 20Nini njerrapitetacada sha lrikjaute ljiaji machidalri inaitjalri currin cuadaca catjima shaa irsutsa itarravataca lricjuete, mitsa njerrapitetacada sha lrikjaute ljiaji inatjalri machiadalri, machiadalrica Dios icapaca cayudalri. 21Njite lricjaute ljiaji Dios inivana sha, ima Cristo jirrapitjenina ikjaute, icaparru icauni njite inaitjacarru cayu lricaishu. 22Ljiaji Cristo curripia cuancaulreca lrinaitja lrimashicanao curritsakja cuancaulreca lricashata apada. 23Cacucadanacupia machi lrirsuna, curripia ljiepacaca napiya; njerrapitetacadanacupiani curripia lriuma lricuadau, lricadacapiava Dios icapirricu, ljiaji itatacada lricuada nainai icatsa ljiaji mayacandalrican. 24Cristo piatsa idee lrinaiva njaji vamachicana Cruzanacu, lriwayaketarru wauya ljiaji wamashicana njite vaufacarruva cayuji Dios yumacapishu. Njite njaji lriyauni ljiaji Jesucristo icatsa imachietalrica sha. 25Ima sha yanjipiacava cayuji oveja manalredalrin shu, mitsa panaya idiaquena lrikjaulre lriaji Cristo ljiaji ivapacada sha caiji apada ivapacapishu lripirra ovejas.
© 2025 CLAN
© 2025 Seed Company