matiyu 18
18
Shɔ pɛ̃ni piya
1A ɗawuni Yesɔ jadɔyi au ɗɔbii i hɨunɛ,<<Shɔpẽni pi a kpati roonɛ a Ɗa wɛrɛ ni piya?>> 2Yesɔ ɓaa jaɓẽrẽti nya a shi ai tete. 3A shanɛ: <<N gelɔɔ nizɛ, setaa sɔraa yuu tɛ naa jaɓɛ̃rɛ̃ti, nɓa ɗɔkɔ ɓa a yɛ roo kpati roone ɓa a Ɗa wɛrɛ niɓa.>> 4Ɔ̃ tɛ nankɔ, shɔgbete kɛ risiu yuu nɛ naa jajam ukɔ yɛ ɔ̃rɛ shɔpɛ̃ni a ɗɔ kpati roonɛ a Ɗa wɛrɛ ni.
5Shɔgbete kɛ tɛ jaɓɛ̃rɛ̃tin naa nɛ ang nii tɛpɛ nkɔ. 6Shɔu kɛ sɨng jaɓɛ̃rɛ̃tin nɛ gbeteyi ã tɔ̃vɨn ang bi nei peli vii foo, shɔu masiu rɛɛ vinane a kɔrɔ a lɔkiu a tɔ̃mii waapɔ.
7<<Ɔ kɔyuu tɔ kotipi aru ruuvini shone. nyaba dɔɔ kɔne yaa ane ɓa, ɔ kɔyuu tɔ shɔgbete nyaban sɔi ɗɔbii yɛ.>> 8Naa a naa kɛ sɨng ane a pɛli vii foo, zɛ̃ɛ gbãti a loki ɓili. Yɛ kɔritɔ a to Ɗa wɛrɛ a naa gbete ko dɔɔ gbete a nogbete a to wɛrɛ yaa a suru bi ni piti kpai. 9A nɔɔ kɛ sɨng ane a pɛli ruuvini, zɔ̃u kati a lokirɛ a ɓili.Yɛ ntotɔ a to Ɗa wɛrɛ a noo kagbete nogbete shɔyɛ tuu a noo ziti a lokaa wɛrɛ yaa.
Ruuɓusinɛ a aru mɛrɛ̃ɛ̃ nine
10Ɔ kɔyuu tɔ ɔkɔ risi jajjai ne pɛtɛlɛ, N gelɔɔ tɛ i Ɗa jashɔne a lapa kopi ɗaviya i noo ɓejo a mayɛ bi a kolapa. 11Shɔzɛ jaa arɛ u raa shɔgbete i niiyɛ.
12<<A zɛ pi kovi aa sɨsɨn niviya?>> Naa shɔu mɛrɛ̃ɛ̃ ɗɔn laa maani, wɔkɛ nine gbete, yɛ ya shɔ laa Nɛ̃ɛ̃t atu kopi tu mannɛ mi ɓa, u yɛrɛ u kã shɔgbete au nim ɓaya? 13Kɛ kpaa ne, n gelɔɔ tɛ nizɛ, bi yɛ biyɛtɔ̃riunyatɔ fɛ̃ɛm aru mɛrɛ̃ɛ̃ gbete nim, u tɛɛ laa Nɛ̃ɛ̃ti au jaa kopi atu mannɛ̃ gbete ji niɓa. 14Sɔ̃n jo nankɔ a mɛye gbete a kolapa ji kasi ɓa ko gbete tete jaɓɛ̃rɛ̃ti wɔ u nirɛ ɓa.
Mɛzɔ̃u gbete kɛ lɛsaa sisɨn nɛ
15Naa mɛzɔ̃u kɛ lɛsaa sisɨn nɛ, yɛnɛ a tasiu ruuvini tɔ, ɔji awuni ziti. Kɛ weshɔne a nyani, a sã mɛzɔu yuu tɛ. 16Naa jo wesho ɓa aa nyani ɓa, ɔyɛ sɔ̃n a shɔwɔ ni ziti, aru viya shɔ nta ruu jo shɔ ziti ko taati i nyakɔ. 17Kɛ bɛsi nyanɛ, a yɛrɛ a geli kɛ yupɛ̃ni jaa Ɗa gakinɛ; kɛ bɛsi yupɛ̃niyi nyanɛ̃, a tuu kɛ naa shɔzati ko naa shɔ sabɛnɛ tɛneyi. 18N gelɔɔ tɛ nizɛ, vigbete ɔkɛ manɛ a kotipim shɔ matɛ a kolapa ni, ɔ kɛ kali vinɛ kotipim shɔ kali tɛ a kolapa ni.
19Toti, n gelɔɔ tɛ shɔziti i kɛ ɓasi yuu ne gbete aru vigbete ɔ kasi gakinɛ yɛ, mayɛ gbete a kolapa yɛ ãwɔ tɔ. 20<<Ɗɔgbete shɔkɛ toli nyane ziti ko taati ang nii n ai tete ni.>>
Ruuɓusinɛ jawɛrɛ gbete nta shɔ raa ɓa
21Kɛɗɔn Bituru a Yesɔ ɗɔbii a hɨu ne, <<Uɓeyelapa, n yɛn yasi mazɔ̃ ruuvini ɓa nekɨn nya, naa kɛ lɛsing yɛtine yɛ? Ko ɓa manzi ya?>> 22Yesɔ kasiu nyarɛ, N gelaa tɛ, ɓa manzi ɓa, ama manzii ɓa laa taati atu kop (70 x 7). 23Aru nankɔ, roone kpati a Ɗa wɛrɛ naa kpati gbete kasinɛ nɛn jawɛrɛ u gasiu vinaa au kpaa yɛ piti kpai. 24Naa ga n tine tɛ, shɔgbete si gɨu saa lazɔrɔ laa laa ziti a tu kop ɓa kop ntiu rɛ. 25Kɛɗɔn shɔwɛrɛ zɛnaa yɛ shoriu saa dɔɔɓa, u shɔwɛrɛ sɨng rɛ nɛ shɔ mɛliu a ɓesɔ ni, a ɓejaayi ni a vigbete u awuni yɛ piti kpai nɛ shɔu n tin saa u arɛ.
26U jawɛrɛ ɓaki a yugboti a kpatiu ɗekɨn. A geliunɛ neu shipɛ,a gakiu rɛ, n yɛn shɔraa vii piti kpai. 27U shɔwɛrɛu ntau raa rɛ, a yasiu kopɔu rɛ nɛu yɛne. 28Naa u jawɛrɛ shɛtɛ, yɛrɛ a kpaa ushɔ nyakɔppɔ sɔ̃njo gbete gɨu saa shɔ ɓane azurfa laa maani. Sãu kɔrɔ fãrã. <<Nɛu shɔrin saa gbete nɛn gɨu yɛ nɛ, Shorin gbete n gɨn a nɛ.>> 29<< U ɓesa vishɔne ɓaki au ɗekɨn a yugboti a gakiu nɛ, shipɛ mawee, n yɛn shoraa tɔ.>> 30<<Jawɛrɛu ɓɛ̃noni. Sã ɓesa vishɔne a lokiu a javɨng nɛ setɛ shorin saa tɛ.>> 31Naa jawɛrɛ gãsi i zɛ vigbete pɛliyɛ tɛ, viu lɛsiyi sɨsɨn rɛ i yɛrɛ a geliyi shɔwɛrɛ vigbete i zɛyɛ piti kpai. 32Kɛɗɔn Kpati ɓau nyarɛ. <<A shɔ kɔline,>> a shane, N yasaa nyakɔpɔ gbete n gɨn a yɛ piti kpai aru a gakin tɔ. 33N nta raa tɛ aji mɛsau vishɔne raa ɓɛji ɓa aruviya? 34U showɛrɛ lɛsi sisɨn rɛ tuu rɛ a ãu shɔ shɔraa tasineyi a naa, nɛ setɛ shɔrin saa u tɛ piti kpai ɗa shɔu yau naa kn. 35<<Maye kolapa yɛ pɛli kopiya ji nankɔ setɛ ɔ yasi mɛzɔ̃yi ruuvini tɛ a sisɨn.>>
Valgt i Øjeblikket:
matiyu 18: Laa
Markering
Kopiér
Sammenlign
Del
Vil du have dine markeringer gemt på tværs af alle dine enheder? Tilmeld dig eller log ind
The Word for the World International and The Word for the World Nigeria
