2 Korinti Mʊlalɨgɔ
Mʊlalɨgɔ
Bulus a mʊla nǝbɔ Korintii gǝm langǝn bwangǝn na yogɔ a kʊta bɔ a kwama nɨ ga mʊlam na wini. Jǝ nyǝma lɛ gɔ Bulus bwɛ twama Yesui a maa mʊlalɨ nɨ a kwamagɔ a gwanga tǝm Makidoniyaɨ a daa nɨ ga maam maajɨ fulon kɛl lǝmɨ, a jolɔ fʊltǝnʊ jeli nʊ (55) a gul bʌtʌm Yesui.
Bulus a mʊla langǝn bwangǝn nɨ sǝ a nʊng nǝb bwangtǝm Kwaamaɨ nɨ a Korintii gɔ, a bɛ nǝn a kǝngkɨɨ, gǝ swɨ ji lɛ. Twama gǝnɔ nɨ sʊwa lɛ gɔ jǝ yǝlam yǝlam fatǝm Kwaamaɨ a gola Yesui wo dangǝn. A gul kɛl nɨ nǝngɔ Bulus a kela ji gɔ ja kɛ kemʌn tɨkalɨ nɨ gǝ yɔ lɛ nǝn a Yahudiyaɨ kanga gǝ yɔ lɛ a daa ji woi mɨsɔ kʊta lɛɨ.
Jǝ́ kuwo kuwo gɔ n langǝn bwangǝn nɨ Bulus a sʊwa kɛl a dul gǝn a laa tangǝn langǝn bwangǝntɨn nɨ a mʊlaɨ. A kwama nɨ Bulus a mʊlam langǝn bwangǝn nɨɨ, komtǝmɔ wo dangǝn a kʊm gǝn jǝbɔ kaam nǝb bwangtǝmɔ a Korintii.
A mʊgɔ langǝn bwangǝn nɨ Bulus a kʌshi dul gǝnɔ a tuwol nɨ nǝb mɛlalɨ gabakɛlɔ maa gǝm lɛɨ gɔ gǝ ke bɔ bwɛ twama bɨlǝngkɛlɨ.
Kanjǝlɔ A Mʊgɔ Langǝn Bwangǝn Nɨɨ
Nʊngtǝm 1:1-11
Bulus Jǝbɔ Nǝb Bwangtǝmɔ A Korintii 1:12--7:16
Nǝtǝm A Dul Nǝb Bwangtǝm Nɨ A Yahudiyaɨ 8:1--9:15
Bulus A Kʌshi Dul Gǝnɔ 10:1--13:10
Dɨltǝm Kɛlɔ 13:11-14
Valgt i Øjeblikket:
2 Korinti Mʊlalɨgɔ: DBD
Markering
Kopiér
Sammenlign
Del
Vil du have dine markeringer gemt på tværs af alle dine enheder? Tilmeld dig eller log ind
©️2024 Luke Initiative for Scripture Translation