1 Korinti 8
8
Jǝjalǝn Nɨ Ja Tǝlam Shomɔ Gǝm Twamaɨ
1Kǝngkɔ a kɛl dul jǝjalǝn nɨ ja tǝlam shomɔ gǝm twamaɨ, bǝ nyǝm pʌd bǝnɔ bǝ nǝngǝn nǝn nyǝmtǝm. Nyǝmtǝmɔ gǝ dǝg dǝg nǝl dʊʊlǝn dul. Swɨtǝmɔ gǝ mɔ mɔ nǝl. 2Nʊ nɨ kuwo lɛ gɔ gǝ nyǝm kaa jǝlɨ, lǝga bɔ a nyǝm jʊ nɨ a bʊm na gǝ nyǝm lɛɨ. 3Na kaa nǝl swɨ Kwaama lɛɨ, Kwaama a nyǝm gǝn.
4A kɛl jatǝm jǝjalǝn nɨ ja tǝlam shomɔ gǝm twamaɨ, bǝ nyǝm yooligɔ pʌd, shomɔ mɨ a nyiyo kaa jǝl. Bǝ nyǝm Kwaama nǝn gɔ win swarɨ, mɨ kaa wo. 5A kuwotǝm kaam nǝbɨɨ gɔ kaam kanjǝl wo jǝ jo lɛ gɔ kwaamatɨn a dʌbʌl jǝbɔ tǝm, jǝ wo, “kwaamatɨnɔ” jǝbɔ “tɛlalɔtɨnɔ” a lada. 6Gǝ na nyɔ tag, a daa bǝn woi, Kwaamagɔ win, nǝn gɔ nǝn Tɛtɛɨ, wʊnɨ kanjǝlɔ gwam a bɛ a daa gǝ woi, wʊnɨ bǝn tǝbǝn n yɨm gǝn bǝ maa lɛɨ. Tɛlalɔ win, Yesu Kiristi, wʊnɨ n daa gǝ woi kanjǝlɔ gwam a yǝlamɨ, wʊnɨ n daa gǝ woi bǝ nya kʊlɨɨ.
7Ke bɔ nǝbɔ pʌd a nyǝm jʊ nɨɨ. Kaamɨ a gola mɛkatǝm jinɔ jǝbɔ shomi, na jǝ ja jǝjalǝn nɨ lɛɨ jǝ bʊʊla lɛ gɔ ja tǝlam shomɔ gǝm twama. Na nǝl jinɔ a nʊng ji gɔ kɛna n bwɨlangkɛl jǝ maaɨ, ji nǝn gunidul a kǝga Kwaamaɨ. 8Jǝjalǝn mɨsɔ yɔ lɛ nǝn bǝn a daagɔ Kwaama woi. Na bǝ jaɨ, bǝ sʊ bɔ kaa jǝl. Na bǝ ja bɔ tagɨ, bǝ yal bɔ a kaa jǝl.
9Bɛ jǝ́ fɛ jǝ́ dʌng, kage nyatǝm dul jenɔ nɨ a yǝlam tɛl fǝtǝm naa a nǝb nɨ nǝl jinɔ a bɨ bɨɨ. 10Na kaa nǝl wo wʊnɨ nǝlɔ a bɨ bɨɨ, a kuwo ń, mʊ nɨ mʊ nyǝm jǝlɨ, mʊ ja jǝjalǝn nɨ lɛ ja tǝlam twama a kan shomi, jʊ nɨ mɨsɔ sʊ gǝm kwaan nɛ a ja jǝjalǝnɔ ja nǝ shomi ka? 11A gola nyǝmtǝm mʊnɔ nɨ, mʊ kal kal kɛ nɨ nǝlɔ a bɨ bɨɨ, wʊnɨ Kiristi a bʊla a kɛl dul gǝnɨ! 12A gola maatǝm kɛtǝlam jenɔ gǝm bwɨlangkɛl, jǝ́ kal kɛtǝlam jenɔ nɨ lɛ nǝlɔ a bɨ bɨɨ. Jǝ́ maa Kiristi gǝm bwɨlangkɛl. 13Gǝ na nyɔ, na jatǝm jǝjalǝnɔ dǝg dǝg kɨla mɨ fǝtǝm naaɨ, mɨsɔ mǝ ja jǝjalǝn nɛ tag, kage n dǝg kɨla mɨ fǝtǝm naa.
Valgt i Øjeblikket:
1 Korinti 8: DBD
Markering
Kopiér
Sammenlign
Del
Vil du have dine markeringer gemt på tværs af alle dine enheder? Tilmeld dig eller log ind
©️2024 Luke Initiative for Scripture Translation