Xo̱jo̱n Salmoo̱ 4
4
Néná boá xi tsjáná kjo̱a̱xió
Só xi katsꞌénda Ndabii̱.
1¡Ji Ne, Ji xi tjiín kjo̱a̱kixi̱i̱,
ti̱ꞌinsénní kjiꞌanga kuichjiáa̱!
Kjiꞌanga achichí nda̱ kamána, Jí boá xi katseꞌéní ngaꞌniú,
ngatamani̱ma̱a̱ an, kó ndaꞌyé Ji nga kuichjiaá.
2Jún xi xota̱ nga̱sondiee̱ jún,
ngaskande kjiꞌání nga to̱kó kjo̱a̱soboá si̱ꞌánjnú kjo̱a̱jena,
ngaskande kjiꞌání nga to̱kó si̱ꞌantjójnú ni xi jmí ni chjíjiín
ko̱jo ngaskande kjiꞌání nga to̱kó ku̱i̱ndyi̱séjnú kjo̱a̱ndisoo̱.
3Ngatamayajnú, nga Néná jè jaꞌájin xota̱ xi maꞌniátakón nga kui tsi̱ꞌe̱ ka̱ma.
Néná ntꞌiéna kjiꞌanga chjiáa̱ Kui.
4¡Ngatjatsiémájnú, kó nga niꞌánjéjínjnú!
Kjiꞌanga tsjayójojnú, ti̱ꞌankjójnú ni xi kiniꞌánjnú, kó xió ti̱ndyiónjnú.
5Ti̱ꞌankꞌasꞌiénjnúu̱ Néná ngo kjo̱a̱tjó xi kjo̱a̱kixi̱i̱,
kó ngatamaꞌniátakónjnú Kuí.
6Kjín má xota̱ xi bi̱ tsꞌén bosíyá:
ꞌYá xí ko̱kóná ni xi ndaa̱.
¡Ji Ne tsa̱ꞌa̱n, takejne̱ ndiꞌií kje̱n Ji, kó kuí xí ngatsꞌéntsíjenjne̱!
7Jí boá xi katseꞌée̱ kjo̱a̱tsja ini̱ma̱na,
tsꞌatio ngase katseꞌée̱ ta̱bo̱a̱jiín kui xotaa̱,
ndatsi tsie to ndso̱ko̱a̱n ṉño̱pan ko̱jo bino̱ tjiìn.
8Tjínna kjo̱a̱xió nga kjojña an, ko̱jo nga ko̱e̱ꞌéńjñána,
ngatꞌa̱ ta̱ Jí tsí xi kjimaꞌniátakoón ji Ne.
Valgt i Øjeblikket:
Xo̱jo̱n Salmoo̱ 4: MAIX
Markering
Del
Sammenlign
Kopiér
Vil du have dine markeringer gemt på tværs af alle dine enheder? Tilmeld dig eller log ind
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014