Populære bibelvers fra 1 PIYƐR 2

Del

Yɛrɛ nɛya, nɛ gi dɔ̧ɔ̧t yɔ Bɛt herig giya, nɛ gi. Waar bɔ Bɛt maakwookyaadɛ ɔ̧ɔ̧, nɛ gi dood gaatɛ, nɛ gi Bɛt dood ɔ̧ɔ̧nɛ an nɛ dɔg woosɔ gbɔlɛ wɔ. Gii elzinɛ gi tudzin a lɛlwil du, wɛɛ gbaan a lɛlgaalɔ gɛrsya bɔ gedu.

Gii hi zulɔ yɛr hinha̧a̧l wɛ, pɛɛnihi muul ɔnɛ a tɛ̧ɛ̧gbeet ha yɔ̧ ya̧a̧rhant a wɛ kalɛ an wɛ wɛɛ wɔrkɛ a hinha̧a̧l gbaŋgi, wɛ wɛɛ wɛ za̧a̧ a waabil riit gbaŋgi. Nɔk diilɔ wɔ dagɔ hi za̧a̧sin muul nɛ. Da amntɔnɔ, nɛ gi nɛ ɛmbik di tɔs an tamɔ. Yɛrɛ ɓɔryɔ nɛ wɛɛz ma a Nɛɛra nɛ kol nɛ Ookya bɔ gi dɔŋdi.

Yɔ da doosɛ, nɛ taa nɛ Bɛt doodɔ, yɛrɛ ɓɔryɔ, nɛ wɛɛ dood ɔ̧ɔ̧n ma. Da doosɛ, Bɛt mɛ̄ɛ̄sirnɛ ya̧a̧r kɛn gɛ, yɛrɛ ɓɔryɔ, mɛɛsin ya̧a̧r mɛɛsɔ.

Yɔ nɛ gi an waat burko, yɛgi ha̧a̧n wa̧a̧l gaat mɔkilya bɔ an waayɛ̧s yɔ gɔ ha̧a̧g nɔɔtɔ wa̧a̧l be, an nɛ tɔɔn nɛ za̧a̧nɔ.

Saam mi rɔbɛ wɛ, nɛ gi an rɔ̀bɛ gbɔnɔdaakyaadɛ a waal yɛrɛ gedu. Ya̧a̧nɛ mi zɔ̧nɛ, bɔnɛ ɔs muulɗɔkum wɔ gbɔnɔ an hi gaa kol nɛ nɔko hi ha̧tirge. Waan rɔbtɔnɔ a dood wɔ hi mɛɛ Bɛt gɛ hi tees du. An hi gin seek an hinha̧a̧lwookyaadɛ, hi gi book ya̧a̧ha̧a̧l nɛ zul ha si̧, ɔɔnɛhi hi gbɛn woos nɛ rɔbɛ wɔ, hi ɗɔbs Bɛt a ɔ̧tyɔ gɔ gi zaa gedu.

Nɛɛ hɛw, ɔɔn Bɛt gi loon an bet za̧a̧tili gi wɔmnin lukɔ yɔ Mɔkilɔ gɔ gi waa gedu. Nɛ wɛɛsig maakwookɔya gaatɛ an nɛ gɔsig maak rɔb mɔkilyaadɛ wɔ hi bɛsig a Yeesu Kristu dɔŋgo.

Yɛrɛ, bisin hinyɔ gɔ hi el a bɔbs yɔ gi sɛw, ya̧a̧gɔ̧ɔ̧nɛ, mɛlɛ, ka̧a̧si, hi ya̧a̧ha̧a̧l yɔ gi sɛw.

Zaan a Waar Yeesu ge. Gii gi bet za̧a̧til yɔ dood hi bisige. Anyɔ Bɛt herig nɛko, wɛɛsig hin rɔb yɔ daarlɛlɛ.

Waan an dood wɔ hi dag zulya̧ aakil du. Nɛ yɔ anbɔ, bɔnɛ oo zul nɛ gik bɔ aakil du an gbandili nɛ yaatin hinha̧a̧l nɛ. Lab gɛ! Woonhin an Bɛt woosyaadɛ.

Hinyɔ Bɛt ha̧a̧g gɛ: a rɔbnɛwook bɔ gii gi gɔ an dood yoo wɔ hi mɛ̄ɛ̄ hin gɛ hi book ya̧a̧ha̧a̧l nɛ zulha hi waksɔ.