Populære bibelvers fra 1 PIYƐR 1

Del

Yɛwɛ baan Bɛt yɔ gi Waar wɛ Yeesu Kristu Bɛtɔ hi Baatɔ! Anyɔ mɛɛsɛ ya̧a̧r gbɔɔltɔnɔ gi gaawɛ za̧a̧tig sego hi Yeesu Kristu rɛmtigɔ bɔ a wɔrkɛ teesdu an wɛ gbaak mɔkil wɛ a wɛ dag za̧a̧tig faa. Wɛ wɛɛ wɛ mɛɛ a wɛ dag hinrɔb yɔ Bɛt gbaas doodɔ hiya. Bɛt gbaasɛ rɔɔsɔ gi a bɛtha. Rɔɔsɔ ɗɛ̄ɛ̄ an gi dog gɛ, ɗɛ̄ɛ̄ an gi ha̧tir gɛ, wɛɛ ɗɛ̄ɛ̄ an gi ɓɛ̧ɛ̧r gɛ be.

Dagin hat a rɔɔs bɔrɔ gi dɔŋgo, gi gi nɛ an ɓɔri hɛw ya̧a̧rhant zaadɛ sɔmsɔm hi zɛ̧nɛ, hi kɔm ɔ̧t kaasi du hɛw. Bɛt gi gook ɗɔbsig nɛ bɔ hi ya̧a̧rhant an gi zuun a gi hinrɔbo. Hɛɛlmɔt yɔ gɔ wāā faa gɛ, gɔ hi yaag laa du gi ya̧a̧ an hi googe. Yɔ anbɔ, ɗɔbsig nɛ taa hin gbɔɔl dāār hɛɛlmɔt bɔ gɛ ya? Gi an hi googe an hɛɛlmɔt bɔ be. Yɛrɛ nɛ́ waak ɗɔbsigi anyɔ ya̧a̧rhant gi nɛ si̧, banti, ɗɔbsigi hi gbɔlumsɛ hi giro a ɔ̧tyɔ Yeesu Kristu gɔ gi mits dood gedu.

Wɛɛn dood gaatɛ an Za̧a̧nyɔ elinɛ gi Doo gaat be. Nɛ gi wook nɛ hinɔ an nɔ, woosin Bɛt gii hi kpoos nɛ esigi. Bɛt ɗɛɛrwolɔ raa a wɛɛn dood gaatɛ an bee yɔ be gi Doo gaat be, ya̧a̧nɛ.

Bɔnɛ fɔb ɗɔkum ha̧a̧l wɔ nɛ gihi nɛ fɔk amntɔnɔ yɔ nɛ mɛɛdir nɛ hin gɛ. Yɛrɛ wɛɛn an waat wɔ gɔ hi kɛmsig baaya̧ tɔnɛ.

Yɔ anbɔ, mɔkin woosɛ hi lɛl-ook dɔgl rɔbtɔnɔ. Wa̧a̧n zul nɛ, nɛ wɛɛ nɛ gbaa mɔkil nɛ hi kpoos nɛ sɛw a Bɛt gɛmsilɔ yɔ gɔ gi gàan hage. A ɔ̧tyɔ Yeesu Kristu gɔ gi midza gedu.

Gi anyɔ Bɛt ɗɛɛrwolɔ raa a dood sɛw hi gi an hɛto, gbɔlumsya̧ sɛw riitin an hɛtkɔ̧ɔ̧rɛ. Hɛt gɔ kootɔ, kɔ̧ɔ̧rɔ bɔ mɛɛ hɛbtdi. Yɛrɛ Waar Bɛt dɔglɔ gi waak faa. Dɔgl bɔrɔ gi Dɔgl Rɔb bɔ hi dɔgsin giya.