Populære bibelvers fra 1 PIYƐR 3

Del

Yɛrɛ gaan Kristu waar ums ɗɔɔtillɛlɔ nɛ kpoos du nɛ tiis zul nɛ gi dɔŋdi. Waan nɛ kɔm lɔlɛ. Gɔ gi anbɔ, za̧a̧nza gi ɛrin mɔkil nɛ yɔ nɛ gbaa Yeesu ge dɔglɔ, nɛ ɗɛ́ɛ an nɛ dɔks zul nɛ hin rɔbtɔnɔ. Yɛrɛ gɔ nɛ gihi gooko, nɛ goohi hi zulhɔniki hi ɗɔbsigi, an kpoos nɛ gi er bɛttɔnɔ. Gid lab dood wɔ hi niik waabil nɛ rɔb bɔ ɔks hi Kristu, seem gi wa̧a̧hi a ɔ̧tyɔ gɔ hi boo ya̧a̧ha̧a̧l nɛ zulha gedu.

Waar Bɛt gaas lɔlɔ an gi seez dood riitɛ wɔ hiya. Gbaa tɔnɔ an gi kɛm zɔ̧kya̧. Wɛɛ gi seek ha̧a̧lwookya wɔ hi nɔɔtig lɔlɛ, gi zulɔ ɓaasig a hi gbaŋgi.

Bɔnɛ mɔk an nɛ wɛɛn hinyɔ gi kuuha gii bɛti hi zul haŋki, hi wɔd za wɔ hi gɔn hɛɛlmɔto nɛ hek a muulɛ an kɔ̧ɔ̧tigi hi gbandil bɛti. Yɛrɛ bɛtig nɛ yɛgi fu̧u̧z a nɛ kpoos du. Gig bɛtig rɔb yɔ gɔ ha̧tir gɛ. Raakɔ a nɛ wɛɛ dood zulhɔnikyaadɛ hi kpoos saŋktyaadɛ. Hinbɔ lab gii gi hinɗɔbt yɔ daarlɛl a Bɛt muutdu.

Yɔ anbɔ, hi bi̧i̧ a Bɛt ɗɛɛrwol du: a za̧a̧nyɔ ha̧a̧g an gi dag hat a gi waabil du, gi ha̧a̧g an hin sɛw gi resig bɛttɔnɔ, ɔɔg ya̧a̧ha̧a̧l booki, ɔɔg mɛl-eer bookɔ be; ɔɔg ha̧a̧lɛ, woog hinrɔbo, tɛg boolumi, i̧i̧yig tɛŋk an gi zɛmɔ.

Yɔ̧ɔ̧sumɔ, nɛɛ sɛw, ɔksin kpoos nɛ lɛlgbunu, mɛɛtinnɛ ya̧a̧rɛ, gi ha̧a̧tinnɛ an yɛ̧ɛ̧dɛ Yeesu fɔkyaadɛ, ginin kpoos rɔbo, tiisin zul nɛ. Bɔnɛ wɛɛn ha̧a̧l a za̧a̧nyɔ gɔsin ha̧a̧l ge, bɔnɛ nii za̧a̧nyɔ niinɛ. Yɛrɛ rɔbsin dood sɛw. Bɛt elin an nɛ rɔbsihi, nɛ wɛɛ nɛ dag rɔbs a Bɛt naan du be.

Gid nɛ fɔk hinrɔb hi kpoos nɛ sɛw, bɔ ɗɛɛ an gi gɔsin hinza nɔ?

ɔɔg ha̧a̧lɛ, woog hinrɔbo, tɛg boolumi, i̧i̧yig tɛŋk an gi zɛmɔ.

À Bɛt ha̧a̧g an nɛ yɔ̧ ya̧a̧rhant a hinrɔbwook dɔŋgo, hin bɔ lab daarɔ hi anyɔ gɔ nɛ yɔ̧ ya̧a̧rhant a hinha̧a̧l wook dɔŋgo.