Populære bibelvers fra matiyu 6

Del

Ama a kã ɗekɨn pɛjo Ɗalapa koo roonɛ a vi tɔ̃vɨn gbete Ɗalapa nɛ shɔu pɛliyɛ, vim piti kpai Ɗalapa yɛ ãwɔtɔ.

Aru nankɔ mɔkɔ yɔri yuunɛ aru dii ɓuru, dii ɓuru yɛ yɔri yuu jo au yuu. Kopi dii shɔpiya a jo au yuyɔrinɛni.

<<Aru nankɔ n gelɔɔtɛ, ɔkɔɔ yɔri yuunɛ awɔ ruu surubii ni, nɔgbete ɔ yɛ kpaa vishaanɛ a mii ɓoonɛ ni; ko visenɛbii gbete ɔ tosi yɛ. Surubii ji tɛ vishaanɛ ɓaya, bi ji tɛ visenɛbii gbete ɔ tosi yɛ ɓaya?

Ama akɛ tɔnɛn gaki Ɗa, to yɛti jaa ɓuzɨn, a kunyejaatɔ a gaki mɛye gbete a kolapa a shɔ zɛu ɓayɛ, au zɛ vigbete a pɛliyɛ tɛttɔ, yɛ shoraatɔ.

Shompɛ nogbete wɔ gaki Ɗa yɛː Uɓeye kolapa, shɔu bassaa niitɔ wɔsɔ-wɔsɔ, A koo kpati ɔ̃nɛ u atɔ, vigbete a kasinɛ u pɛli a koo tipi naa shɔ pɛli a kolapa yɛ.

ãu vishaanɛ shɔ nɛm tɔ.

<<A yasiu ruuvini gbete u pɛliyɛtɔ, nagbete u yasi shɔ gbeteyi pɛliu ruuvini yɛ.>>

Mɔkɔ yaa japɛ̃pɛ̃ɛ̃ nɛ u ntau sisɨn a vigbete tɛu kaka yɛni, ama a rau kati a shɔ ruuvini naani.

Ɔkɛ yasi shɔ gbeteyi pɛlɔɔ ruuvini nɛ, ɔ ɓeye gbete a kolapa yɛ yasɔɔ ruuvini sɔ̃njo.

Ɔ kɨnnɔɔ pɛ janoyi a lapa; i ɓaa vishaanɛ ɓa, i yee vishaanɛ ɓa i pɔ̃ vi wɔɓa a mbuntɛ ni ɓa, piti kpai ɔ ɓeye gbete a kolapa shaariyi tɔ. Ɔ ji tɛ janoyi ɓaya?

<< Ɔkɔɔ pɔ̃ ɔ vinaa nɛ a kotipi, ɗɔ gbete paayi a sasa yɛ lɛsi yɛ, a ɗɔgbete ɓɔyi yɛ ɓɔyɛ.>> Ama ɔ pɔ̃ ɔ vinaa a kolapa, a ɗɔgbete paayi a sasa i yɛ lɛsi ɓayɛ, a ɗɔgbete ɓɔyi yɛ zɛno ɓɔnɛ ɓa. Ɗɔgbete a vinaa ɗɔnyɛ, a sisɨn jo aɗɔwakɔ.

<<Shɔzɛ gbete sii shɔɓa nya taa zitini ɓa. ko a pɛli shonɛ a gbete a yaa gbete a tipi, ko a nta gbete nya a yaa gbete nya a tipi. Shɔ ɓasi Ɗalapa gɨnnɛ ɓa a saani ɓa.

Naa Ɗalapa kɛ zɛno wisi gbete a jaalaa bi barikinɛ nɛyɛ, vigbete a kpai nɛm a ɗɔwa ɓuru shɔ lokiyi a yaa, a ntasɛrɛ ɔkɔɔ ya, gbee shɔ gbeteyi sisɨn ãnɛ ɓa bang ɓa miyi?

Ama akɛ ã shɔ raayi vinɛ, a ã jo nɔgbete a nagãn yɛ zɛ vigbete a nakɨn pɛliyɛ ɓa. Aruukɔ a vi ãnɛ yɛ ɔ̃ a nyaba ɓusinɛ. Nɔgbete mɛye gbete u a kolapa, zɛ vigbete a pɛliyɛ tɛttɔ, yɛ shoraatɔ.

Ɔ kɔyuutɔ ɔkɔɔ tasi ɔ vishonɛ tɔ̃vɨn nɛ a shɔ nɔɔ, nɛ shɔu zɛrɛ shɔu tɔnɛ nnbee nokɔ jaa. Ɔkɛ shonɛ nankɔ, ɔyɛ kpaa vigbete Ɓeye kolapa pɔ̃sɔɔ yɛ ɓa.

Naa ɔkɛ ɔ̃nɛ a ɗɔɔ nyamanɛ, ɔkɔɔ ma nokɨn nɛ naa shɔbiiɓɔnɛyi pɛliyɛ, i ma nokɨn tɔ nɛ shɔ zɛnɛ i ɗɔ nyamanɛ. N gelɔɔtɛ, i kpai ɓɛɛ tɛttɔ gboti. Ama ɔkɛ manyanɛ, ɔ pn nɔɔ a yuuni ɔ sɔki nokɨntɔ, Nogbete shɔwɔ yɛ zɛɓa nɛ a ɗɔ nyamanɛ ɓa, ama ɔ ɓeye gbete shɔ zɛu ɓa yɛ sheeli; ɔ ɓeyeu gbete a kolapa zɛ vigbete a pɛliyɛ tɛttɔ, yɛ shoraatɔ.