Populære bibelvers fra matiyu 5

Del

Shɔ dɔɔ yaa pitila kati a kukki vi aɗɔn ya. Shɔyɛ pɔ̃u a laa gbete shɔ pɔ̃liyɛ, ã ɗɔsẽsẽ kɛkn a wɛrɛ piti kpang kpang. Ji nankɔ, mɔkɔ ma a ɔ̃ jo sẽsẽ a shɔ ɗekɨn, nɔgbete shɔ yɛ zɛvi tɔ̃vɨn aa bi shɔ bɛli meyeu gbete a kolapayɛ.

Ɔkɔɔ ɔ̃rɛ ɗɔsẽsẽ a kotipi. komoo gbete shɔ maa a doddo ɓusi biɓa.

Ɗalapa tasi shɔ gbeteyi i sisɨn puru ɓolo-ɓolo susãri tɛttɔ a biini, i yɛ zɛ Ɗalapa tɔ.

Ɗalapa tasi shɔ gbete iɗɔ nwontane a sutuni susãri tɛttɔ abiini; i yɛ ntawo ɓa.

Ama vigbeten gelɔɔ yɛː Ɔ ɔri ɔ shɔnɔpɔ̃yitɔ ɔ gaki shɔgbeteyi tasɔɔ raayɛ Ɗa tɔ

Ɗalapa u tasi shɔ gbete i zɛi raatɛ a suru U susãri abiini; Ɗa laa kpati ɔ̃nɛ i ɓɛɛkɔ.

Ɗalapa tasi shɔ gbeteyi i roori shɔ sisɨnyɛ susãri tɛttɔ a biini, shɔ yɛ ɓai ne Ɗa jaayi.

Ɗalapa tasi shɔ sɨnnɛyi susãri tɛttɔ biini, Yɛ sɔ̃riyi miritɔ.

Ɗalapa tasi shɔ raa ɓoonɛyi aru vi tɔ̃vɨn shonɛ susãri tɛttɔ a biini, Ɗa laa kpati ɔ̃nɛ i ɓɛɛkɔ.

Ɗalapa tasi shɔ-shɔ raa ntanɛyi susãri tɛttɔ a biini, shɔ yɛ ntayi raa sɔ̃njo.

Ɗalapa tasɔɔ susãritɛ a biini, shɔkɛ dãwɔnɛ, shɔkɛ tasɔɔ raa nɛ shɔkɛ yerɔɔ nyanɛ ayuu a sha vi kɔ̃line awɔ yuu totto ang ruu bi. Ɔ nta tɔ̃vɨn nɛ ɔ tasi yɛti puru, aru gbete Ɗalapa pɔ̃sɔɔ viwɔtɛ a lapa pẽniɓa, shɔ tasi janyagadiyi i raa sijo nankɔ tɛ̃ɛ̃tɛ̃ɛ̃.

Ɗalapa tasi shɔ gbete i bassi yuu ɓa u susãri tɛttɔ abiini, i kɔi yɛ sha kootipi naarɛ.

<<Ɔkɔɔ ɔ̃rɛ ntayẽ a kotipi. Naa ntayẽ kɛ vɔsinɛ au nya tɔ̃nɛni, shɔ yɛ soruu nya tɔ̃ne kɛpikoviya? Yɛ ɔ̃ toti vi tɔ̃vɨn ɓa, yɛ shovi shone tɔkɨn ɓa, shɔ yɛ zɨki kɛ tipi a nakilikɛ a dɔɔ.>>

Aru nankɔ ɔ ɔ̃ jo tɔ̃vɨn, nagbete ɔ Ɓeyelapa u ji tɔ̃vɨnyɛ.

Vigbete a yɛ shayɛ<<U ɔ̃ nn ko ɓa, >>Kɛ tɛɛ shomnɛ ɔ̃ tɛ ruuvini.

Ɔ nta tɛttɔ shɔ geli mɛuruyi si tɛ̃ɛ̃tɛ̃ɛ̃ nɛ,<<Vigbete sã nɔɔ shɔ lɔsɔijo a nɔɔ, vigbete sã ntari shɔ lɔɔsijo a ntari.>> Ama n gelɔɔtɛ, ɔkɔɔ bẽẽ shɔgbete au pɛlɔɔ ruuvini nɛ. Shɔ gbeteu kɛ waanɛ a kashɨn nya nakɨn, a risiu sɔ̃ng kawɔɔ u waarɛ.

A nɔɔ nakɨn kɛ pɔ̃a vi kɔ̃linɛ pɛlinɛ nɛ, zɔ̃ kati a loki a ɓili. ntotɛ a ɔ̃ a nɔɔ kagbete, a nɔgbete shɔ yɛ lokaa bi a gbugburuni a yaa. A nakɨn kɛ pɔ̃a vikɔ̃linɛ pɛlinɛ nɛ, zɛ̃ɛ̃ kati a loki a ɓili. Ntotɛ a ɔ̃ a naa kagbete nɔgbete shɔ yɛ lokaa bi a gbugburu ni a yaa.