Populære bibelvers fra matiyu 7

Del

Ɔ gakinɛ shɔyɛ ãwɔtɔ, ɔ kãa ɓɛjitɔ ɔyɛ kpaa tɔ; ɔ waa nyejaa ɓɛjitɔ shɔyɛ ɓelɔtɔ.

shɔ gbeteu kɛ gakinɛ Ɗalapa yɛ ãutɔ; Shɔ gbeteu kɛ kãnɛ yɛ kpaa tɔ; shɔu kɛ waa nyejaa nɛ Ɗalapa yɛ ɓeliu tɔ.

<< Aru nankɔ shɔu kɛ ntang ruumnɛ kɛ shovinɛ awuni, yɛ ɔ̃ naa shɔ sẽrẽ wɔɔ mau wɛrɛ a yuu tari yɛ.

Pɛli shɔ jo vigbete a kasinɛ shɔu pɛlayɛ, shom pɛ rugbete Musa laabeene nya ãsine a Ɗa jashoneyi geli shɔ si tɛ̃ɛ̃tɛ̃ɛ̃yɛ.

Ama nyaba gbete shɔ yɛ ɗɔ suru bi weze jaa fɛ̃ɛ̃, nyabau tɔ̃rɔ̃rɔ̃, shɔ nta bitɔ aɗɔ yɛnɛni, shɔ ai toyɛ i ɓa bang ɓa.

Ɔ tɔ a nyejaa gbete tɔ̃rɔ̃rɔ̃ yɛ. Nyaba yɛsɛlɛ n ti shɔ ɗɔlɛsinɛ, shɔzɛ waanɛ i to a nyabaukɔ.

Awɔ kɔ̃linen ni kpai, ɔ zɛ nɔgbete ɔyɛ ã mɛjaayi vi tɔ̃vɨntɛ, ɔ ɓeye gbete a kolapa yɛ ã shɔ gbeteyi gakiu yɛ vi tɔ̃vɨn ɓaya!

<< Ɔkɔ yee ruu nɛ a shɔwɔyi yuu ni, ɔkɛ yeenɛ Ɗalapa yɛ yee ruu sɔ̃njo awɔ yuu ni. Nogbete a yee ruu a shɔwɔ yuu, Ɗalapa yɛ yee sɔ̃njo nankɔ aa yuu, waa gbete a tesi vi awuni yɛ, shɔ yɛ teesaa sɔ̃njo a ukɔ.

Ama shɔ gbeteu kɛ ntang ruumnɛ jo shovi shone ɓa awuni ɓa, yɛ ɔ̃ naa shɔ rãng wɔɔ gbete maa wɛrɛ aɗɔ seseli yɛ.

<<Aru viya a kɨnnɔɔ a jalaa gbete a mɛzɔ̃u noo kɔ sheeli, ama a jo zɛ laa pɛ̃niba gbete aa yɛti nooni ɓaya?>> A yɛ geli mɛzɔ̃u pi kovi nɛ, << n zɔ̃ saa jalaa gbete aa yeti noo pɛ,>> laa pɛ̃niba jo ɗɔkɔ aa nooni ya?

Ɔkɔ yuu tɔ aru jaa shone nya yelinɛ a Ɗalapa nii. Shɔ gbeteyi a shɔ ɗɔbii naa mɛrɛ̃ɛ̃, ama ai sisɨn i naa vi ɓiliyi. Ɔ zɛyi ai vishone. Shɔ hã shɛ̃ri kati a laa kɔkɔ niya? Ko shɔ hã jaa kɔkɔ kati a laa sɨnti niya?

Jo nankɔ laa tɔ̃vɨn rɛɛ jo jaa tɔ̃vɨn, ama laa kɔline rɛɛ jaa jo jaa kɔline.

Laa tɔ̃vɨn rɛɛ jaa ɓa kɔlinɛ ɓa, laa gbete kɔline rɛɛ jaa tɔ̃vɨn ɓa.

Laa au jo rɛɛ jaa tɔ̃vɨn ɓa shɔ korɛ a loki a yaa.