Jenɨzɨzɨ 38
38
Juthalyɨ Taimaasɨ sawaai kaimɨraayaraarɨ maryei.
(38:1-30)
1-30Sagaa' Juthai Kainanɨ mwaalya' kamaara' gannya a'mwe' kaimɨraaya daraai dai mɨla'. A'mwe Ei, sɨraangei Taimaa' kwala maara'. Kamaara' gamɨrebwi kayaa'nanaangebwi kya' Gotɨyai “Gamɨ balya'negaa' wakɨdeinyɨra,” dɨnɨke'na Ei bala'. Kabala' Juthai kutabanyai Wonanɨmɨ wɨda' “A'mwe Taimaa' dɨmaa'!” Sara kuda' maarɨna yaka “Kaimɨraayanna waramaryana!” daka kayaa'na ya'. Kayaa'na yake'na Gotɨyai dɨna “Balya'negaa' wakɨdeinyɨ.” Mi'na dɨnɨkevɨ Wonanɨ balɨna ya'. Kabala' Juthai Taimaavɨ wɨda' “Navɨka dɨmwaala! A'mwe pwarɨ mamaa'nɨnnera! Gɨmaamaangeryawɨnna kaanna wɨna jɨ! Saba dɨmwaai! Nyɨbwaalɨ' aaya wɨryaakei Silaa naanga gɨrina kyojɨ gamɨzarɨ dɨmaa'nana!” Wɨdɨna kya' Taimaa' kaanna wɨna ya'. Sa' Silaa naanga gɨrina kya' Juthai “Nyɨbwaalɨvaanga dai gannya gya'mweraalyɨ nabaai nabaladɨka!” daka Silaamɨ “Taimaa' dɨmaa'!” muja'. Yagaala mujɨ yaka mwaalɨna yakere balaange' balɨna ya'. Balɨna kya' Taimaa' kwaasɨ kya' “Juthai Taimaavɨ ata lɨmwamwaka,” dɨnyɨna ye'. Dɨnyɨna kye' Taimaa' kaimɨraayaraai pwaraai avaalyagaa' maarɨna ya'. Maarɨna kya' “Sɨraangei Perezɨ, dɨvidaasai Jeraa,” wo'na'.
Právě zvoleno:
Jenɨzɨzɨ 38: byr
Zvýraznění
Kopírovat
Porovnat
Sdílet
Chceš mít své zvýrazněné verše uložené na všech zařízeních? Zaregistruj se nebo se přihlas
© 2013, Wycliffe Bible Translators, Inc. All rights reserved.