1 Ba-Korinto 13
13
Cintu cipati kwiinda zyoonse nduyandisyo
1Nikuba kuti ndaamba myaambo yabantu niiba yabaangelo, nekubaboobo nsijisi luyandisyo mumoyo wangu, elyo ndaba mbuli mulangu uulila buyo nanka cizyano cicokola-cokola. 2#Mt 17:20; 7:22; 21:21; Mk 11:23Alimwi kuti nindalijisi businsimi akuziba makani oonse aasisidwe aluzibo loonse, nindalijisi lusyomo lunji lwakuzyula malundu, nekubaboobo nsijisi luyandisyo, nsili muntu pe. 3#Mt 6:2Nindaabaula imbono zyangu zyoonse, nikuba kwaaba mubili wangu kukutentwa, nekubaboobo nsijisi luyandisyo, tacindigwasyi pe. 4Luyandisyo lulakazika moyo akufwa luzyalo, Luyandisyo talukwe ibbivwe, talulikankaizyi, talulisumpuli, 5#Zek 8:17; Flp 2:4talukwe cisapi, talulilangilili cintu, talufwambi kujata bukali, taluyeeyi inkoto yabubi. 6#Rom 12:9Talukondelwi zitaluleme pe, lulakondelwa lusinizyo. 7#Tus 10:12; 1 Kor 9:12; Rom 15:1Lulakolela makani oonse akuba alusyomo lyoonse, lulijisi bulangilizi lyoonse akuba acamba kumapenzi oonse. 8#1 Pet 4:8Luyandisyo talweeli. Pele masinsimi alaloba, ayalo myaambo ilamana, alwalo luzibo lulaloba. 9Nkaambo luzibo ndutujisi nduce-luce, akusinsima kwesu akwalo nkuce-kuce. 10Pele aakusika malondosi elyo aya makani mace-mace alaloba. 11Nindakacili mucece, ndakali kwaamba macece akuyeeya macece akubuzyanya macece, pele sunu mbuli mbundaba mwaalumi, ndisowede macece. 12#2 Kor 5:7; Jak 1:23Nkaambo makani ngetubona sunu ali mbuli zintu zyamuciboniboni, ali mbuli kalabi, pele kuciindi ciboola tuzoobonana meso kumeso. Luzibo ndunjisi sunu nduce-luce buyo, pele kuciindi eco nzoozibisya mbubonya mbundazibwa. 13#1 Tes 1:3; 1 Joh 4:16Lino sunu alabedelela aya otatwe, lusyomo abulangizi aluyandisyo, pele akati kayaaya dpati nduyandisyo.
Právě zvoleno:
1 Ba-Korinto 13: Ibbaib63
Zvýraznění
Kopírovat
Porovnat
Sdílet
Chceš mít své zvýrazněné verše uložené na všech zařízeních? Zaregistruj se nebo se přihlas
The Bible in Tonga (Zambia) © United Bible Societies, 1963.