2 Korinhtuq 2
2
1Haû mù luî, ngò gi, núngmòq lé myìt nò nhang é dùt râ dông, lé dum kûm é a kut râ nghû, myìt hpyit to bê nghut lhê. 2Hkâsu mù gâ le, núngmòq lé ngò yón kuq nhang é nghut le gi, ngò yón kuq nhâng bê bang núngmòq mai lai luî, ó yùq wá ngo lé wó gabú nhâng râ lhú? 3Ngò jé lé é hkûn, ngo lé gabú nhâng râ âng é bâng èq, ngo lé myìt nò nhang é a hui sháng gàq nghû, ngò gi, ngò kut é eq rajung za laiká kâ kat bê nghut lhê. Ngá é gabú hkyô lé núngmòq bànshoq bang wó bo gabú kôrâ nghut lhê nghû, núngmòq bànshoq bang lé ngò hkyak myìt lum tô lhê. 4Hkâsu mù gâ le, ngò gi, núngmòq lé laiká kâ é hkûn, myìt myo myìt chiq mó èq le, myìt má yón kuq é èq le, ngaùbyi ngaùnhap é èq le, kâ kat bê nghut lhê. Haû gi, núngmòq lé yón kuq é hui nhâng râ matú a nghut é za, núngmòq lé ngò hkâ-í chyitdàp é hkyô lé sé nhâng râ matú ru nghut lhê.
Mara Hkyut Byî Lhum Râ Hkyô
5Yón kuq hkyô lhoqhtoq é sû gi, yhang, núngmòq bànshoq bang lé ahkyô hkyô pé má yón kuq nhang é su, ngo lé gyai wá yón kuq nhang é a nghut. Haú hkyô eq séng luî, ngò gyai wá yhang zùq zùq a taí nau é nghut lhê. 6Núngmòq myo hpyâng èq yhang lé mara dam byî é hkyô gi, yhâng é matú gé bê nghut ri. 7Nghut kôlhang, ahkuî, núngmòq gi, yhang a wó jan loshoq myìt yón é a hui zo râ matú, yhang lé mara hkyut pyám byi mù, nhiktíng byi keq. 8Haû mù luî, núngmòq é chyitdàp myìt gi, yhâng é ahtoq má dum lhoqgîng shit nyî keq nghû, núngmòq lé ngò wum taî tsuq kat lhê. 9Ngò, núngmòq lé haî mù laiká ká byî kat é hkyô gi, núngmòq chyam wú huî é hkyô lé wó jân é hkyô eq jung hkangmó má jì-no gyo hkyô bò a bo é lé, wó sé râ matú le nghut lhê. 10Núngmòq, rayùq yùq lé mara hkyut byî é nghut le gi, ngò le, haú yùq lé mara hkyut byî lhê. Mara hkyut râ rajung jung jòq é nghut jáng, ngò mara hkyut é gi, Tsádán èq ngá-nhúng lé a wó ûng râ matú, núngmòq é yánmai, Hkrisidùq é myòq hí má ngò mara hkyut byi bê nghut lhê. 11Hkâsu mù gâ le, Tsádán hen é hkyô pé lé ngá-nhúng a sê é a nghut.
Dangshikaq Asik Mâ É Hpúngmû Wùn Bang
12Ngò gi, Hkrisidùq é gabú danglù hko kyo râ matú, Tro‑a wà mó má ê jé é hkûn, haû Yhûmsîng gi, ngo lé hkum hpóng byî é lé, ngò myang ri. 13Nghut kôlhang, ngò gi, ngá é gu-mang Tituq lé haú má a myang ho é yánmai, myìt myo mù, yhángmòq lé shi-kyâm to luî, Makedoni mau shut xoq e ló é nghut lhê.
14Nghut kôlhang, Hkrisidùq má, ngá-mòq lé hkâ-nhám le ûngmyuq hkyô shut shuî-û yù mù, Hkrisidùq lé sê é sumsé hpàqchyi é namngón shôm lé, ngá-mòq dông mai jowò hkangmó má taî pyo é sû, Garai Gasang gi, jeju hkya-ôn é huî nyì sháng gàq. 15Hkâsu mù gâ le, ngá-mòq gi, hkyi yu é huî nyì bâng chyáng le, htên byòq ló é huî nyì bâng chyáng le, Garai Gasâng é matú Hkrisidùq é namngón shôm nghut nyi lhê. 16Ngá-mòq gi, htên byòq nyì bâng é matú shî‑nò hkyo é shôm dùt mù, hkyi yù huî nyì bâng é matú nghut jáng, chyungxe duì hkyo é namngón shôm dùt é nghut lhê. Haû mù, ó yùq wá múzó shî eq htuk râ lhú? 17Ngá-mòq gi, a-myàt wó râ matú Garai Gasâng é mungdang lé hkat ung zô é byù myo myo su a nghut é za, Garai Gasâng chyáng mai nhang é byu pé su, Garai Gasâng é hí má, Hkrisidùq é byu pé dông lhumzui myìt mai taî é nghut lhê.
Právě zvoleno:
2 Korinhtuq 2: znot
Zvýraznění
Kopírovat
Porovnat
Sdílet
Chceš mít své zvýrazněné verše uložené na všech zařízeních? Zaregistruj se nebo se přihlas
© 2025, Wycliffe Bible Translators, Inc.