Basumikilisi 8
8
Bamidiyani banokundigwa tjatjose
1Ngono balume be Ifureimi bakadwa Gidiyoni beti, “Ini utibhata uyijali? Ini wabe usatidana uyenda kunogwa ne Midiyani?” Ngono bakansapula kunogwadza. 2Ngono kabadwa kati, “Ini tjandathama ha ndifanidzanyiwa namwi? Apa mamburumburu e zhambi dza Ifureimi aatoyita pa zhambi dzakatjegwa dza Abiyeza kene? 3#Njimbo 83:11Ndzimu balonga batungamili babili be Bamidiyani mu maboko enyu, Orebu na Zibi, imi ndakathamani tjingafanidziwa namwi?” Bakati behwa ikoku, gwadzamoyo kwabo kukatebama.
4Gidiyoni ne balume bali mazana matatu bakaswika ku Jorodani, bakatjuluka nenguba bakabe banyala bakadwilila ne tatamila. 5Ndizo kadwa balume be Sukoti kati, “Ipa ngwa yangu tjiwunga ngoti banyala ngono ndakatatana na Zebha na Zalimuna bomambo be Bamidiyani.” 6Ngono batungamili ba Sukoti bakandwa bakati, “Apa Zebha na Zalimuna batjibe mu maboko awo kale kwatingapa ngwa iyo tjiwunga kene?” 7Ngono Gidiyoni kashandula eti, “Kwakalulwama, hapa Yahwe bangalonga Zebha na Zalimuna mu luboko gwangu, ndowopalulanya nyama dzenyu nge mimiwa ye tjilambanyika ne tjing'ang'a.” 8Ngono kudwa ipapo katathila ku Penuweli, ngono naibo kabakumbila. Ngono balume be Penuweli bakadabila koga se be Sukoti. 9Ngono kadwa balume be Penuweli kati, “Apa ndishanduka nge mbakiso, ndowoliga thungamakole iyeyi.”
10Ipapo Zebha na Zalimuna bakabe bali mu Karikori nge ngwa yabo, ana balume bangabhata zwiwulu zwili gumi lina bushanu (15 000) kuli bose bakabe basala bengwa ye bathu be kubhezhuba, ngoti kwakabe kwa wa balume bali zwiwulu zwili zana lina makumi mabili (120 000) banosenga thumo. 11Ngono Gidiyoni kabhuda nge zila ye bagali be mishasha, kunobhuda zhuba kwe Nobha ne Jogibheha ngono kanginilila ngwa ngoti yakabe itjakafala. 12Ngono Zebha na Zalimuna bomambo babili be Midiyani bakatizha, kabatatamila kababhata kabatapa, ngono ngwa yose ikashangashangana.
13Gidiyoni nkololo wa Joashi kashanduka ku ngwa nge nkoto we Heresi. 14Ngono kabhata nzhuzha we Sukoti ngono kanbhuzwa, ngono nzhuzha kankwalila mazina e batungamili be Sukoti bali makumi ali kutendeka ana kutendeka (77). 15Ndizo Gidiyoni kazha kubalume be Sukoti kabadwa kati, “Bonani, Zebha na Zalimuna ibo bamakandi gongobola ngekwabo muti, ‘Apa Zebha na Zalimuna batjibe mu maboko awo kale kwatingapa ngwa iyo yakanyala tjiwunga kene?’ ” 16Ngono katola bakulu be nzi nkulu ngono katola mimiwa ye tjilambanyika ne tjing'ang'a ngono kabadiya ndizo. 17Ngono kaliga thungamakole ye Penuweli ngono kabulaya balume be nzi.
18Ngono kabhuzwa Zebha na Zalimuna eti, “Bangayi balume bamaka bulaya ku Tabori?” Bakashandula beti, “Sekwa uli iko koga, mmwe ne mmwe wakabe elingika se nkololo wa mambo.” 19Gidiyoni kashandula eti, “Kwakabe kuli bakulu bangu, bana ba mme. Ndotuna na Yahwe banotjila nditi, alobe makabemabatjidza ndabendisowomubulaya.” 20Ngono kadwa Jetha mbano iye kati, “Milika ubabulaye.” Koga Jetha kasishomole thumo lile ngoti wakabe etja ngobe atji ntjetjana. 21Ipapo Zebha na Zalimuna bakandwa bakati, “Milika utibulaye ngekuko, ngoti simba le nlume lolizana nge mbubiko iye.” Ngono Gidiyoni kamilika kabulaya Zebha na Zalimuna, katola ndalama dzakabe dzili mu mitshiba ye kamela dzabo.
22Ngono Baiziraela bakadwa Gidiyoni bakati, “Uti buse, iwe ne nkololo uwo ne mwana we mwana uwo, ngoti watitjidza mu luboko gwe Bamidiyani.” 23Gidiyoni kabadwa kati, “Anditowomubusa, ne nkololo wangu aatowomubusa. Yahwe banowomubusa.” 24Gidiyoni kabadwa kati, “Ndoshaka kumukumbila tjimwe, mmwe ne mmwe wenyu andipe ng'ina mu thundu iye yatapiwa.” Ngobe kwakabe kuna mang'ina e golide ngoti bakabebali Baishimaeli. 25Ngono bakashandula beti, “Towokupa ngekushatha.” Ndizo bakawala jila ngono mmwe ne mmwe kalashila ng'ina kudwa mu thundu ya atapa. 26Ngono bulemo gwe mang'ina aakakumbila gukabe shekele dzili tjiwulu tjina mazana ali kutendeka (1 700), kuzhe kwe ndalama ne zwinonakisa zebe ne zwiambalo zwe bushaba gwakabondelela zwinombagwa na mambo we Bamidiyani, na kuzhe kwe ketani dzakabe dzili mu mitshiba ye kamela dzabo. 27Ngono Gidiyoni kathama Efodi ye golide kaibiga mu nzi uwe mu Ofira. Ngono Baiziraela bakathama bupombgwe ngokuithigamila se ndzimwana, ngono kukabe bhuzhu kuna Gidiyoni ne bensha uwe.
Lufu gwa Gidiyoni
28Ndizo Bamidiyani bakayisiwa pasi mbeli kwe Baiziraela ngono bakasitjaduse nsholo kakale. Shango ikabe nge kunyalala kwe makole ali makumi manna mu mazhuba a Gidiyoni.
29Shule kwe ngwa, Jerubhaale iye Gidiyoni nkololo wa Joashi kayenda kanogala mu ng'umba iye. 30Gidiyoni wakabe ana bakololo bali makumi ali kutendeka (70) kuli bana babe, ngoti wakabe ana bakadzi banjinji. 31Tjamba tjitje tjakabe tjigala mu Shekemu tjakanzwalilabo nkololo ngono kandana eti Abimeleki. 32Gidiyoni nkololo wa Joashi kafa atjikwegula ngono kabiganyiwa mu ikumbu tja tate babe Joashi ku Ofira we Baabiyezeri.
33Kwakati koga Gidiyoni atjambofa, bathu be Iziraela bakashanduka kakale bakathama bupombgwe na bo Bhaale. Bakabiga Bhaaleberiti kube ndzimu wabo. 34Ngono bathu be Iziraela bakasitjakumbule Yahwe Ndzimu wabo iye wakabasunungula mu maboko e zwita zwabo kudwa mu midzibo yose. 35Bakakong'wa lakidza lubu kuna bensha wa Jerubhaale iye Gidiyoni mu zwithu zwakanaka zwaakathamila Iziraela.
Právě zvoleno:
Basumikilisi 8: KBTP
Zvýraznění
Kopírovat
Porovnat
Sdílet
Chceš mít své zvýrazněné verše uložené na všech zařízeních? Zaregistruj se nebo se přihlas
Kalanga Bible © Bible Society of Botswana, 2008, 2018.
Basumikilisi 8
8
Bamidiyani banokundigwa tjatjose
1Ngono balume be Ifureimi bakadwa Gidiyoni beti, “Ini utibhata uyijali? Ini wabe usatidana uyenda kunogwa ne Midiyani?” Ngono bakansapula kunogwadza. 2Ngono kabadwa kati, “Ini tjandathama ha ndifanidzanyiwa namwi? Apa mamburumburu e zhambi dza Ifureimi aatoyita pa zhambi dzakatjegwa dza Abiyeza kene? 3#Njimbo 83:11Ndzimu balonga batungamili babili be Bamidiyani mu maboko enyu, Orebu na Zibi, imi ndakathamani tjingafanidziwa namwi?” Bakati behwa ikoku, gwadzamoyo kwabo kukatebama.
4Gidiyoni ne balume bali mazana matatu bakaswika ku Jorodani, bakatjuluka nenguba bakabe banyala bakadwilila ne tatamila. 5Ndizo kadwa balume be Sukoti kati, “Ipa ngwa yangu tjiwunga ngoti banyala ngono ndakatatana na Zebha na Zalimuna bomambo be Bamidiyani.” 6Ngono batungamili ba Sukoti bakandwa bakati, “Apa Zebha na Zalimuna batjibe mu maboko awo kale kwatingapa ngwa iyo tjiwunga kene?” 7Ngono Gidiyoni kashandula eti, “Kwakalulwama, hapa Yahwe bangalonga Zebha na Zalimuna mu luboko gwangu, ndowopalulanya nyama dzenyu nge mimiwa ye tjilambanyika ne tjing'ang'a.” 8Ngono kudwa ipapo katathila ku Penuweli, ngono naibo kabakumbila. Ngono balume be Penuweli bakadabila koga se be Sukoti. 9Ngono kadwa balume be Penuweli kati, “Apa ndishanduka nge mbakiso, ndowoliga thungamakole iyeyi.”
10Ipapo Zebha na Zalimuna bakabe bali mu Karikori nge ngwa yabo, ana balume bangabhata zwiwulu zwili gumi lina bushanu (15 000) kuli bose bakabe basala bengwa ye bathu be kubhezhuba, ngoti kwakabe kwa wa balume bali zwiwulu zwili zana lina makumi mabili (120 000) banosenga thumo. 11Ngono Gidiyoni kabhuda nge zila ye bagali be mishasha, kunobhuda zhuba kwe Nobha ne Jogibheha ngono kanginilila ngwa ngoti yakabe itjakafala. 12Ngono Zebha na Zalimuna bomambo babili be Midiyani bakatizha, kabatatamila kababhata kabatapa, ngono ngwa yose ikashangashangana.
13Gidiyoni nkololo wa Joashi kashanduka ku ngwa nge nkoto we Heresi. 14Ngono kabhata nzhuzha we Sukoti ngono kanbhuzwa, ngono nzhuzha kankwalila mazina e batungamili be Sukoti bali makumi ali kutendeka ana kutendeka (77). 15Ndizo Gidiyoni kazha kubalume be Sukoti kabadwa kati, “Bonani, Zebha na Zalimuna ibo bamakandi gongobola ngekwabo muti, ‘Apa Zebha na Zalimuna batjibe mu maboko awo kale kwatingapa ngwa iyo yakanyala tjiwunga kene?’ ” 16Ngono katola bakulu be nzi nkulu ngono katola mimiwa ye tjilambanyika ne tjing'ang'a ngono kabadiya ndizo. 17Ngono kaliga thungamakole ye Penuweli ngono kabulaya balume be nzi.
18Ngono kabhuzwa Zebha na Zalimuna eti, “Bangayi balume bamaka bulaya ku Tabori?” Bakashandula beti, “Sekwa uli iko koga, mmwe ne mmwe wakabe elingika se nkololo wa mambo.” 19Gidiyoni kashandula eti, “Kwakabe kuli bakulu bangu, bana ba mme. Ndotuna na Yahwe banotjila nditi, alobe makabemabatjidza ndabendisowomubulaya.” 20Ngono kadwa Jetha mbano iye kati, “Milika ubabulaye.” Koga Jetha kasishomole thumo lile ngoti wakabe etja ngobe atji ntjetjana. 21Ipapo Zebha na Zalimuna bakandwa bakati, “Milika utibulaye ngekuko, ngoti simba le nlume lolizana nge mbubiko iye.” Ngono Gidiyoni kamilika kabulaya Zebha na Zalimuna, katola ndalama dzakabe dzili mu mitshiba ye kamela dzabo.
22Ngono Baiziraela bakadwa Gidiyoni bakati, “Uti buse, iwe ne nkololo uwo ne mwana we mwana uwo, ngoti watitjidza mu luboko gwe Bamidiyani.” 23Gidiyoni kabadwa kati, “Anditowomubusa, ne nkololo wangu aatowomubusa. Yahwe banowomubusa.” 24Gidiyoni kabadwa kati, “Ndoshaka kumukumbila tjimwe, mmwe ne mmwe wenyu andipe ng'ina mu thundu iye yatapiwa.” Ngobe kwakabe kuna mang'ina e golide ngoti bakabebali Baishimaeli. 25Ngono bakashandula beti, “Towokupa ngekushatha.” Ndizo bakawala jila ngono mmwe ne mmwe kalashila ng'ina kudwa mu thundu ya atapa. 26Ngono bulemo gwe mang'ina aakakumbila gukabe shekele dzili tjiwulu tjina mazana ali kutendeka (1 700), kuzhe kwe ndalama ne zwinonakisa zebe ne zwiambalo zwe bushaba gwakabondelela zwinombagwa na mambo we Bamidiyani, na kuzhe kwe ketani dzakabe dzili mu mitshiba ye kamela dzabo. 27Ngono Gidiyoni kathama Efodi ye golide kaibiga mu nzi uwe mu Ofira. Ngono Baiziraela bakathama bupombgwe ngokuithigamila se ndzimwana, ngono kukabe bhuzhu kuna Gidiyoni ne bensha uwe.
Lufu gwa Gidiyoni
28Ndizo Bamidiyani bakayisiwa pasi mbeli kwe Baiziraela ngono bakasitjaduse nsholo kakale. Shango ikabe nge kunyalala kwe makole ali makumi manna mu mazhuba a Gidiyoni.
29Shule kwe ngwa, Jerubhaale iye Gidiyoni nkololo wa Joashi kayenda kanogala mu ng'umba iye. 30Gidiyoni wakabe ana bakololo bali makumi ali kutendeka (70) kuli bana babe, ngoti wakabe ana bakadzi banjinji. 31Tjamba tjitje tjakabe tjigala mu Shekemu tjakanzwalilabo nkololo ngono kandana eti Abimeleki. 32Gidiyoni nkololo wa Joashi kafa atjikwegula ngono kabiganyiwa mu ikumbu tja tate babe Joashi ku Ofira we Baabiyezeri.
33Kwakati koga Gidiyoni atjambofa, bathu be Iziraela bakashanduka kakale bakathama bupombgwe na bo Bhaale. Bakabiga Bhaaleberiti kube ndzimu wabo. 34Ngono bathu be Iziraela bakasitjakumbule Yahwe Ndzimu wabo iye wakabasunungula mu maboko e zwita zwabo kudwa mu midzibo yose. 35Bakakong'wa lakidza lubu kuna bensha wa Jerubhaale iye Gidiyoni mu zwithu zwakanaka zwaakathamila Iziraela.
Právě zvoleno:
:
Zvýraznění
Kopírovat
Porovnat
Sdílet
Chceš mít své zvýrazněné verše uložené na všech zařízeních? Zaregistruj se nebo se přihlas
Kalanga Bible © Bible Society of Botswana, 2008, 2018.