Romanos 9
9
Israel mayinkunapaq Pablo llakikunqan
1Alläpa llakikushqäta kanan willayashqëki. Tsënö llakikushqätaqa Jesucristupis y Espíritu Santupis musyayanmi. 2Israel mayïkunapaq alläpam llakikü. Pëkunapaq yarpaptï shonqüpis manam shonqunatsu. 3Israel mayïkuna Jesucristuman markäkur salvakuyänantam munä. Salvakuyänanpaq kaptinqa allim kanman pëkunapa rantin infiernuman jitëkushqa kaptïpis.
4Israel nunakunatam wamrankuna kayänanpaq Teyta Dios akrarqan.#Éxo. 4.22. Puëdiq kashqantapis pëkunatam musyatsirqan. Pëkunawan pactuta rurarmi leyninkunatapis qoykurqan. Imanö adorayänanpaqpis pëkunatam yachatsirqan. Änikushqankunapis pëkunapaqmi këkan. 5Pëkunaqa Abrahampita, Isaacpita y Jacobpita miraqkunam kayan. Jesucristupis Israel castapitam yurikurqan. ¡Pëqa llapanchö poderyuq Diosmi këkan! ¡Imëyaqpis alabashqa këkullätsun! Tsënö katsun.
Akranqan kaqkunallata Teyta Dios salvanqan
6Jesucristuta Israel nunakuna mana chaskikuyaptinpis ama yarpäshuntsu Teyta Dios pëkunata äninqanta manana cumplishqanta. Manam llapantsu Israel nunakuna Teyta Dios änikushqankunata chaskiyanqa. 7Tsënöllam llapantsu Abrahampita miraqkunapis legïtimu wamran këkäyan. Abrahamtam Teyta Dios kënö nirqan: <<Qamta äninqaqqa tsuriki Isaacpaqmi y pëpita miraqkunapaqmi>>.#Gén. 21.12.
8Tsënö niptin manam llapantsu Abrahampita miraqkuna Teyta Diospa wamrankuna këkäyan, sinöqa änikushqanta chaskiyänanpaq Teyta Dios akrashqan kaqkunallam.
9Abrahamta änirmi Teyta Dios kënö nirqan: <<Watan kutimuptï ollqu wamrayuqnam Sara këkanqa>>.#Gén. 18.10, 14.
10Teyta Dios änishqannö yuriq wamraqa unë castantsik Isaacmi kashqa. Isaacwan Rebeca juntakäyaptinmi wamrankuna millish yurikuyarqan. 11-12Manaraq yurikuyaptinmi Rebecata Teyta Dios kënö nirqan: <<Punta yuriq kaqmi qepa yuriq kaqpa munëninchö kanqa>>.#Gén. 25.23.
Pëta tsënö nirqan tsë millishkuna allita y mana allita manaraq rurayaptinmi. Manam allita rurashqanpitatsu Teyta Dios pitapis akran, sinöqa kikin munashqan kaqtam. 13Teyta Diospa palabranchöpis kënömi qellqarëkan: <<Jacobtam kuyarqä y Esaútanam chikirqä>>.#Mal. 1.2-3.
14Jukta akrar y juk kaqta mana akrarqa Teyta Dios ¿mana allitatsuraq rurarqan? ¡Manam! 15Moiséstapis Teyta Dios kënö nirmi käyitsirqan: <<Ankupanqätaqa ankupämi. Perdonëta munanqätaqa perdonämi>>.#Éxo. 33.19.
16Tsënö kaptinmi kikin nuna munashqanpitatsu o imatapis allita rurashqanpitatsu Teyta Dios akran, sinöqa kikin ankupashqan kaqtam pitapis akran.
17Egiptupa mandakuqnin Faraónpaqpis Teyta Diospa palabran kënömi nin: <<Jinantinchö täraq nunakuna poderyuq kashqäta musyayänanpaqmi mandakuq kanëkipaq churarquq>>.#Éxo. 9.16.
18Tsënömi Teyta Dios wakin nunakunata ankupan y wakin nunakunatanam shonqunta chukruyätsin.
19Tsënö niptï itsa niyämanki: <<Nunakunapa shonqunta kikin chukruyëkätsirqa ¿imanirtaq nunakunata jutsayuq kashqanta nin? Y kikin tsënö rurëkaptinqa ¿piraq michanman?>>
20Tsënö nirqa qam ¿pitaq kanki Teyta Dios imata rurashqantapis manakaqpaq churanëkipaq? Allpa mankapis ruraqninta manam nintsu: <<¿Imanirtaq tsënöqa ruramarqëki?>>#Isa. 29.16; 45.9.
21Manka ruraqqa munashqannömi mitupita imatapis ruran. Tsë mitupitam juk täzata ruran precisaqkunallachö inshinanpaq y juk täzatanam waran waran inshinanpaq.#Jer. 18.4-6.
22Tsënöllam Teyta Diospis wakin nunakunata destinarqan castigananpaq. Jutsata rurayashqanpita piñakur castigananpaq karpis manam rastsu castigan, sinöqa pacienciakurmi shuyan. 23Wakin nunakunatanam gloriaman pushananpaq destinarqan. Tsënö destinarqan ankupäkuq kashqanta musyatsimänantsikpaqmi. 24Tsë ankupashqan nunakunaqa noqantsikmi këkantsik. Pëmi akramarquntsik Israel nuna kashqapis o mana Israel nuna kashqapis.
25Profëta Oseas qellqashqanchöpis kënömi nikan: <<Juk nación nunakuna kayaptikipis wamräkuna kayashqëkitam niyashqëki. Mana kuyashqa karpis kananqa kuyayashqëkim>>.#Ose. 2.23.
26Jina kënöpis qellqarëkanmi: << <Qamkunaqa manam noqapatsu kayanki> niyäshuptikipis nunakunam niyanqa: <Pëkunaqa wiñëpa kawaq Teyta Diospa wamrankunam kayan> >>.#Ose. 1.10.
27Wakin Israel nunakunalla salvashqa kayänanpaq kashqantam Isaías kënö qellqarqan: <<Lamar kuchunchö aqushanöraq Israel nunakuna kayaptinpis wallkaqllatam Teyta Dios salvanqa. 28Ichikllanam pishin llapan nunakunata Teyta Dios juzgananpaq>>.#Isa. 10.22-23. 29Isaías jina kënömi qellqarqan: <<Llapanta mandaq Teyta Dios juk ishkëllatapis kawëkaqta mana jaqimashqaqa Sodomanö y Gomorranömi ushakashwan karqan>>.#Isa. 1.9.
Jesucristuta Israel nunakuna mana chaskiyanqan
30Käyikushun. Mana Israel nunakunaqa Diospa leyninkunata cumpliyänanpaq mana yarpakachëkarpis Jesucristuman markäkurmi salvakuyan. 31Israel nunakunanam Teyta Diospa leyninkunata cumplirnin salvakïta munarpis salvakuyantsu. 32¿Imanirmi tsënö salvakuyantsu? Jesucristuman mana markäkurmi. Pëman markäkuyänanpa rantinmi tsë leykunata cumpliyashqanman markäkuyan. Tsënöpam ishkitsikuq rumichö tsaktakur ishkiyan. 33Teyta Diospa palabranchöpis kënömi qellqarëkan:
<<Siónmanmi trompisatsikuq y ishkitsikuq rumita churä.
Tsëchö tsaktakurmi atska nunakuna ishkiyanqa.
Pipis pëman markäkuq kaqqa manam manakaqllapaqtsu markäkunqa>>.#Isa. 28.16.
Právě zvoleno:
Romanos 9: qwhB
Zvýraznění
Kopírovat
Porovnat
Sdílet
Chceš mít své zvýrazněné verše uložené na všech zařízeních? Zaregistruj se nebo se přihlas
© 2018, Wycliffe Bible Translators, Inc. All rights reserved.
Romanos 9
9
Israel mayinkunapaq Pablo llakikunqan
1Alläpa llakikushqäta kanan willayashqëki. Tsënö llakikushqätaqa Jesucristupis y Espíritu Santupis musyayanmi. 2Israel mayïkunapaq alläpam llakikü. Pëkunapaq yarpaptï shonqüpis manam shonqunatsu. 3Israel mayïkuna Jesucristuman markäkur salvakuyänantam munä. Salvakuyänanpaq kaptinqa allim kanman pëkunapa rantin infiernuman jitëkushqa kaptïpis.
4Israel nunakunatam wamrankuna kayänanpaq Teyta Dios akrarqan.#Éxo. 4.22. Puëdiq kashqantapis pëkunatam musyatsirqan. Pëkunawan pactuta rurarmi leyninkunatapis qoykurqan. Imanö adorayänanpaqpis pëkunatam yachatsirqan. Änikushqankunapis pëkunapaqmi këkan. 5Pëkunaqa Abrahampita, Isaacpita y Jacobpita miraqkunam kayan. Jesucristupis Israel castapitam yurikurqan. ¡Pëqa llapanchö poderyuq Diosmi këkan! ¡Imëyaqpis alabashqa këkullätsun! Tsënö katsun.
Akranqan kaqkunallata Teyta Dios salvanqan
6Jesucristuta Israel nunakuna mana chaskikuyaptinpis ama yarpäshuntsu Teyta Dios pëkunata äninqanta manana cumplishqanta. Manam llapantsu Israel nunakuna Teyta Dios änikushqankunata chaskiyanqa. 7Tsënöllam llapantsu Abrahampita miraqkunapis legïtimu wamran këkäyan. Abrahamtam Teyta Dios kënö nirqan: <<Qamta äninqaqqa tsuriki Isaacpaqmi y pëpita miraqkunapaqmi>>.#Gén. 21.12.
8Tsënö niptin manam llapantsu Abrahampita miraqkuna Teyta Diospa wamrankuna këkäyan, sinöqa änikushqanta chaskiyänanpaq Teyta Dios akrashqan kaqkunallam.
9Abrahamta änirmi Teyta Dios kënö nirqan: <<Watan kutimuptï ollqu wamrayuqnam Sara këkanqa>>.#Gén. 18.10, 14.
10Teyta Dios änishqannö yuriq wamraqa unë castantsik Isaacmi kashqa. Isaacwan Rebeca juntakäyaptinmi wamrankuna millish yurikuyarqan. 11-12Manaraq yurikuyaptinmi Rebecata Teyta Dios kënö nirqan: <<Punta yuriq kaqmi qepa yuriq kaqpa munëninchö kanqa>>.#Gén. 25.23.
Pëta tsënö nirqan tsë millishkuna allita y mana allita manaraq rurayaptinmi. Manam allita rurashqanpitatsu Teyta Dios pitapis akran, sinöqa kikin munashqan kaqtam. 13Teyta Diospa palabranchöpis kënömi qellqarëkan: <<Jacobtam kuyarqä y Esaútanam chikirqä>>.#Mal. 1.2-3.
14Jukta akrar y juk kaqta mana akrarqa Teyta Dios ¿mana allitatsuraq rurarqan? ¡Manam! 15Moiséstapis Teyta Dios kënö nirmi käyitsirqan: <<Ankupanqätaqa ankupämi. Perdonëta munanqätaqa perdonämi>>.#Éxo. 33.19.
16Tsënö kaptinmi kikin nuna munashqanpitatsu o imatapis allita rurashqanpitatsu Teyta Dios akran, sinöqa kikin ankupashqan kaqtam pitapis akran.
17Egiptupa mandakuqnin Faraónpaqpis Teyta Diospa palabran kënömi nin: <<Jinantinchö täraq nunakuna poderyuq kashqäta musyayänanpaqmi mandakuq kanëkipaq churarquq>>.#Éxo. 9.16.
18Tsënömi Teyta Dios wakin nunakunata ankupan y wakin nunakunatanam shonqunta chukruyätsin.
19Tsënö niptï itsa niyämanki: <<Nunakunapa shonqunta kikin chukruyëkätsirqa ¿imanirtaq nunakunata jutsayuq kashqanta nin? Y kikin tsënö rurëkaptinqa ¿piraq michanman?>>
20Tsënö nirqa qam ¿pitaq kanki Teyta Dios imata rurashqantapis manakaqpaq churanëkipaq? Allpa mankapis ruraqninta manam nintsu: <<¿Imanirtaq tsënöqa ruramarqëki?>>#Isa. 29.16; 45.9.
21Manka ruraqqa munashqannömi mitupita imatapis ruran. Tsë mitupitam juk täzata ruran precisaqkunallachö inshinanpaq y juk täzatanam waran waran inshinanpaq.#Jer. 18.4-6.
22Tsënöllam Teyta Diospis wakin nunakunata destinarqan castigananpaq. Jutsata rurayashqanpita piñakur castigananpaq karpis manam rastsu castigan, sinöqa pacienciakurmi shuyan. 23Wakin nunakunatanam gloriaman pushananpaq destinarqan. Tsënö destinarqan ankupäkuq kashqanta musyatsimänantsikpaqmi. 24Tsë ankupashqan nunakunaqa noqantsikmi këkantsik. Pëmi akramarquntsik Israel nuna kashqapis o mana Israel nuna kashqapis.
25Profëta Oseas qellqashqanchöpis kënömi nikan: <<Juk nación nunakuna kayaptikipis wamräkuna kayashqëkitam niyashqëki. Mana kuyashqa karpis kananqa kuyayashqëkim>>.#Ose. 2.23.
26Jina kënöpis qellqarëkanmi: << <Qamkunaqa manam noqapatsu kayanki> niyäshuptikipis nunakunam niyanqa: <Pëkunaqa wiñëpa kawaq Teyta Diospa wamrankunam kayan> >>.#Ose. 1.10.
27Wakin Israel nunakunalla salvashqa kayänanpaq kashqantam Isaías kënö qellqarqan: <<Lamar kuchunchö aqushanöraq Israel nunakuna kayaptinpis wallkaqllatam Teyta Dios salvanqa. 28Ichikllanam pishin llapan nunakunata Teyta Dios juzgananpaq>>.#Isa. 10.22-23. 29Isaías jina kënömi qellqarqan: <<Llapanta mandaq Teyta Dios juk ishkëllatapis kawëkaqta mana jaqimashqaqa Sodomanö y Gomorranömi ushakashwan karqan>>.#Isa. 1.9.
Jesucristuta Israel nunakuna mana chaskiyanqan
30Käyikushun. Mana Israel nunakunaqa Diospa leyninkunata cumpliyänanpaq mana yarpakachëkarpis Jesucristuman markäkurmi salvakuyan. 31Israel nunakunanam Teyta Diospa leyninkunata cumplirnin salvakïta munarpis salvakuyantsu. 32¿Imanirmi tsënö salvakuyantsu? Jesucristuman mana markäkurmi. Pëman markäkuyänanpa rantinmi tsë leykunata cumpliyashqanman markäkuyan. Tsënöpam ishkitsikuq rumichö tsaktakur ishkiyan. 33Teyta Diospa palabranchöpis kënömi qellqarëkan:
<<Siónmanmi trompisatsikuq y ishkitsikuq rumita churä.
Tsëchö tsaktakurmi atska nunakuna ishkiyanqa.
Pipis pëman markäkuq kaqqa manam manakaqllapaqtsu markäkunqa>>.#Isa. 28.16.
Právě zvoleno:
:
Zvýraznění
Kopírovat
Porovnat
Sdílet
Chceš mít své zvýrazněné verše uložené na všech zařízeních? Zaregistruj se nebo se přihlas
© 2018, Wycliffe Bible Translators, Inc. All rights reserved.