Tur. 27
27
Papru Rúmanam akupkámu
1Tura Páprun Rúmanam akupkatniun enentáimsarmiayi. Rúmaka timiai Itiarianam pujawai. Wisha Pápruja̱i̱ wémiajai. Pápruncha tura chikichnasha achikma armia nunasha Akustunu suntara uuntri̱ Júriuji̱a̱i̱ nenakar akupkarmiayi. 2Tura Atramitiunmaya̱ uunt kanu Ásianam pepru armia nui̱ wétasa pujumia nui̱ eṉkemprarmiaji. Tura Tisarúnikianmaya̱ Aristárku iin páchitkiauyayi. Tisarúnikiasha Masetúnianmaya̱iti. 3Nui̱ eṉkemprar kashin tsawa̱rar Setun péprunam jeamiaji. Nui̱ jeawakrin suntara uuntri̱ Juriu, Páprun waitnentak chichaak “Ame amikrumi̱i̱n wetá. Au iirmasarti” tímiayi. 4Tura Setunnumia̱ jíinkir uunt kanuja̱i̱ wésar nase tukumpramprakrin Chipri núṉkaka menanmaani̱ aa ikiukmiaji. 5Tura nayantsanam wésar Sirisia tura Pampirianam ayamchik naṉkaamakir Mira péprunam jeamiaji. Nuka Risia nuṉkanmaiti. 6Nui̱ jear nú kanu ikiukmiaji tura chíkich kanu Arejántrianmaya̱ taa Itiarianam wétasa pujumiayi. Nú kanunam suntara uuntri̱ eṉkempratarum, turammiaji. 7Tura untsurí tsawant yáitmataik we wémiaji tura ti wiántkar Nítiunam jeastatuk ajasmiaji. Tura nui̱sha nase tuke tukumkarta asamtai Sarmunnam ayamchik naṉkaamakir Kritia nuṉkanam á̱a̱winini̱ ayamchik wémiaji. 8Tura Krítianam ayamchik wésar itiurchat akui wáitsar wea wéakuar “Shiir Pujutai̱” tutainiam jeamiaji. Nusha Ráseanam tíjiu̱chiti. 9Yáitmataik wea asar ti táasmaji. Tura yumi yututai jeatéma asa nayantsanam wétin tí tsuumainiuyayi. 10Tura Papru chicharuk “Amikru antuktarum. Wi nékajai, yamái wéakrikia ti tsuumainti. Kanusha tura kijin kanunam eṉketáinia nusha meṉkarattawai. Tura iisha núnisrik kaji̱ṉchatjiash” tímiayi. 11Suntara úuntri̱ṉkia Páprunka anturtsuk kanú wianniuri̱n úuntri̱ncha tura uunt kanú úuntri̱ncha chichame̱n anturkarmiayi. 12Tura nui̱ Shiir Pujutai̱ tutainiam yumitin pujustin péṉkerchaitkiui “Nuiṉkia ju̱ya̱ṉka wéartai. Pinisenam jeamainchuashit” ashí tiármiayi. Nú péprusha Krítianam nayants ayamach pujawai. Nú péprunam yumitin pujustinian wakeriarmiayi, araki̱a̱ nuṉkaani̱ kakaram nase nú péprunam jeachu asamtai.
Tsuumainium wekasarma
13Tuma asamtai ukunam nase nuṉkaani̱a̱ umpúakui ii wétin yamaikia péṉkeraiti, tu enentáimsarmiayi. Túmakui̱ kanu emetai jiru júusar jíinkir Krítianam ayamchik wéarmiaji. 14Túrasha árusaṉ araki̱a̱ kakaram nase, Eurakúrun tuinia nu tukumpramiayi. 15Nase kanun tukumea asamtai iisha atsantratin peṉké tujintkiamiaji. Túmakui̱ ánkisha juramkitiai tusar iniaisámiaji. 16Tura Krítianam á̱a̱winini̱ naṉkamakur nuiṉkia nase ishichik mijianmatai uchich kanu japikir wémiaj nu ti takasar uunt kanunam eṉkermiaji. 17Tura eṉkerar chapikji̱a̱i̱ uunt kanunam jiṉkiararmiayi wewe najanatai tusar. Tura naikim mukutniunam Serti tutainiam nase juramkishtajiash tusar kanunam yakí̱ tarach aan itiararmiayi. Nu tarach nase útsuktin tusar nenarma ármiayi. Túrawar áyatik nase juramkitiai, tiármiayi. 18Tura kashin tsawa̱rmatai nasesha chíchimisha tímiatrusaṉ kakaram aa asamtai uunt kanunmaya̱n kijin irunmia nuna nayantsanam ajapawarmiayi. 19Menaintiú tsawant naṉkaamasmatai iisha ii uwejé̱ja̱i̱ṉ uunt kanú takakmatai̱ entsá utsaṉkarmiaji. 20Tura untsurí tsawant tsawai̱sha etsantrachmiayi tura káshisha yaasha tsaparcharmiayi. Tura nasesha ti kakantar tukumpramkurin “Yamaikia uwempratin atsawai” tiármiaji. 21Tura iisha ti untsurí tsawant yurumtsuk matsatu asakrin Papru ajapén wajaki̱ chichaak “Amikru winia nuik Krítianmaya̱ṉka jíintsuk anturtukuitkiurmiṉkia yamái ju̱ itiurchatnum pujutsuk tura emeṉkátmatsuk pujua̱a̱ji.
22-24Yamái kashi winia Yusru suntari̱ nayaimpinmaya̱ wantintiurkayi. Nú Yusan umirkaitjiana nu akuptúrkayi. Tura nu taruti ‘Ashamkaipia Papru túrutui. Amesha akupin Sésari̱n Rúmanam jeattame. Tura chikichnasha ámiji̱a̱i̱ kanunam eṉketáinia ásarmatai uwempratniun Yus tsaṉkatkarai’ túrutui. Tuma asamtai amikru shiir enentáimsatarum. Atumsha mash uwemprattarme. Túrasha kánuka mesertatui. 25Wisha winia Yúsrun nekas enentáimtajai. Yusa suntari̱ turutainia nuna nekas tu túrunattawai, tajai. Tuma asamtai kaka̱rtarum. 26Tura chíchimisha nuṉka uchich pújakmanum nui̱ patatmittiaji” tímiayi.
27Ayu, katurse tsawant naṉkaamasmatai nú kashi Atria nayantsanam jeamiaji. Nui̱ nase náṉkamas juram wémiaji. Nuya̱ṉka kashi ajapéṉ wiantin armia nu nuṉka ámanum jeatemán nekaawarmiayi. 28Tura urutmá kúnakit tusa nekapmamiayi. Túram traintisáis mítruyayi. Nuya̱sha ékemsaṉ ataksha nekapmamiayi. Nuiṉkia painti siati mitru nekapmamiayi. Tuma asa nuṉká anumsattuk ajasún nekaawarmiayi. 29Tura kayanam ijiuka̱i̱ tusar ashamainiak kuatru jirun kijinian chapikji̱a̱i̱ kanú seṉkari̱n jiṉkiawar entsá aju̱ṉkármiayi. Kijin asa init tepeamtai nase juramkichmi tusar túrawarmiayi. Tura wake mesekar tsawa̱rti tusar matsamármiayi.
30Tura matsatainiai̱ wiantin armia nu, iikia uchich kanunam eṉkemprar pisarchatjiash tu enentáimsarmiayi. Túmainiak uunt kanú nuji̱i̱nia chíkich jirun aju̱ṉtai tawa nútiksaraṉ uchich kanun aju̱ṉtai tusar pujuarmiayi. 31Tura tuma wainiak Papru suntara úuntri̱n tura ni suntari̱ncha ujak chicharainiak “Ausha uunt kanunmaṉ eṉketáiniachkuiṉkia atumsha uwemprashtatrume” tímiayi. 32Tutai suntarsha uchich kanú chapikri̱n tsupirkar entsá aju̱ṉkármiayi.
33Tura kashin káshik Papru ikiaká̱rtasa wakerak chichaak “Ishichkisha yurumátarum. Atumsha katurse tsawant kánutsuk yurumtsuk pujarme. 34Seajrume, ishichkisha yurumárum kakaram ajastarum, uwemprataj tusarum. Iimiata, nekaatarum, imiatkisha túmatsuk péemkattarme” tímiayi.
35Nuna tuasua amik Papru apatkun achik ashí íimmianumaṉ Yusan yumiṉsamiayi. Tura puuk yuámiayi. 36Tura apatkun yuan wáinkiar ashí aents shiir enentáimsar yurumáwarmiayi. 37Nusha ashí aents irurmaka tusaintu sataintisáis ármiayi. 38Yurumáwar ejemakar yurumkantka entsá utsaṉkarmiayi, uunt kanu wampú ajasat tusar.
Uunt kanu meserma
39Tura tsawa̱rmatai wiantin armia nu, nuṉkan nekaacharmiayi. Túrasha éṉkentamunam kaanmatak aan wáinkiar “ai̱ kanu anuṉtai” tiármiayi. 40Nuyá̱ jiru entsá aju̱ṉman chapikri̱n tsupirkar entsá ikiukiarmiayi. Tura kanait jiṉkiarma armia nuna chapikri̱n tsupirkarmiayi. Tura tarach kanú nuji̱i̱n amia nuna nenakarmiayi. Túram kanu kaanmatkanam anumsattuk ajasmiayi. 41Tura wainchi jímiar ámanum jeá kanu entsá wayá̱ tepeamiayi. Tura kanú seṉkari̱ṉkia chíchimi yakí̱ takuir ajíamu asa kupintramiayi. 42Tura achikiar juamu armia nú shuaran suntar mátaj tusa wakeriarmiayi, yukuak pisarara̱i̱ṉ tusar. 43Tura suntara úuntri̱sha Páprun uwemtikrataj tau asa nuna túratniun tsaṉkatkachmiayi. Antsu chichaak “Emka yukuaktin nékarmena nu yukuakrum péemkatarum. 44Nuyá̱ chíkichkia kanunmaya̱ numi kame náṉkamas numi achikrum awamkarum péemkatarum” tímiayi. Tu túrawar ashí iwiaakuk jíintrarmiayi.
Právě zvoleno:
Tur. 27: jiv
Zvýraznění
Kopírovat
Porovnat
Sdílet
Chceš mít své zvýrazněné verše uložené na všech zařízeních? Zaregistruj se nebo se přihlas
©2009 Avant Ministries in cooperation with Wycliffe Bible Translators, Inc. All rights reserved.
Tur. 27
27
Papru Rúmanam akupkámu
1Tura Páprun Rúmanam akupkatniun enentáimsarmiayi. Rúmaka timiai Itiarianam pujawai. Wisha Pápruja̱i̱ wémiajai. Pápruncha tura chikichnasha achikma armia nunasha Akustunu suntara uuntri̱ Júriuji̱a̱i̱ nenakar akupkarmiayi. 2Tura Atramitiunmaya̱ uunt kanu Ásianam pepru armia nui̱ wétasa pujumia nui̱ eṉkemprarmiaji. Tura Tisarúnikianmaya̱ Aristárku iin páchitkiauyayi. Tisarúnikiasha Masetúnianmaya̱iti. 3Nui̱ eṉkemprar kashin tsawa̱rar Setun péprunam jeamiaji. Nui̱ jeawakrin suntara uuntri̱ Juriu, Páprun waitnentak chichaak “Ame amikrumi̱i̱n wetá. Au iirmasarti” tímiayi. 4Tura Setunnumia̱ jíinkir uunt kanuja̱i̱ wésar nase tukumpramprakrin Chipri núṉkaka menanmaani̱ aa ikiukmiaji. 5Tura nayantsanam wésar Sirisia tura Pampirianam ayamchik naṉkaamakir Mira péprunam jeamiaji. Nuka Risia nuṉkanmaiti. 6Nui̱ jear nú kanu ikiukmiaji tura chíkich kanu Arejántrianmaya̱ taa Itiarianam wétasa pujumiayi. Nú kanunam suntara uuntri̱ eṉkempratarum, turammiaji. 7Tura untsurí tsawant yáitmataik we wémiaji tura ti wiántkar Nítiunam jeastatuk ajasmiaji. Tura nui̱sha nase tuke tukumkarta asamtai Sarmunnam ayamchik naṉkaamakir Kritia nuṉkanam á̱a̱winini̱ ayamchik wémiaji. 8Tura Krítianam ayamchik wésar itiurchat akui wáitsar wea wéakuar “Shiir Pujutai̱” tutainiam jeamiaji. Nusha Ráseanam tíjiu̱chiti. 9Yáitmataik wea asar ti táasmaji. Tura yumi yututai jeatéma asa nayantsanam wétin tí tsuumainiuyayi. 10Tura Papru chicharuk “Amikru antuktarum. Wi nékajai, yamái wéakrikia ti tsuumainti. Kanusha tura kijin kanunam eṉketáinia nusha meṉkarattawai. Tura iisha núnisrik kaji̱ṉchatjiash” tímiayi. 11Suntara úuntri̱ṉkia Páprunka anturtsuk kanú wianniuri̱n úuntri̱ncha tura uunt kanú úuntri̱ncha chichame̱n anturkarmiayi. 12Tura nui̱ Shiir Pujutai̱ tutainiam yumitin pujustin péṉkerchaitkiui “Nuiṉkia ju̱ya̱ṉka wéartai. Pinisenam jeamainchuashit” ashí tiármiayi. Nú péprusha Krítianam nayants ayamach pujawai. Nú péprunam yumitin pujustinian wakeriarmiayi, araki̱a̱ nuṉkaani̱ kakaram nase nú péprunam jeachu asamtai.
Tsuumainium wekasarma
13Tuma asamtai ukunam nase nuṉkaani̱a̱ umpúakui ii wétin yamaikia péṉkeraiti, tu enentáimsarmiayi. Túmakui̱ kanu emetai jiru júusar jíinkir Krítianam ayamchik wéarmiaji. 14Túrasha árusaṉ araki̱a̱ kakaram nase, Eurakúrun tuinia nu tukumpramiayi. 15Nase kanun tukumea asamtai iisha atsantratin peṉké tujintkiamiaji. Túmakui̱ ánkisha juramkitiai tusar iniaisámiaji. 16Tura Krítianam á̱a̱winini̱ naṉkamakur nuiṉkia nase ishichik mijianmatai uchich kanu japikir wémiaj nu ti takasar uunt kanunam eṉkermiaji. 17Tura eṉkerar chapikji̱a̱i̱ uunt kanunam jiṉkiararmiayi wewe najanatai tusar. Tura naikim mukutniunam Serti tutainiam nase juramkishtajiash tusar kanunam yakí̱ tarach aan itiararmiayi. Nu tarach nase útsuktin tusar nenarma ármiayi. Túrawar áyatik nase juramkitiai, tiármiayi. 18Tura kashin tsawa̱rmatai nasesha chíchimisha tímiatrusaṉ kakaram aa asamtai uunt kanunmaya̱n kijin irunmia nuna nayantsanam ajapawarmiayi. 19Menaintiú tsawant naṉkaamasmatai iisha ii uwejé̱ja̱i̱ṉ uunt kanú takakmatai̱ entsá utsaṉkarmiaji. 20Tura untsurí tsawant tsawai̱sha etsantrachmiayi tura káshisha yaasha tsaparcharmiayi. Tura nasesha ti kakantar tukumpramkurin “Yamaikia uwempratin atsawai” tiármiaji. 21Tura iisha ti untsurí tsawant yurumtsuk matsatu asakrin Papru ajapén wajaki̱ chichaak “Amikru winia nuik Krítianmaya̱ṉka jíintsuk anturtukuitkiurmiṉkia yamái ju̱ itiurchatnum pujutsuk tura emeṉkátmatsuk pujua̱a̱ji.
22-24Yamái kashi winia Yusru suntari̱ nayaimpinmaya̱ wantintiurkayi. Nú Yusan umirkaitjiana nu akuptúrkayi. Tura nu taruti ‘Ashamkaipia Papru túrutui. Amesha akupin Sésari̱n Rúmanam jeattame. Tura chikichnasha ámiji̱a̱i̱ kanunam eṉketáinia ásarmatai uwempratniun Yus tsaṉkatkarai’ túrutui. Tuma asamtai amikru shiir enentáimsatarum. Atumsha mash uwemprattarme. Túrasha kánuka mesertatui. 25Wisha winia Yúsrun nekas enentáimtajai. Yusa suntari̱ turutainia nuna nekas tu túrunattawai, tajai. Tuma asamtai kaka̱rtarum. 26Tura chíchimisha nuṉka uchich pújakmanum nui̱ patatmittiaji” tímiayi.
27Ayu, katurse tsawant naṉkaamasmatai nú kashi Atria nayantsanam jeamiaji. Nui̱ nase náṉkamas juram wémiaji. Nuya̱ṉka kashi ajapéṉ wiantin armia nu nuṉka ámanum jeatemán nekaawarmiayi. 28Tura urutmá kúnakit tusa nekapmamiayi. Túram traintisáis mítruyayi. Nuya̱sha ékemsaṉ ataksha nekapmamiayi. Nuiṉkia painti siati mitru nekapmamiayi. Tuma asa nuṉká anumsattuk ajasún nekaawarmiayi. 29Tura kayanam ijiuka̱i̱ tusar ashamainiak kuatru jirun kijinian chapikji̱a̱i̱ kanú seṉkari̱n jiṉkiawar entsá aju̱ṉkármiayi. Kijin asa init tepeamtai nase juramkichmi tusar túrawarmiayi. Tura wake mesekar tsawa̱rti tusar matsamármiayi.
30Tura matsatainiai̱ wiantin armia nu, iikia uchich kanunam eṉkemprar pisarchatjiash tu enentáimsarmiayi. Túmainiak uunt kanú nuji̱i̱nia chíkich jirun aju̱ṉtai tawa nútiksaraṉ uchich kanun aju̱ṉtai tusar pujuarmiayi. 31Tura tuma wainiak Papru suntara úuntri̱n tura ni suntari̱ncha ujak chicharainiak “Ausha uunt kanunmaṉ eṉketáiniachkuiṉkia atumsha uwemprashtatrume” tímiayi. 32Tutai suntarsha uchich kanú chapikri̱n tsupirkar entsá aju̱ṉkármiayi.
33Tura kashin káshik Papru ikiaká̱rtasa wakerak chichaak “Ishichkisha yurumátarum. Atumsha katurse tsawant kánutsuk yurumtsuk pujarme. 34Seajrume, ishichkisha yurumárum kakaram ajastarum, uwemprataj tusarum. Iimiata, nekaatarum, imiatkisha túmatsuk péemkattarme” tímiayi.
35Nuna tuasua amik Papru apatkun achik ashí íimmianumaṉ Yusan yumiṉsamiayi. Tura puuk yuámiayi. 36Tura apatkun yuan wáinkiar ashí aents shiir enentáimsar yurumáwarmiayi. 37Nusha ashí aents irurmaka tusaintu sataintisáis ármiayi. 38Yurumáwar ejemakar yurumkantka entsá utsaṉkarmiayi, uunt kanu wampú ajasat tusar.
Uunt kanu meserma
39Tura tsawa̱rmatai wiantin armia nu, nuṉkan nekaacharmiayi. Túrasha éṉkentamunam kaanmatak aan wáinkiar “ai̱ kanu anuṉtai” tiármiayi. 40Nuyá̱ jiru entsá aju̱ṉman chapikri̱n tsupirkar entsá ikiukiarmiayi. Tura kanait jiṉkiarma armia nuna chapikri̱n tsupirkarmiayi. Tura tarach kanú nuji̱i̱n amia nuna nenakarmiayi. Túram kanu kaanmatkanam anumsattuk ajasmiayi. 41Tura wainchi jímiar ámanum jeá kanu entsá wayá̱ tepeamiayi. Tura kanú seṉkari̱ṉkia chíchimi yakí̱ takuir ajíamu asa kupintramiayi. 42Tura achikiar juamu armia nú shuaran suntar mátaj tusa wakeriarmiayi, yukuak pisarara̱i̱ṉ tusar. 43Tura suntara úuntri̱sha Páprun uwemtikrataj tau asa nuna túratniun tsaṉkatkachmiayi. Antsu chichaak “Emka yukuaktin nékarmena nu yukuakrum péemkatarum. 44Nuyá̱ chíkichkia kanunmaya̱ numi kame náṉkamas numi achikrum awamkarum péemkatarum” tímiayi. Tu túrawar ashí iwiaakuk jíintrarmiayi.
Právě zvoleno:
:
Zvýraznění
Kopírovat
Porovnat
Sdílet
Chceš mít své zvýrazněné verše uložené na všech zařízeních? Zaregistruj se nebo se přihlas
©2009 Avant Ministries in cooperation with Wycliffe Bible Translators, Inc. All rights reserved.