Isaías 29
29
Jerusaléndeccu injanga canse'cho
13Toya'caen Na'su Chigaja ñanga qquen su:
“Va aindeccu aya'fai'ccu ñame in'jan qquen su'fa.
Nane tise'pa su'choi'ccu ñanga ñotsse afa'fa.
Tsa'ma tise'pa injama'choni ñama chi'ga'fa.
A'i in'jamba afa'choma pañamba
tsa'caen afa'fa ñama iñajañe.
Nane in'jambe'yi injanga afa'choi'ccu afa'fa.
14Tsa'cansi gi ccase osha'cho ña canjaen'choma canjaeña
cuintsu va aindeccu bo'yo'e dapa camboen'faye.
Nane ña ti'tsse'tssiama attepa
tise'pa ñotsse tson qquen in'jan'cho
tsu pasaya.
Tise'pa'su injama'pandeqquia
in'jamba in'jan'cho'qque tsu pasaya.”
15Va'cha tsu “A'tusija Na'su ñama atteya'bi”
qquen in'jan'chondeccu.
Nane asi'ttaemba tise'pa tsoña'choma ñoñamba
“Chigaja tsama atesumbi” qquen tsu in'jan'fa.
Toya'caen egae tsincomba
“Chigaja tsama attembi” qquen tsu in'jan'fa.
16Ñoa'me sumbie da'chondeccu tsu.
Nane apicha tisema ñoña'sui'ccu fae'ngatssi
qquen in'janqquia'caen sumbi tsu.
Ñoñage'cho tisema ñoña'sunga
“Queja ñama ñoñambi” qquen suya'bi.
Toya'caen apichaja pi'pi'sunga
“Queja apichama pi'piye atesumbi”
qquen suya'bi.
Právě zvoleno:
Isaías 29: con
Zvýraznění
Kopírovat
Porovnat
Sdílet
Chceš mít své zvýrazněné verše uložené na všech zařízeních? Zaregistruj se nebo se přihlas
© 1998, Wycliffe Bible Translators, Inc. All rights reserved.