Isaías 10
10
Israe'su re'ricco toequi jiya'cho
20Tsequi a'ta tsa re'ricco
majan toya Israelni canjen'su,
nane Jacob aindeccu'su
majan ccusha'chondeccuja,
tise'pama patsu'suma ti'tsse
iñajan'faya'bi fuite'suve.
Tsa'ma Na'su, tsa Israel Ño'an Chigama tsu
tise'pama fuite'suve iñajan'faya.
21Nane mapán re'ricco Jacob aindeccu'su
Patsuye'masia Chigave in'jan'an'qque tsu
tisenga toequi ji'faya.
22Que'i Israel aindeccuja, tsain'bitssi qui.
Nane mar'su sisipama agattoye oshambiqquia'caen
que'ima ja'ño agattoye oshambi.
Tsa'ma que'i egae tsincon'choma attepa
23Na'su, Osha'choma Oshacho'choja, que'ima sefaeña'cho
qquen su'ta tsa'cantsse tsu tsoña.
Nane que'ima sefaeñe qquen su'ta
tsu pa'cco Israel andema tsa'caen tsoña.
Tsa'ma re'ricco tsu ccushapa
ccase toequi Na'sunga ji'faya.
Právě zvoleno:
Isaías 10: con
Zvýraznění
Kopírovat
Porovnat
Sdílet
Chceš mít své zvýrazněné verše uložené na všech zařízeních? Zaregistruj se nebo se přihlas
© 1998, Wycliffe Bible Translators, Inc. All rights reserved.