1 Makabisi 7
7
Mwaami Demetiliyasi mbwaakanyumfwana abaJuda babiibi
1Mucaaka ca 151 Demetiliyasi, mwanaakwe Seleyukusi, wakanyamuka kuswa kuLoma, wakasubuka lweenge pantu pomwi abantu baniini akushika mundabala imwi ya mulweenge ulo. Peenka apo wakatalika kulela. 2Ciindi ndyaakenjila muŋanda yabwaami bwabashali bakwe, likoto lyabeshilumamba bakwe bakacata Antyokusi aLisiyasi akubaleta kuli nguwe. 3Lakwe ndyaakanyumfwa makani aya wakaamba ayi, “Nshisuni kubabona mumeenso bantu abo.” 4Aboobo beshilumamba bakwe bakabacaya, lyalo Demetiliyasi wakaba mwaami.
5Kuswawaawo kwakesa bene Isilaeli bantu babiibi bakaka kulambila Lesa. Mutanjilili wabo wakalinga Alikumusi, uyo wakalinga kusuni kuba munene wabapailishi. 6Bantu aba bakatalika kubekesha mushobo wabo pameenso a mwaami, akunokwaamba ayi, “Judasi abamakwabo bakacaya babyaanu boonse, alimwi batutandaanya swebo mucishi cesu. 7Aboobo amutume muntu ngomushoma aye akabone isho shibiibi Judasi shakacita, ashakacitila cishi canu. Lyalo akapekwe mulandu pantu pomwi abeshikumucafwa.”
8Pababye boonse mwaami wakasala Bakidesi, mweendeleshi wacipansha ca cishi petala lya mulonga, muntu upukite mucishi alimwi ushomeka. 9Wakatumwa pantu pomwi aAlikumusi ngwaakabika kuba mupailishi munene wabapailishi boonse akumwaambila ayi abooshe cishole kubaJuda. 10Bantu aba bakanyamuka alikoto linene lyabeshilumamba akuya mukushika ku Juda. Bakatuma nkombe yakubeca kuli Judasi abamakwabo shakwaamba maswi aluumuno. 11Sombi abo, ndibakabona ayi besa alikoto linene lyabeshilumamba, tabakwe kwashoma maswi abo.
12Sombi bafundishi bamulawo bamwi bakesa kuli Alikumusi alimwi a Bakidesi kwisa mukunyumfwana cipangano cibeelete. 13Bene Asideya mbobakatanguna kusenga luumuno pakati kabene Isilaeli. 14Bakaamba ayi, “Kwesa mupailishi umwi wamumukowa wakwe Aloni, wesa a likoto lyabeshilumamba. Sombi taakwe kutucitila shibiibi.” 15Mupailishi uyo wakaamba maswi aluumuno, akulumbila cakushomesha ayi, “Tatusuni kumucita mwebo nabi babyaanu sobwe.” 16Peenka balo bakamunyumfwila, sombi lakwe wakacata bantu bali makumi osanwe alyomwi palimbabo, akupingula ayi bacaikwe pabushiku bomwi. Aboobo maswi aLesa akacitika, akwaamba ayi,
17“Bakasowa mituntu yabasebenshi banu poonse poonse
bakatila bulowa bwabo pali poonse
kushinguluka Jelusalemu,
lyalo kwakabula ucaala ayi
akonshe kubika mitintu yabo mushuumbwe.”
18Lyalo bantu boonse bakatalika kubaloonda, akututuma. Bakaamba ayi, “Bantu aba tabaambi lushinisho alimwi tabaciti shiluleme, amubone mbwatyola cipangano alimwi asheesho shoonse shobakalumbila cakushomesha.”
19Bakidesi wakaswaako kuJelusalemu, akuya mukuyaka misumba yakwe kuBeti Saiti. Wakatuma beshilumamba bakwe ayi bakacate bantu baanji abo bakamucica, abamwibo boonse. Wakabacaya, akuwaala mituntu yabo mucinkanda. 20Bakidesi wakashiila Alikumusi mulimo wakulela cishi, wakamupa beshilumamba beshikumucafwa. Ndyaakamana wakaboolela kumwaami.
21Alikumusi wakakeelesha kulibika munene wabapailishi. 22Boonse balya bakalinga kuleta shimfulunganya pakati kabantu, bakesa mukubungana kuli nguwe. Wakabwesa cishi coonse ca Juda, akucita shibiibi shiinji mucishi coonse cabene Isilaeli. 23Judasi wakanyumfwa shibiibi shoonse Alikumusi ababye shobakacitila bene Isilaeli. Shibiibi isho shakeendaawo kubica kwiinda shabatashomi. 24Aboobo wakeendela cishi coonse ca Judasi, akubooshesha bubi kulibaabo bakashuka, akukasha bantu kuya cendeenda uku akooku mucishi.
25Alikumusi ndyaakabona ayi Judasi ababye batooya ciba ankusu, wakashiba ayi tutokwalilwa kubakoma, aboobo wakaboolela kumwaami, akuya mukubabekesha.
Judasi mbwakakoma Nikano
26Pesule lyasheeshi mwaami wakeeta Nikano, umwi wabasebenshi bakwe bapukite, akumwaambila ayi akanyonyoole baJuda. Musankwa uyu wakalinga mulwani upatite bene Isilaeli abuumbi. 27Ndyaakashika kuJelusalemu a likoto linene lyabeshilumamba licishi kulwana, Nikano wakatuma nkombe kuli Judasi abamakwabo ayi eeleshe kubabeca amaswi aluumuno. 28Wakaamba ayi, “Patabi kulwana pakati kanu anebo. Nebo toosa kuli ndimwe abantu baniinibo kwaamba ayi tubonane meenso ameenso muluumuno.” 29Ono wakesa kuli Judasi, lyalo bakabonana aakwe muluumuno, sombi mulushinisho bantu aba bakalinga kusuni kucata Judasi. 30Ndyaakeshiba mbwaakalinga kuyeeya Nikano mukwisa kwakwe, Judasi wakaloonda, lyalo wakakaka kukumanaakwe. 31Ono Nikano ndyaakabona ayi miyeeyo yakwe yeshibwa, wakanyamuka akuya mukulwana a Judasi. Wakatalika kulwana anguwe pafwaafwi aKafasalama. 32Munkondo yeenka iyi bantu bali 500 bakwe Nikano bakacaikwa, lyalo bamwi bakacicila ku ndabala yakwe Defedi.
Shiloondesha mboshakawita Ŋanda yakwe Lesa
33Kuswawaawo Nikano wakatanta Kalundu kaSiyoni. Bapailishi bamwi bakaswa muŊanda yakwe Lesa, pantu pomwi abacinenenene bamwi, kwaamba ayi bakamutambule muluumuno akumubonesha milambu yakutenta iyo njebakalinga kupailila mwaami. 34Sombi lakwe wakabatukana, wababisha bisha pakulambila kwabo, akwaamba camusebaanya. 35Mubukali wakalumbila akwaamba ayi, “Na teshi mwaabe Judasi alikoto lyakwe lyabeshilumamba mumaansaangu, ncakwiila nankaboolele, ndaakumana kukoma, ndakwiitenta Ŋanda iyi.” Aboobo wakaya kakalalite abuumbi. 36Lyalo bapailishi bakenjila muŊanda yakwe Lesa akwiimikana pafwaafwi acipaililo, bakatalika kulila misonshi ayi,
37“O Mwaami, Lesa, ndiwe wakasala Ŋaŋda iyi
kwaamba ayi iitwe liina lyako,
kwaamba ayi ibe yakupaililaamo
a kulambilaamo bantu bako.
38Aboobo uboosheshe muntu uyo
a likoto lyakwe lyabeshilumamba bacaikwe a mupeeni.
Ibaluka maswi abo akukusebaanya,
ono utabaleki kwaamba ayi babe abuumi.”
39Nikano wakaswaako kuJelusalemu akuya mukuyaka misumba pafwaafwi aBeti Oloni, lyalo likoto lyabeshilumamba bene Silya bakesa mukupangana anguwe. 40Alakwe Judasi wakayaka misumba ya nkondo pafwaafwi aku Adasa, wakalinga kucite bantu bali 3,000. Lyalo wakapaila ayi,
41“Ciindi mwaami waku Asilya ndyaakatuma bantu kwisa mukukusebaanya webo O Mwaami Lesa, munjelo wako wakesa akucaya beshilumamba bakwe bakalinga 185,000. 42Bweenka ubo sunu unyonyoole likoto ili lya balwani pameenso esu, kwaamba ayi boonse beshibe ayi Nikano uyu wakatukana Ŋanda yako Isalalite mukwaamba kwakwe, aboobo umupenshe lakwe kweelana ashibiibi shakwe.”
43Pabushiku bwa 13 mumweenshi wa Ada, beshilumamba boonse bakatalika kulwana, lyalo likoto lyabeshilumamba bakwe Nikano bakakomwa abaJuda. Nikano ngowakalinga mutaanshi kucaikwa munkondo iyi, bakasowa shilwanyo shabo, akucica. 44Lyalo bashilumamba ndibakabona ayi wafwa bakasowa shakulwanisha shabo shoonse akucica. 45Juda bakabakonkela mushinso wabushiku bomwi, kuswa ku Adasa akuya mukushika kufwaafwi kuGesa, kabaya bulisha mapeenga cankusu. 46Bantu boonse bekala mumishi iyo ya Juda ili pafwaafwi amusena uyo bakaswa akushinguluka beshikucica. Balwani abo bakeelesha kuboolela mwisule, sombi bakacaikwa abeshilumamba bakalinga kubakonkela pesule amupeeni, kwakubula nabi womwi wakapuluka. 47Bakasaala buboni a shakulya shabo. Bakasutula mutwi wakwe Nikano alyaansa lyakululyo, ilyo ndyobakatandabika camusebaanya. Bakashileta akushaanjika pacisamu kufwaafwi a ndabala ya Jelusalemu. 48Bantu boonse bakakondwa akusangalala abuumbi, aboobo bushiku ubo bwakaba bushiku bunene bwakukondwa akusekelela. 49Lyalo bakasala bushiku ubo ayi bunokwibalukwa mwaaka uliwoonse pa 13 mumweenshi wa Ada. 50Kuswawaawo cishi ca muJuda cakaba aluumuno kwa ciindi ciniinibo.
Právě zvoleno:
1 Makabisi 7: BBBLI
Zvýraznění
Kopírovat
Porovnat
Sdílet
Chceš mít své zvýrazněné verše uložené na všech zařízeních? Zaregistruj se nebo se přihlas
Lenje Bible with Deuterocanon © Bible Society of Zambia, 2003.
1 Makabisi 7
7
Mwaami Demetiliyasi mbwaakanyumfwana abaJuda babiibi
1Mucaaka ca 151 Demetiliyasi, mwanaakwe Seleyukusi, wakanyamuka kuswa kuLoma, wakasubuka lweenge pantu pomwi abantu baniini akushika mundabala imwi ya mulweenge ulo. Peenka apo wakatalika kulela. 2Ciindi ndyaakenjila muŋanda yabwaami bwabashali bakwe, likoto lyabeshilumamba bakwe bakacata Antyokusi aLisiyasi akubaleta kuli nguwe. 3Lakwe ndyaakanyumfwa makani aya wakaamba ayi, “Nshisuni kubabona mumeenso bantu abo.” 4Aboobo beshilumamba bakwe bakabacaya, lyalo Demetiliyasi wakaba mwaami.
5Kuswawaawo kwakesa bene Isilaeli bantu babiibi bakaka kulambila Lesa. Mutanjilili wabo wakalinga Alikumusi, uyo wakalinga kusuni kuba munene wabapailishi. 6Bantu aba bakatalika kubekesha mushobo wabo pameenso a mwaami, akunokwaamba ayi, “Judasi abamakwabo bakacaya babyaanu boonse, alimwi batutandaanya swebo mucishi cesu. 7Aboobo amutume muntu ngomushoma aye akabone isho shibiibi Judasi shakacita, ashakacitila cishi canu. Lyalo akapekwe mulandu pantu pomwi abeshikumucafwa.”
8Pababye boonse mwaami wakasala Bakidesi, mweendeleshi wacipansha ca cishi petala lya mulonga, muntu upukite mucishi alimwi ushomeka. 9Wakatumwa pantu pomwi aAlikumusi ngwaakabika kuba mupailishi munene wabapailishi boonse akumwaambila ayi abooshe cishole kubaJuda. 10Bantu aba bakanyamuka alikoto linene lyabeshilumamba akuya mukushika ku Juda. Bakatuma nkombe yakubeca kuli Judasi abamakwabo shakwaamba maswi aluumuno. 11Sombi abo, ndibakabona ayi besa alikoto linene lyabeshilumamba, tabakwe kwashoma maswi abo.
12Sombi bafundishi bamulawo bamwi bakesa kuli Alikumusi alimwi a Bakidesi kwisa mukunyumfwana cipangano cibeelete. 13Bene Asideya mbobakatanguna kusenga luumuno pakati kabene Isilaeli. 14Bakaamba ayi, “Kwesa mupailishi umwi wamumukowa wakwe Aloni, wesa a likoto lyabeshilumamba. Sombi taakwe kutucitila shibiibi.” 15Mupailishi uyo wakaamba maswi aluumuno, akulumbila cakushomesha ayi, “Tatusuni kumucita mwebo nabi babyaanu sobwe.” 16Peenka balo bakamunyumfwila, sombi lakwe wakacata bantu bali makumi osanwe alyomwi palimbabo, akupingula ayi bacaikwe pabushiku bomwi. Aboobo maswi aLesa akacitika, akwaamba ayi,
17“Bakasowa mituntu yabasebenshi banu poonse poonse
bakatila bulowa bwabo pali poonse
kushinguluka Jelusalemu,
lyalo kwakabula ucaala ayi
akonshe kubika mitintu yabo mushuumbwe.”
18Lyalo bantu boonse bakatalika kubaloonda, akututuma. Bakaamba ayi, “Bantu aba tabaambi lushinisho alimwi tabaciti shiluleme, amubone mbwatyola cipangano alimwi asheesho shoonse shobakalumbila cakushomesha.”
19Bakidesi wakaswaako kuJelusalemu, akuya mukuyaka misumba yakwe kuBeti Saiti. Wakatuma beshilumamba bakwe ayi bakacate bantu baanji abo bakamucica, abamwibo boonse. Wakabacaya, akuwaala mituntu yabo mucinkanda. 20Bakidesi wakashiila Alikumusi mulimo wakulela cishi, wakamupa beshilumamba beshikumucafwa. Ndyaakamana wakaboolela kumwaami.
21Alikumusi wakakeelesha kulibika munene wabapailishi. 22Boonse balya bakalinga kuleta shimfulunganya pakati kabantu, bakesa mukubungana kuli nguwe. Wakabwesa cishi coonse ca Juda, akucita shibiibi shiinji mucishi coonse cabene Isilaeli. 23Judasi wakanyumfwa shibiibi shoonse Alikumusi ababye shobakacitila bene Isilaeli. Shibiibi isho shakeendaawo kubica kwiinda shabatashomi. 24Aboobo wakeendela cishi coonse ca Judasi, akubooshesha bubi kulibaabo bakashuka, akukasha bantu kuya cendeenda uku akooku mucishi.
25Alikumusi ndyaakabona ayi Judasi ababye batooya ciba ankusu, wakashiba ayi tutokwalilwa kubakoma, aboobo wakaboolela kumwaami, akuya mukubabekesha.
Judasi mbwakakoma Nikano
26Pesule lyasheeshi mwaami wakeeta Nikano, umwi wabasebenshi bakwe bapukite, akumwaambila ayi akanyonyoole baJuda. Musankwa uyu wakalinga mulwani upatite bene Isilaeli abuumbi. 27Ndyaakashika kuJelusalemu a likoto linene lyabeshilumamba licishi kulwana, Nikano wakatuma nkombe kuli Judasi abamakwabo ayi eeleshe kubabeca amaswi aluumuno. 28Wakaamba ayi, “Patabi kulwana pakati kanu anebo. Nebo toosa kuli ndimwe abantu baniinibo kwaamba ayi tubonane meenso ameenso muluumuno.” 29Ono wakesa kuli Judasi, lyalo bakabonana aakwe muluumuno, sombi mulushinisho bantu aba bakalinga kusuni kucata Judasi. 30Ndyaakeshiba mbwaakalinga kuyeeya Nikano mukwisa kwakwe, Judasi wakaloonda, lyalo wakakaka kukumanaakwe. 31Ono Nikano ndyaakabona ayi miyeeyo yakwe yeshibwa, wakanyamuka akuya mukulwana a Judasi. Wakatalika kulwana anguwe pafwaafwi aKafasalama. 32Munkondo yeenka iyi bantu bali 500 bakwe Nikano bakacaikwa, lyalo bamwi bakacicila ku ndabala yakwe Defedi.
Shiloondesha mboshakawita Ŋanda yakwe Lesa
33Kuswawaawo Nikano wakatanta Kalundu kaSiyoni. Bapailishi bamwi bakaswa muŊanda yakwe Lesa, pantu pomwi abacinenenene bamwi, kwaamba ayi bakamutambule muluumuno akumubonesha milambu yakutenta iyo njebakalinga kupailila mwaami. 34Sombi lakwe wakabatukana, wababisha bisha pakulambila kwabo, akwaamba camusebaanya. 35Mubukali wakalumbila akwaamba ayi, “Na teshi mwaabe Judasi alikoto lyakwe lyabeshilumamba mumaansaangu, ncakwiila nankaboolele, ndaakumana kukoma, ndakwiitenta Ŋanda iyi.” Aboobo wakaya kakalalite abuumbi. 36Lyalo bapailishi bakenjila muŊanda yakwe Lesa akwiimikana pafwaafwi acipaililo, bakatalika kulila misonshi ayi,
37“O Mwaami, Lesa, ndiwe wakasala Ŋaŋda iyi
kwaamba ayi iitwe liina lyako,
kwaamba ayi ibe yakupaililaamo
a kulambilaamo bantu bako.
38Aboobo uboosheshe muntu uyo
a likoto lyakwe lyabeshilumamba bacaikwe a mupeeni.
Ibaluka maswi abo akukusebaanya,
ono utabaleki kwaamba ayi babe abuumi.”
39Nikano wakaswaako kuJelusalemu akuya mukuyaka misumba pafwaafwi aBeti Oloni, lyalo likoto lyabeshilumamba bene Silya bakesa mukupangana anguwe. 40Alakwe Judasi wakayaka misumba ya nkondo pafwaafwi aku Adasa, wakalinga kucite bantu bali 3,000. Lyalo wakapaila ayi,
41“Ciindi mwaami waku Asilya ndyaakatuma bantu kwisa mukukusebaanya webo O Mwaami Lesa, munjelo wako wakesa akucaya beshilumamba bakwe bakalinga 185,000. 42Bweenka ubo sunu unyonyoole likoto ili lya balwani pameenso esu, kwaamba ayi boonse beshibe ayi Nikano uyu wakatukana Ŋanda yako Isalalite mukwaamba kwakwe, aboobo umupenshe lakwe kweelana ashibiibi shakwe.”
43Pabushiku bwa 13 mumweenshi wa Ada, beshilumamba boonse bakatalika kulwana, lyalo likoto lyabeshilumamba bakwe Nikano bakakomwa abaJuda. Nikano ngowakalinga mutaanshi kucaikwa munkondo iyi, bakasowa shilwanyo shabo, akucica. 44Lyalo bashilumamba ndibakabona ayi wafwa bakasowa shakulwanisha shabo shoonse akucica. 45Juda bakabakonkela mushinso wabushiku bomwi, kuswa ku Adasa akuya mukushika kufwaafwi kuGesa, kabaya bulisha mapeenga cankusu. 46Bantu boonse bekala mumishi iyo ya Juda ili pafwaafwi amusena uyo bakaswa akushinguluka beshikucica. Balwani abo bakeelesha kuboolela mwisule, sombi bakacaikwa abeshilumamba bakalinga kubakonkela pesule amupeeni, kwakubula nabi womwi wakapuluka. 47Bakasaala buboni a shakulya shabo. Bakasutula mutwi wakwe Nikano alyaansa lyakululyo, ilyo ndyobakatandabika camusebaanya. Bakashileta akushaanjika pacisamu kufwaafwi a ndabala ya Jelusalemu. 48Bantu boonse bakakondwa akusangalala abuumbi, aboobo bushiku ubo bwakaba bushiku bunene bwakukondwa akusekelela. 49Lyalo bakasala bushiku ubo ayi bunokwibalukwa mwaaka uliwoonse pa 13 mumweenshi wa Ada. 50Kuswawaawo cishi ca muJuda cakaba aluumuno kwa ciindi ciniinibo.
Právě zvoleno:
:
Zvýraznění
Kopírovat
Porovnat
Sdílet
Chceš mít své zvýrazněné verše uložené na všech zařízeních? Zaregistruj se nebo se přihlas
Lenje Bible with Deuterocanon © Bible Society of Zambia, 2003.