ዬሱሲ ኪቴዳዋንቱ ኦሱዋ 12

ዎሳ ጎሌን ዎልቃማ ኢታ ዬዴሳይ ዶሜዳ

1ካቲያ ሄሮዲሴ #12፡1 ሄሮዲሳ፡ ሃዋ ጉሳይ ሄሮዲሴ ኣግሪጳ ኮይሩዋ ጊዲዴ፥ ፓሌስቲኔ ጊያ ጋዲያ ኡባ ሞዲያዋ። ሄዌኔካ ዎጋ ሄሮዲሴ ሄዜ ዬሌታ። ሄ ዎዴ ዎሳ ጎሌ ኣሳፔ ኣማሬዳዋንታ ዋዪሱዋ ዶሜዳ። 2ዮሃኒሳ ኢሻ ያዪቆባ ማሻን ዎሴዳ። 3ሄዌ ኣዪሁዳቱዋ ናሼቼዳዋ ቤዒዴ፥ ጉጂ ጴፂሮሳካ ኦይቄዳ፤ ሄዌ ማጋጌ ኡኪ ባላ ቦንቺያ ጋላሳቱዋና። 4ጴፂሮሳ ኦይቂዴ ቃቼዳ። ፓሲጋ ባላ ቦንቺያ ጋላሳቱዋፔ ጉዪያን፥ ጋዴ ኣሳ ሲን ኣናው ቆፒዴ፥ ኦይዱ ኦይዱ ዎታዳራቱ ኣ ናጋናዳን፥ ታማኔ ኡሱፑን ዎታዳራቱዋሲ ኣዴ ኢሜዳ። #ኬስ 12፡1-27 5ሄዋ ዲራው፥ ጴፂሮሲ ቃሾ ጎሊያን ናጌቴ፤ ሺን ዎሳ ጎሌ ኣሳይ ኣው ሚኒሲዴ ፆሳ ዎሴ።

ኪታንቻይ ጴፂሮሳ ቃሾ ጎሌፔ ኬሴዳ

6ሄሮዲሴ ጴፂሮሳ ኣሳ ሲን ኣናው ቆፓናፔ ካሴ ቃማ፥ ጴፂሮሲ ላዑ ሳንላታን ቃሼቲዴ፥ ላዑ ዎታዳራቱዋፔ ጊዱዋን ጌሚዒሼዳ፤ ናጊያዋንቱካ ቃሾ ጎሌ ፔንጊያን ኤቂዴ ናጊኖ። 7ኣኬኬናን ዴዒሺን፥ ጎዳ ኪታንቻይ ሄዋን ኤቂ ኣጌዳ፤ ቃሾ ጎሌንካ ፖዑ ፖዒ ኣጌዳ። ኪታንቻይ ጴፂሮሳ ሚዪያ ዴቺ ቤጎዴ ኣ፥ «ኤሌ ዴንዳ» ያጌዳ፤ ሄ ማንዒያንካ ሳንላታይ ኣ ኩሺያፔ ዎ ኣጌዳ። 8ኪታንቻይ ኣ፥ «ኔ ሱሪያ ዳንጫ፤ ኔ ጫማካ ዎ» ያጊና፥ ጴፂሮሲ ሄዋዳን ኦዳ፤ ኪታንቻይ፥ «ኔ ማዩዋ ማያዴ ታና ካላ» ያጌዳ።

9ጴፂሮሲ ቃሾ ጎሊያፔ ኬሲዴ፥ ኪታንቻ ካሌዳ፤ ኣው ሳፃ ቤዒያዋ ማላቴዳፔ ኣቲን፥ ኪታንቻይ ኦያባይ ቱማ ጊዴዳዋ ኤሪቤና። 10ኪታንቻይኔ ጴፂሮሲ ኮይሮ ዎታዳራፔኔ ላዔን ዎታዳራፔ ኣዴ፥ ካታማ ኣፊያ ቢራታ ፔንጊያኮ ጋኬዲኖ፤ ፔንጊካ ኡንቱንቶ ባሬካ ዶዬቲ ኣጌዳ፤ ኡንቱንቱ ኬሲዴ ኢቲ ኦጊያና ቢሺን፥ ኪታንቻይ ኤሌካ ጴፂሮሳፔ ሻኬቲ ኣጌዳ።

11ጴፂሮሲ ባሬና ጋኬዳባ ኣኬኪዴ፥ «ታና ጎዳይ ባሬ ኪታንቻ ኪቲዴ፥ ሄሮዲሳ ኩሺያፔኔ ኣዪሁዳ ኣሳይ ናጊ ኡቴዳ ኡባባፔ ኣሼዳዋ ሃዒ ቱሙ ኤራዲ» ያጌዳ።

12ኢ ሄዋ ኣኬኬዳ ዎዴ፥ ጮራ ኣሳይ ኢቲፔ ሺቂዴ ፆሳ ዎሲያሳ፥ ማርቆሳ ጊያ ዮሃኒሳ ዳዪ ማይራሚ ሶይ 13ቢዴ ፔንጊያን ፄሲና፥ ኢቲ ሮዶ ጊያ ኣሺካራታ ዶያናው ያዱ። 14ሮዳ ጴፂሮሳ ቃላ ጊዴዳዋ ኤሬዳ ዎዴ፥ ባሬና ናሼቺና፥ ፔንጊያ ዶዬናን ጉዬ ዎፃዴ፥ ጴፂሮሲ ካሬን ኤቄዳዋ ኣሳሲ ኦዳዱ።

15ኣሳይ ኢዞ፥ «ሃኔ፥ ኔኒ ጎያ» ያጌዳ። ሮዳ ጴፂሮሳ ጊዴዳዋ ጌሻዴ ኦዳዱ። ኡንቱንቱ፥ «ሄዌ ኣ ኪታንቻ» #12፡15 ኣ ኪታንቻ፡ ኣ ናጊያ ኪታንቻ ጊዴናን ኣጌና ጉሳ። ያጌዲኖ።

16ሺን ጴፂሮሲ ካሬን ፄሲዴ ኣጌናን ኢፂና፥ ኣሳይ ካሪያ ዶዪ፥ ኣ ቤዒዴ ማላሌቴዲኖ። 17ሺን ኡንቱንቱ ጮዑ ጋና ማላ፥ ጴፂሮሲ ባሬ ኩሺያን ፆርሲዴ፥ ጎዳይ ቃሾ ጎሊያፔ ኣ ዎቲ ኬሴዴንቶ፥ ኡንቱንቶ ቆንጪሲ ኦዲዴ፥ «ሃዋ ያዪቆባሲኔ #12፡17 ያዪቆባ፡ ጎዳ ኢሻ። ኢሻቱዋሲ #12፡17 ኢሻቱዋሲ፡ ኣማኒያ ሃራቱዋሲ። ኦዲቴ» ጊዴ፥ ኬሲ ሃራሳ ቤዳ።

ሄሮዲሳ ሃይቁዋ

18ሳዓይ ዎንቴዳ ዎዴ፥ ጴፂሮሲ ሃቃ ቢዲጌዴንቶ ጊና ዎታዳራቱዋ ጊዶን ዳሮ ዋላሳይ ኬሴዳ። 19ሄሮዲሴ ጴፂሮሳ ኮዪሺን፥ ኢ ዬዳ ዎዴ፥ ናጊያዋንታ ቆሪዴ፥ ኡንቱንታ ዎና ማላ ኣዛዜዳ፤ ሄዋፔ ጉዪያን፥ ዪሁዳፔ ቂሳሪያ ዎዴ፥ ሄዋን ኣማሬዳ ዎዲያ ኡቴዳ።

20ሄሮዲሴ ፂሮሳ ኣሳሲኔ ሲዶና ኣሳሲ ሎይ ሃንቄቴዳ፤ ኡንቱንቱ ጋዴ ኣሳይ ካ ሄሮዲሳ ጋዴ ኣሳፔ ዴሚያ ዲራው፥ ኡንቱንቱ ኢቲፔ ጊዲዴ፥ ኣ ጎሊያ ካፑዋ ቢላስፆሳ ባሬንቱ ባጋ ኦዴ፥ ሲጌታና ማላ ዎሳናው ሄሮዲሳኮ ቤዲኖ።

21ሄሮዲሴ ሱንቴዳ ጋላሲ፥ ባሬ ካዉቴ ማዩዋ ማዪዴ፥ ካዉቴ ኦይዲያን ኡቲዴ፥ ኣሳሲ ሃሳዬዳ። 22ኣሳይ፥ «ሃዌ ፆሳ ቃላ፤ ኣሳ ቃላ ጊዴና» ያጊዴ ኮሻ ቂሲዴ ሃሳዬዳ። 23ሄሮዲሴ ፆሳ ቦንቺቤና ዲራው፥ ሄ ማንዒያንካ ጎዳ ኪታንቻይ ኣ ዴቺና፥ ጉፁኒያን ሜቴቲዴ፥ ሃይቂ ኣጌዳ።

24ሺን ፆሳ ቃላይ ዲጬኔ ዳር ዳር ቤ።

25ባርናባሲኔ ሳዖሊ ባሬንቱ ኦሱዋ ፖሊዴ፥ ማርቆሳ ጊያ ዮሃኒሳ ባሬንቱና ኣኪዴ፥ ዬሩሳላሜፔ ሲሜዲኖ።

Právě zvoleno:

ዬሱሲ ኪቴዳዋንቱ ኦሱዋ 12: dwrENT

Zvýraznění

Kopírovat

Porovnat

Sdílet