Mr 7
7
A tas tz'a'n juwc 'el qui nab'enec
(Mt 15.1-20)
1'Ay jun tzo'n̈ ewin fariseo, yet' jaywn̈ ewin cuywjum 'a ley yic Moisés, 'ix cot ewin 'a Jerusalén, syamn sb'a ewin 'a 'aj 'ayc' Jesús. 2'Ix yiln ewinac to a eb' scuywum Jesús, man̈ 'icha'oc wal yaj sley ewinac, man̈ 'ichcta tzyutj eb' sb'icn sc'ab' yic tzwa eb'. Palta tzcan eb' yet' sc'ab' chi 'a sat ewinac. Yuj cha, xyaln ewinac to maysch'olnil eb'. 3Yujto a ewin fariseo yet' smasnil jun tzo'n̈ xo eb' israel, an̈j sb'eyb'al smam yichm eb' tzb'eylb'ej, toto matz b'icl eb' sc'ab' 'icha tzyal sb'eyb'al cha, toxn matz wa eb'. 4Ax yic tzlaj paxt eb' 'a plas, matz laj wa eb', masnto tzmixn̈j eb' 'icha tzyal jun sb'eyb'al eb' cha. Til to wal jun tzo'n̈ xo tas tzlaj sb'eylb'oc eb', 'icha tzb'icl eb' svaso, xalu, yet' jun tzo'n̈ q'uen yamc'ab' yic wa'el, tzju'n pax eb' swaynub'. 5Yuj cha, a ewin fariseo yet' ewin cuywjum 'a ley yic Moisés, 'ix yaln ewin 'a Jesús 'ixtic:
—¿Tas yuj matz b'eylb'ej eb' a cuywum jun tzo'n̈ sb'eyb'al qui mam quichmec? 'In caw palta tzcan eb' yet' sc'ab' yic tzwa eb', xchi ewinac.
6Yuj cha, xyaln Jesús 'ixtc 'a ewinac:
—Ax tic, caw chab'sat ex, yel ton tas yaljnac can Isaías eyu'uj, yic stz'ib'n can 'ixtic:
A eb' 'anma tic, tzcob' yal eb' to 'ay wel'ch 'a sat eb', palta ax snab'en eb' caw najt yajl 'ayin.
7Nab'an̈ej tzcob' yal sb'a eb' 'ayin, palta cojn jun tzo'n̈ checnb'il tzlaj spitz chan̈ eb' 'anma', a chi tzyac' eb' cuyxoc, xchi Dios 'a Ch'an̈ U'un̈.
8Yujto ax tic, xeyactj can schecnb'il Dios, sec wach' an̈j jun tzo'n̈ sb'eyb'al e mam eyichm tze b'eylb'ej. [An̈j jun tzo'n̈ e xalu tze b'icli, yet' jun tzo'n̈ e vaso, til to wal jun tzo'n̈ xo tas tze b'o 'icha jun tzo'n̈ tic.]
9—Ton̈j tzeyixtj 'el schecnb'il Dios, sec tze b'eylb'ej jun tzo'n̈ sb'eyb'al qui mam quichmec.
10Yaljnac can Moisés 'ixtic: 'Ay cab' yel'ch e mam e nun 'a e sat, a mach tzb'aj smam snun, yowlal tzchami, xchi. 11Palta ax xo tic, tzeyala to man̈ yowlalc tzcolwj junc mach 'a smam snun. Toto 'ay junc mach tzaln 'ixtc 'a smam snun: Matz tac' tzin colwj 'ayex, yujto jantcn̈ej tas 'ay 'ayin, yicn̈ej Dios yaji, toto xchi, caw wach' tzeyab'i. 12Toto 'ay mach tzaln 'ixta', ax xo tic tzeyala, to man̈x yowlalc tzcolwj 'a smam snun cha. 13'Ixta tzeyutj eyixtn 'el schecnb'il Dios, an̈j sb'eyb'al qui mam quichmec tzlaj eyac' cuyxoc. Til to wal jun tzo'n̈ xo tas tze b'o 'icha jun tzo'n̈ tic, xchi Jesús 'a ewinac.
14Xlajw cha, 'ix yawtn cot Jesús eb' 'anma chi jun 'ejm xo, 'ix yaln 'a eb' 'ixtic:
—'Ab'xnan̈c 'ayn e masnil, nachj cab' 'el eyu'uj tas 'oj wala'. 15A jun tzo'n̈ tas tz'och 'a qui ti', matz tac' tzon̈ juwc 'el yuj 'a sat Dios, palta a jun tzo'n̈ tas tzcot 'a qui nab'enec, a tzon̈ 'a'n juwc 'eli. 16A jun tzo'n̈ tzeyab' tic, nac wal yuj si'mb'il, xchi 'a eb'.
17Xlajw cha, xyactn can Jesús eb' 'anma cha, 'ix 'och 'a yol n̈a yet' eb' scuywum, 'ix sc'anb'n eb' 'a 'a yuj tas tzyal 'el'ch jun 'ab'x tic. 18'Ix yaln 'ixtc 'a eb':
—¿Tom matz nachj 'el pax eyuj ax tic? ¿Tom man̈ eyojcoc to a tas tz'och 'a qui ti', matz tac' tzon̈ juwc 'el yuj 'a sat Dios? 19'In man̈oc 'a qui nab'enec tzc'ochi, ton̈j tz'ejm 'a yol qui c'ojol, yajn̈ej tz'elx cani, xchi 'a eb'.
'Ixta xyutj yalni, chajtlto jantcn̈ej tas tzc'uxxi, may yowlal yuj Dios. 20Palta xyaln pax junx tic 'a eb':
—A jun tzo'n̈ tas tzcot 'a qui nab'en, a tzon̈ 'a'n juwc 'el 'a sat Dios. 21Yujto a 'a snab'en eb' 'anma tzpitzw jun tzo'n̈ tu nab'enal tic; 'ay eb' 'ayx yistzil tzb'on 'ajmulal, 'ay pax eb' mant 'a yistzil tzb'on eb' 'ajmulal paxi. 'Ay eb' tzmiln cham yit 'anma'il, 22'ay eb' tz'e'lc'wi, 'ay eb' tznib'n 'och tas 'ay 'a junc xo 'anma', 'ay eb' maysch'olnil tzyutj sb'a, 'ay eb' tzyac' 'es, 'ay eb' may sq'uixwel scomn b'on junc tas. 'Ay eb' tzchichn 'och 'a junc mach yuj tas 'ay 'a 'a, 'ay eb' tzcomn b'uchwji, 'ay eb' tzb'an̈ sb'a, 'ay pax eb' maysch'olnil snab'en. 23A jun tzo'n̈ maysch'olnil tic, a 'a snab'en eb' 'anma tzpitzwi, a tz'a'n juwc 'el eb' 'a sat Dios, xchi Jesús.
'Ay jun 'ix 'ix man̈ israeloc*r* ya'jnac 'och sc'ojl 'a Jesús
(Mt 15.21-28)
24Xlajw cha, x'at Jesús 'a jun lugar cha, 'ix c'och 'a yol yic Tiro yet' Sidón, ata x'och wan 'a yol jun n̈a. 'Ix snib'ej to may mach tz'ojcan 'eli toto 'ayc' ta', palta ma'ix stac' sc'ub'n 'el sb'a. 25Ata 'ayc' jun 'ix 'unin, 'aych jun demonio 'a 'a. Ax yic xyab'n snun 'ix to xc'och Jesús ta', yuj cha, x'at 'ix 'a Jesús, 'ix 'em cumn 'ix 'a yojltac sc'ochi. 26A jun 'ix cha, man̈ israeloc, 'aj Sirofenicia 'ix, 'ix tew 'och 'ix 'a Jesús, sec toq'ue tzyij 'el jun demonio 'a 'ix yune 'ix cha. 27Palta xyaln 'a 'ix 'ixtic:
—Wa cab' eb' 'unnab'il b'ab'el, yujto man̈ wach'oc toto tzto'x 'ec' yoch eb', tz'ajx 'a no cotc tz'i', xchi.#Mr 7.27 'Ilt nota 'a Mateo 15.26. 'Ixta xyutj yalni, chajtlto a 'a eb' israel tzb'ab'l 'ajx swach'c'ojlal Dios.
28Palta xta'w 'ix 'ixtc 'a 'a;
—Yel ton Mamin, palta a no cotc tz'i', tzsic' chan̈ no sc'ajl yoch eb' 'unnab'il tz'ejm 'a yaln̈ mexa, xchi 'ix 'a 'a. 29Yuj cha, xyaln pax 'a 'ix 'ixtic:
—A jun xal 'ayn tic, caw wach'. Tztac' tzach pax 'a atut, yujto tox 'ix 'el jun demonio chi 'a 'ix one cha, xchi 'a 'ix.
30Yic 'ix c'ochx 'ix 'a yatut, 'ix yilni c'otn 'ec' 'ix yune 'ix chi 'a sat sch'at. 'Elnc xo jun demonio chi 'a 'ix 'unn cha.
Jacwnac schicn jun win chacan̈
31Yic 'ix 'atx Jesús 'a yol yic Tiro 'aj 'ayc' cha, 'ix 'ec' 'a chon̈b' Sidón, yet' 'a jun tzo'n̈ chon̈b' 'ay 'a Decápolis. Xlajw cha, xjapx 'a sti a mar yic Galilea. 32Ax yic 'ayc' ta', 'ix yi'n cot eb' 'anma jun winc 'a 'a, caw wal chacan̈, matz uj spaxtin pax winac. Xtew 'och eb' 'a Jesús, sec tzaych sc'ab' 'a winac. 33Yuj cha, xyi'n 'elt win 'a scal eb' 'anma cha, 'ix ya'n 'och yune sc'ab' 'a yol schicn win schab'il. Xlajw cha, 'ix stzub'n yune sc'ab', 'ix stzayn 'och 'a yac' winac. 34'Ix q'ue q'ueln 'a satcha'an̈, 'ix jaw sc'ojol. Efata, xchi. Tzyal 'el'chi: Jacw cab' a chiquin, xchi.
35Yajn̈ej, 'ix jacw schicn winac, 'ix b'o pax yac' winac, wach'x spaxtini. 36Xlajw cha, 'ix cham wal yaln pax Jesús 'a eb' 'anma cha, to may 'aj tzyal-l eb' jun cha. Palta ax yic xyaln jun tic 'a eb', yel xo wal swach' alj 'el eb'. 37Caw wal 'ix sat sc'ojl eb', 'ix laj yalnc eb' 'ixtic:
Caw wach' tzyutj sb'on smasnil tas, an̈jtona tzlaj jac schicn eb' chacan̈, tzjaccn pax sti eb' matz uj spaxtini, xchi eb'.
Právě zvoleno:
Mr 7: CSS
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Biblia Chuj San Sebastian © Sociedades Bíblicas Unidas, 1999.
Mr 7
7
A tas tz'a'n juwc 'el qui nab'enec
(Mt 15.1-20)
1'Ay jun tzo'n̈ ewin fariseo, yet' jaywn̈ ewin cuywjum 'a ley yic Moisés, 'ix cot ewin 'a Jerusalén, syamn sb'a ewin 'a 'aj 'ayc' Jesús. 2'Ix yiln ewinac to a eb' scuywum Jesús, man̈ 'icha'oc wal yaj sley ewinac, man̈ 'ichcta tzyutj eb' sb'icn sc'ab' yic tzwa eb'. Palta tzcan eb' yet' sc'ab' chi 'a sat ewinac. Yuj cha, xyaln ewinac to maysch'olnil eb'. 3Yujto a ewin fariseo yet' smasnil jun tzo'n̈ xo eb' israel, an̈j sb'eyb'al smam yichm eb' tzb'eylb'ej, toto matz b'icl eb' sc'ab' 'icha tzyal sb'eyb'al cha, toxn matz wa eb'. 4Ax yic tzlaj paxt eb' 'a plas, matz laj wa eb', masnto tzmixn̈j eb' 'icha tzyal jun sb'eyb'al eb' cha. Til to wal jun tzo'n̈ xo tas tzlaj sb'eylb'oc eb', 'icha tzb'icl eb' svaso, xalu, yet' jun tzo'n̈ q'uen yamc'ab' yic wa'el, tzju'n pax eb' swaynub'. 5Yuj cha, a ewin fariseo yet' ewin cuywjum 'a ley yic Moisés, 'ix yaln ewin 'a Jesús 'ixtic:
—¿Tas yuj matz b'eylb'ej eb' a cuywum jun tzo'n̈ sb'eyb'al qui mam quichmec? 'In caw palta tzcan eb' yet' sc'ab' yic tzwa eb', xchi ewinac.
6Yuj cha, xyaln Jesús 'ixtc 'a ewinac:
—Ax tic, caw chab'sat ex, yel ton tas yaljnac can Isaías eyu'uj, yic stz'ib'n can 'ixtic:
A eb' 'anma tic, tzcob' yal eb' to 'ay wel'ch 'a sat eb', palta ax snab'en eb' caw najt yajl 'ayin.
7Nab'an̈ej tzcob' yal sb'a eb' 'ayin, palta cojn jun tzo'n̈ checnb'il tzlaj spitz chan̈ eb' 'anma', a chi tzyac' eb' cuyxoc, xchi Dios 'a Ch'an̈ U'un̈.
8Yujto ax tic, xeyactj can schecnb'il Dios, sec wach' an̈j jun tzo'n̈ sb'eyb'al e mam eyichm tze b'eylb'ej. [An̈j jun tzo'n̈ e xalu tze b'icli, yet' jun tzo'n̈ e vaso, til to wal jun tzo'n̈ xo tas tze b'o 'icha jun tzo'n̈ tic.]
9—Ton̈j tzeyixtj 'el schecnb'il Dios, sec tze b'eylb'ej jun tzo'n̈ sb'eyb'al qui mam quichmec.
10Yaljnac can Moisés 'ixtic: 'Ay cab' yel'ch e mam e nun 'a e sat, a mach tzb'aj smam snun, yowlal tzchami, xchi. 11Palta ax xo tic, tzeyala to man̈ yowlalc tzcolwj junc mach 'a smam snun. Toto 'ay junc mach tzaln 'ixtc 'a smam snun: Matz tac' tzin colwj 'ayex, yujto jantcn̈ej tas 'ay 'ayin, yicn̈ej Dios yaji, toto xchi, caw wach' tzeyab'i. 12Toto 'ay mach tzaln 'ixta', ax xo tic tzeyala, to man̈x yowlalc tzcolwj 'a smam snun cha. 13'Ixta tzeyutj eyixtn 'el schecnb'il Dios, an̈j sb'eyb'al qui mam quichmec tzlaj eyac' cuyxoc. Til to wal jun tzo'n̈ xo tas tze b'o 'icha jun tzo'n̈ tic, xchi Jesús 'a ewinac.
14Xlajw cha, 'ix yawtn cot Jesús eb' 'anma chi jun 'ejm xo, 'ix yaln 'a eb' 'ixtic:
—'Ab'xnan̈c 'ayn e masnil, nachj cab' 'el eyu'uj tas 'oj wala'. 15A jun tzo'n̈ tas tz'och 'a qui ti', matz tac' tzon̈ juwc 'el yuj 'a sat Dios, palta a jun tzo'n̈ tas tzcot 'a qui nab'enec, a tzon̈ 'a'n juwc 'eli. 16A jun tzo'n̈ tzeyab' tic, nac wal yuj si'mb'il, xchi 'a eb'.
17Xlajw cha, xyactn can Jesús eb' 'anma cha, 'ix 'och 'a yol n̈a yet' eb' scuywum, 'ix sc'anb'n eb' 'a 'a yuj tas tzyal 'el'ch jun 'ab'x tic. 18'Ix yaln 'ixtc 'a eb':
—¿Tom matz nachj 'el pax eyuj ax tic? ¿Tom man̈ eyojcoc to a tas tz'och 'a qui ti', matz tac' tzon̈ juwc 'el yuj 'a sat Dios? 19'In man̈oc 'a qui nab'enec tzc'ochi, ton̈j tz'ejm 'a yol qui c'ojol, yajn̈ej tz'elx cani, xchi 'a eb'.
'Ixta xyutj yalni, chajtlto jantcn̈ej tas tzc'uxxi, may yowlal yuj Dios. 20Palta xyaln pax junx tic 'a eb':
—A jun tzo'n̈ tas tzcot 'a qui nab'en, a tzon̈ 'a'n juwc 'el 'a sat Dios. 21Yujto a 'a snab'en eb' 'anma tzpitzw jun tzo'n̈ tu nab'enal tic; 'ay eb' 'ayx yistzil tzb'on 'ajmulal, 'ay pax eb' mant 'a yistzil tzb'on eb' 'ajmulal paxi. 'Ay eb' tzmiln cham yit 'anma'il, 22'ay eb' tz'e'lc'wi, 'ay eb' tznib'n 'och tas 'ay 'a junc xo 'anma', 'ay eb' maysch'olnil tzyutj sb'a, 'ay eb' tzyac' 'es, 'ay eb' may sq'uixwel scomn b'on junc tas. 'Ay eb' tzchichn 'och 'a junc mach yuj tas 'ay 'a 'a, 'ay eb' tzcomn b'uchwji, 'ay eb' tzb'an̈ sb'a, 'ay pax eb' maysch'olnil snab'en. 23A jun tzo'n̈ maysch'olnil tic, a 'a snab'en eb' 'anma tzpitzwi, a tz'a'n juwc 'el eb' 'a sat Dios, xchi Jesús.
'Ay jun 'ix 'ix man̈ israeloc*r* ya'jnac 'och sc'ojl 'a Jesús
(Mt 15.21-28)
24Xlajw cha, x'at Jesús 'a jun lugar cha, 'ix c'och 'a yol yic Tiro yet' Sidón, ata x'och wan 'a yol jun n̈a. 'Ix snib'ej to may mach tz'ojcan 'eli toto 'ayc' ta', palta ma'ix stac' sc'ub'n 'el sb'a. 25Ata 'ayc' jun 'ix 'unin, 'aych jun demonio 'a 'a. Ax yic xyab'n snun 'ix to xc'och Jesús ta', yuj cha, x'at 'ix 'a Jesús, 'ix 'em cumn 'ix 'a yojltac sc'ochi. 26A jun 'ix cha, man̈ israeloc, 'aj Sirofenicia 'ix, 'ix tew 'och 'ix 'a Jesús, sec toq'ue tzyij 'el jun demonio 'a 'ix yune 'ix cha. 27Palta xyaln 'a 'ix 'ixtic:
—Wa cab' eb' 'unnab'il b'ab'el, yujto man̈ wach'oc toto tzto'x 'ec' yoch eb', tz'ajx 'a no cotc tz'i', xchi.#Mr 7.27 'Ilt nota 'a Mateo 15.26. 'Ixta xyutj yalni, chajtlto a 'a eb' israel tzb'ab'l 'ajx swach'c'ojlal Dios.
28Palta xta'w 'ix 'ixtc 'a 'a;
—Yel ton Mamin, palta a no cotc tz'i', tzsic' chan̈ no sc'ajl yoch eb' 'unnab'il tz'ejm 'a yaln̈ mexa, xchi 'ix 'a 'a. 29Yuj cha, xyaln pax 'a 'ix 'ixtic:
—A jun xal 'ayn tic, caw wach'. Tztac' tzach pax 'a atut, yujto tox 'ix 'el jun demonio chi 'a 'ix one cha, xchi 'a 'ix.
30Yic 'ix c'ochx 'ix 'a yatut, 'ix yilni c'otn 'ec' 'ix yune 'ix chi 'a sat sch'at. 'Elnc xo jun demonio chi 'a 'ix 'unn cha.
Jacwnac schicn jun win chacan̈
31Yic 'ix 'atx Jesús 'a yol yic Tiro 'aj 'ayc' cha, 'ix 'ec' 'a chon̈b' Sidón, yet' 'a jun tzo'n̈ chon̈b' 'ay 'a Decápolis. Xlajw cha, xjapx 'a sti a mar yic Galilea. 32Ax yic 'ayc' ta', 'ix yi'n cot eb' 'anma jun winc 'a 'a, caw wal chacan̈, matz uj spaxtin pax winac. Xtew 'och eb' 'a Jesús, sec tzaych sc'ab' 'a winac. 33Yuj cha, xyi'n 'elt win 'a scal eb' 'anma cha, 'ix ya'n 'och yune sc'ab' 'a yol schicn win schab'il. Xlajw cha, 'ix stzub'n yune sc'ab', 'ix stzayn 'och 'a yac' winac. 34'Ix q'ue q'ueln 'a satcha'an̈, 'ix jaw sc'ojol. Efata, xchi. Tzyal 'el'chi: Jacw cab' a chiquin, xchi.
35Yajn̈ej, 'ix jacw schicn winac, 'ix b'o pax yac' winac, wach'x spaxtini. 36Xlajw cha, 'ix cham wal yaln pax Jesús 'a eb' 'anma cha, to may 'aj tzyal-l eb' jun cha. Palta ax yic xyaln jun tic 'a eb', yel xo wal swach' alj 'el eb'. 37Caw wal 'ix sat sc'ojl eb', 'ix laj yalnc eb' 'ixtic:
Caw wach' tzyutj sb'on smasnil tas, an̈jtona tzlaj jac schicn eb' chacan̈, tzjaccn pax sti eb' matz uj spaxtini, xchi eb'.
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Biblia Chuj San Sebastian © Sociedades Bíblicas Unidas, 1999.