Mr 5
5
A win 'ixtxnac yuj ewin demonio
(Mt 8.28-34; Lc 8.26-39)
1'Ix c'och Jesús yet' eb' scuywum 'a junx sc'axpil 'ec' sti a', 'a yol yic Gerasa. 2Yic wan yelt Jesús 'a yol te barco cha, 'ix cot jun winc 'a campusan, 'ix jaw 'a 'a. A jun winc cha, caw tz'ixtx yuj jun demonio 'aych 'a 'a. 3An̈j 'a 'aj mucn eb' chamnac, an̈jta cajn 'ec' winac. May mach tztac' sjaln 'ejm winac, wach'xam tzjalx yet' cadena, toxn matz tac'a. 4Yujto niwn 'ejm tzjalx 'ejm win yet' q'uen cadena cha, tz'och 'a yoc yet' 'a sc'ab', palta caw choc' tz'aj q'uen sn̈i'chj yuj winac. May junc mach tza'wni syamn 'ejm winac. 5Sc'ual ya'wlil sb'eyc' win 'a 'aj 'ay jun tzo'n̈ witz yet' 'a campusan, caw tz'el yaw winac, tzma'n lajwc sb'a win yet' jun tzo'n̈ q'uen q'ue'en. 6Ax yic xyiln 'at win Jesús 'a najat, 'ix sc'oln win yip s'at 'a 'a, 'ix 'em cumn win 'a yojltac sjawi. 7-8Yuj cha, xyaln Jesús 'ixtic:
—Ach demonio 'eln̈ 'a winac, xchi.
Xlajw cha, caw xq'ue yaw win yaln 'ixtic:
—¿Tas aln ec 'ayn ach Jesús? Ach tic, Yunnal ach Dios niwn yel'chi. Tzin tew 'aych 'a sat Dios, man̈ in extoc, xchi winac.
9Xlajw cha, 'ix sc'anb'n pax Jesús 'ixtc 'a winac:
—¿Tas a b'i? xchi.
—Legión in b'i, yujto niwn qui b'ey on̈, xchi winac.
10Caw xtew 'och win 'a Jesús, sec matz checx 'at ewin demonio chi 'a sti 'el jun lugar cha. 11'Ay jun tzo'n̈ chitm wan swa 'a stz'ey jun tzalan. 12Yuj cha, xtew 'och ewin demonio chi smasnil 'ixtc 'a Jesús:
—Checn̈ can 'at 'a scal e no chitm chi 'on̈, sec a 'a e no tzon̈ 'ochcn on̈, xchi ewinac.
13Ax Jesús, 'ix chan sc'ojl yochcn ewin demonio chi 'a e no'. Yuj cha, x'el ewin 'a winac, ax 'a e no chitm chi x'at 'ochx can ewinac. 'Aym chab'oc mil e no'. 'Ix sjuln 'at sb'a e no smasnil 'a pac'an, 'ix 'atcn e no 'a yojl a mar, c'uxn 'ix jic'w cham e no ta'.
14Ax eb' yilmal e no cha, caw 'ix xiw eb', 'ix 'at eb' 'eloc. 'Ix 'ec' yalnc 'el eb' yab'xil jun chi 'a scal chon̈ab', yet' 'a najat. Yuj cha, xlaj cot eb' 'anma', xwul yilnc eb' tas jun chi 'ix uj cha. 15Yic xjaw eb' 'a 'aj 'ayc' Jesús cha, 'ix yiln eb' a win 'aj 'elnc ewin demonio cha, wocn 'ec' win ta'. 'Ayx 'och spichul, caw wach'x sc'ojol, yuj cha, caw 'ix xiw eb'. 16A eb' x'iln jun tzo'n̈ tas 'ix sb'o Jesús cha, a eb' 'ix aln 'a jun tzo'n̈ xo eb' tzat jawi. C'uxn 'ix yal eb' tas 'ix 'aj win 'aj 'elnc ewin demonio cha, yet' tas x'aj e no chitm cha. 17Yuj cha, 'ix tew eb' 'anma chi 'a Jesús, sec tz'el 'a yol slugar eb' cha.
18Yic 'ix 'ochx Jesús 'a yol barco, ax win 'aj 'elnc ewin demonio cha, 'ix tew 'och win 'a Jesús sec toq'ue tz'atcn win yet'oc. 19Palta xyaln 'ixtc 'a winac:
—Paxn̈ 'a atut 'a 'aj 'ay eb' ecan, tzal 'ixtc 'a eb': Man̈ jantcoc tas 'ix sb'o Cajlil 'ayin, caw x'o'ch sc'ojl 'ayin, xa chi, xchi Jesús 'a winac.
20Yuj cha, x'at winac, 'ix 'ec' win 'a jun tzo'n̈ chon̈b' 'a yol yic Decápolis, c'uxn 'ix yal-l win jantc tas sb'o Jesús 'a winac, yuj cha, caw 'ix sat sc'ojl eb' 'anma chi smasnil yuj winac.
A 'ix yisl Jairo, yet' junx 'ix ya'ay
(Mt 9.18-26; Lc 8.40-56)
21Xlajw cha, 'ix paxx 'ec' Jesús 'a junx sc'axpil 'ec' a a 'aj 'ix coti. Ax yic 'ix c'ochx 'a sti a cha, til wal 'anma 'ix syam sb'a ta'. 22'Ix jaw jun winc Jairo sb'i, yajl yaj 'a jun capiya. Yic 'ix yiln win Jesús, 'ix 'em cumn win 'a yojltac, 23caw 'ix tew 'och win 'a 'a, 'ix yaln win 'ixtic:
—Caw jab'xoj pitzn jun wisil, con̈ wet'oc, tz'at a tzaych a c'ab' 'a 'unix, sec 'oj b'oxoc, yic wach' ma'oj chamoc, xchi win 'a 'a.
24Yuj cha, x'at Jesús yet' winac, til wal 'anma x'at yet'oc, caw witz'n s'at yet' eb' 'a yol b'e. 25Palta 'ay jun 'ix, 'ayx slajchwil ab'il xo caw tzcham 'ix yuj a a tz'el 'a 'a. 26Til wal eb' 'a'm remel 'ix sc'anlb'ej cob' 'ix. Jantcn̈ej tas 'ay 'a 'ix, c'uxn schon̈l 'ix yuj sremel cha. Palta ma'ix b'ox xon jac sc'ojl 'ix yu'uj, ton̈j 'ix wach' niwtj syailal 'ix cha. 27A yic xyab'n 'ix yab'xil Jesús, yuj cha, xc'och 'ix 'a spatquil 'a scal eb' 'anma', 'ix stzayn 'och 'ix sc'ab' 'a spichul, 28yujto sna 'ix 'ixtic: Cojn cab' tzin tzaych jac in c'ab' 'a spichl Jesús, ax in b'ox cani, xchi 'ix. 29Yajn̈j wal cha, 'ix 'och wan yel jun a chi 'a 'ix, 'ix b'ox sc'ojl 'ix 'a jun syailal cha. 30Ax Jesús, yojtac to 'ay mach 'ix b'ox sc'ojl yuj spoder, yuj cha, 'ix sutmj 'at q'ueln 'a eb' 'anma cha, 'ix sc'anb'n 'ixtc 'a eb':
—¿Mach jun stzaych sc'ab' 'a in pichl tic? xchi 'a eb'.
31Ax eb' scuywum 'ix aln 'a 'ixtic:
—'In caw sin̈n̈i ajcn 'a scal eb' 'anma tic, tzlajw cha, tza c'anb'ni. ¿Mach 'ix stzaych sc'ab' 'ayin? xa chi, xchi eb' 'a 'a.
32Palta x'ec' q'uel-loc 'a sc'al eb', 'ix sayn 'eq'ui mach jun stzaych sc'ab' chi 'a 'a. 33Ax 'ix 'ix cha, caw x'ib'x chan̈ yuj xiwlal, yojc 'ix chajtlto 'ix b'ox 'ix yu'uj, yuj cha, xjaw 'ix 'a 'a, 'ix 'em cumn 'ix 'a yojltac, caw yelc'ojlal xyal 'ix smasnil tas 'a 'a. 34Yuj cha, xyaln 'a 'ix 'ixtic:
—Ach 'ix, ach b'oxi yujto xa'ch a c'ojl 'ayin, paxn̈ 'a tzaljc'ojlal, tic 'ix b'ox a c'ojl 'a jun a yailal tic, xchi 'a 'ix.
35Yic wanto yaln Jesús jun tzo'n̈ cha, 'ay jun tzo'n̈ eb' xcot 'a yatut win Jairo cha, 'ix yaln eb' 'a win 'ixtic:
—A jun esl cha, tox 'ix chami, nab'a xoj tz'at yixtc sb'a qui Cuymal 'at yilnoc, xchi eb' 'a winac.
36Palta yic 'ix yab'n Jesús tas 'ix yal eb' cha, 'ix yaln 'ixtc 'a winac:
—Man̈ a na', cojn to tza'ch a c'ojl 'a Dios, xchi.
37Man̈x 'ic schaj 'at eb' 'anma yet'oc, cojn Pedro yet' Jacobo, yet' Juan yu'tac Jacobo cha, cojn eb' schaj 'at yet'oc. 38'Ix c'och 'a yatut win yajl cha, 'ix yilni wan somlji eb' 'anma yoq'ui, til wal yel yaw eb'. 39Yuj cha, 'ix 'och 'a yol n̈a cha, 'ix yaln 'ixtc 'a eb':
—¿Tas yuj til wal yel eyaw eyoq'ui? Man̈ chamncoc 'ix 'unn tic, ton̈j waync 'ix, xchi 'a eb'.
40Palta ton̈j 'ix tzetzj eb'. Ax yic xlajw yel eb' 'anma chi yu'uj, 'ix yi'n 'och smam snun 'ix, yet' eb' 'ayc' yet'oc, 'ix 'ochch eb' 'a 'aj 'ayc' 'ix 'unn cha. 41'Ix 'och yamn 'a sc'ab' 'ix 'unn cha, xyaln 'ixtc 'a 'ix:
—Talita cumi, xchi. Tzyal 'el'chi: Ach 'ix 'unin, an tzwal 'ayach, q'uen̈ wa'an, xchi.
42Yajn̈j wal cha, 'ix q'ue wan 'ix, 'ix b'eyq'ui. Slajchwil ab'il sq'uinl 'ix. A eb' 'anma chi 'ayc' ta', caw 'ix sat sc'ojl eb' yiln jun cha. 43Palta 'ix cham wal yaln Jesús 'a eb', to may 'aj tzyal-l eb' jun cha, 'ix yaln 'a eb', to tzyac' wa eb' 'ix.
Právě zvoleno:
Mr 5: CSS
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Biblia Chuj San Sebastian © Sociedades Bíblicas Unidas, 1999.
Mr 5
5
A win 'ixtxnac yuj ewin demonio
(Mt 8.28-34; Lc 8.26-39)
1'Ix c'och Jesús yet' eb' scuywum 'a junx sc'axpil 'ec' sti a', 'a yol yic Gerasa. 2Yic wan yelt Jesús 'a yol te barco cha, 'ix cot jun winc 'a campusan, 'ix jaw 'a 'a. A jun winc cha, caw tz'ixtx yuj jun demonio 'aych 'a 'a. 3An̈j 'a 'aj mucn eb' chamnac, an̈jta cajn 'ec' winac. May mach tztac' sjaln 'ejm winac, wach'xam tzjalx yet' cadena, toxn matz tac'a. 4Yujto niwn 'ejm tzjalx 'ejm win yet' q'uen cadena cha, tz'och 'a yoc yet' 'a sc'ab', palta caw choc' tz'aj q'uen sn̈i'chj yuj winac. May junc mach tza'wni syamn 'ejm winac. 5Sc'ual ya'wlil sb'eyc' win 'a 'aj 'ay jun tzo'n̈ witz yet' 'a campusan, caw tz'el yaw winac, tzma'n lajwc sb'a win yet' jun tzo'n̈ q'uen q'ue'en. 6Ax yic xyiln 'at win Jesús 'a najat, 'ix sc'oln win yip s'at 'a 'a, 'ix 'em cumn win 'a yojltac sjawi. 7-8Yuj cha, xyaln Jesús 'ixtic:
—Ach demonio 'eln̈ 'a winac, xchi.
Xlajw cha, caw xq'ue yaw win yaln 'ixtic:
—¿Tas aln ec 'ayn ach Jesús? Ach tic, Yunnal ach Dios niwn yel'chi. Tzin tew 'aych 'a sat Dios, man̈ in extoc, xchi winac.
9Xlajw cha, 'ix sc'anb'n pax Jesús 'ixtc 'a winac:
—¿Tas a b'i? xchi.
—Legión in b'i, yujto niwn qui b'ey on̈, xchi winac.
10Caw xtew 'och win 'a Jesús, sec matz checx 'at ewin demonio chi 'a sti 'el jun lugar cha. 11'Ay jun tzo'n̈ chitm wan swa 'a stz'ey jun tzalan. 12Yuj cha, xtew 'och ewin demonio chi smasnil 'ixtc 'a Jesús:
—Checn̈ can 'at 'a scal e no chitm chi 'on̈, sec a 'a e no tzon̈ 'ochcn on̈, xchi ewinac.
13Ax Jesús, 'ix chan sc'ojl yochcn ewin demonio chi 'a e no'. Yuj cha, x'el ewin 'a winac, ax 'a e no chitm chi x'at 'ochx can ewinac. 'Aym chab'oc mil e no'. 'Ix sjuln 'at sb'a e no smasnil 'a pac'an, 'ix 'atcn e no 'a yojl a mar, c'uxn 'ix jic'w cham e no ta'.
14Ax eb' yilmal e no cha, caw 'ix xiw eb', 'ix 'at eb' 'eloc. 'Ix 'ec' yalnc 'el eb' yab'xil jun chi 'a scal chon̈ab', yet' 'a najat. Yuj cha, xlaj cot eb' 'anma', xwul yilnc eb' tas jun chi 'ix uj cha. 15Yic xjaw eb' 'a 'aj 'ayc' Jesús cha, 'ix yiln eb' a win 'aj 'elnc ewin demonio cha, wocn 'ec' win ta'. 'Ayx 'och spichul, caw wach'x sc'ojol, yuj cha, caw 'ix xiw eb'. 16A eb' x'iln jun tzo'n̈ tas 'ix sb'o Jesús cha, a eb' 'ix aln 'a jun tzo'n̈ xo eb' tzat jawi. C'uxn 'ix yal eb' tas 'ix 'aj win 'aj 'elnc ewin demonio cha, yet' tas x'aj e no chitm cha. 17Yuj cha, 'ix tew eb' 'anma chi 'a Jesús, sec tz'el 'a yol slugar eb' cha.
18Yic 'ix 'ochx Jesús 'a yol barco, ax win 'aj 'elnc ewin demonio cha, 'ix tew 'och win 'a Jesús sec toq'ue tz'atcn win yet'oc. 19Palta xyaln 'ixtc 'a winac:
—Paxn̈ 'a atut 'a 'aj 'ay eb' ecan, tzal 'ixtc 'a eb': Man̈ jantcoc tas 'ix sb'o Cajlil 'ayin, caw x'o'ch sc'ojl 'ayin, xa chi, xchi Jesús 'a winac.
20Yuj cha, x'at winac, 'ix 'ec' win 'a jun tzo'n̈ chon̈b' 'a yol yic Decápolis, c'uxn 'ix yal-l win jantc tas sb'o Jesús 'a winac, yuj cha, caw 'ix sat sc'ojl eb' 'anma chi smasnil yuj winac.
A 'ix yisl Jairo, yet' junx 'ix ya'ay
(Mt 9.18-26; Lc 8.40-56)
21Xlajw cha, 'ix paxx 'ec' Jesús 'a junx sc'axpil 'ec' a a 'aj 'ix coti. Ax yic 'ix c'ochx 'a sti a cha, til wal 'anma 'ix syam sb'a ta'. 22'Ix jaw jun winc Jairo sb'i, yajl yaj 'a jun capiya. Yic 'ix yiln win Jesús, 'ix 'em cumn win 'a yojltac, 23caw 'ix tew 'och win 'a 'a, 'ix yaln win 'ixtic:
—Caw jab'xoj pitzn jun wisil, con̈ wet'oc, tz'at a tzaych a c'ab' 'a 'unix, sec 'oj b'oxoc, yic wach' ma'oj chamoc, xchi win 'a 'a.
24Yuj cha, x'at Jesús yet' winac, til wal 'anma x'at yet'oc, caw witz'n s'at yet' eb' 'a yol b'e. 25Palta 'ay jun 'ix, 'ayx slajchwil ab'il xo caw tzcham 'ix yuj a a tz'el 'a 'a. 26Til wal eb' 'a'm remel 'ix sc'anlb'ej cob' 'ix. Jantcn̈ej tas 'ay 'a 'ix, c'uxn schon̈l 'ix yuj sremel cha. Palta ma'ix b'ox xon jac sc'ojl 'ix yu'uj, ton̈j 'ix wach' niwtj syailal 'ix cha. 27A yic xyab'n 'ix yab'xil Jesús, yuj cha, xc'och 'ix 'a spatquil 'a scal eb' 'anma', 'ix stzayn 'och 'ix sc'ab' 'a spichul, 28yujto sna 'ix 'ixtic: Cojn cab' tzin tzaych jac in c'ab' 'a spichl Jesús, ax in b'ox cani, xchi 'ix. 29Yajn̈j wal cha, 'ix 'och wan yel jun a chi 'a 'ix, 'ix b'ox sc'ojl 'ix 'a jun syailal cha. 30Ax Jesús, yojtac to 'ay mach 'ix b'ox sc'ojl yuj spoder, yuj cha, 'ix sutmj 'at q'ueln 'a eb' 'anma cha, 'ix sc'anb'n 'ixtc 'a eb':
—¿Mach jun stzaych sc'ab' 'a in pichl tic? xchi 'a eb'.
31Ax eb' scuywum 'ix aln 'a 'ixtic:
—'In caw sin̈n̈i ajcn 'a scal eb' 'anma tic, tzlajw cha, tza c'anb'ni. ¿Mach 'ix stzaych sc'ab' 'ayin? xa chi, xchi eb' 'a 'a.
32Palta x'ec' q'uel-loc 'a sc'al eb', 'ix sayn 'eq'ui mach jun stzaych sc'ab' chi 'a 'a. 33Ax 'ix 'ix cha, caw x'ib'x chan̈ yuj xiwlal, yojc 'ix chajtlto 'ix b'ox 'ix yu'uj, yuj cha, xjaw 'ix 'a 'a, 'ix 'em cumn 'ix 'a yojltac, caw yelc'ojlal xyal 'ix smasnil tas 'a 'a. 34Yuj cha, xyaln 'a 'ix 'ixtic:
—Ach 'ix, ach b'oxi yujto xa'ch a c'ojl 'ayin, paxn̈ 'a tzaljc'ojlal, tic 'ix b'ox a c'ojl 'a jun a yailal tic, xchi 'a 'ix.
35Yic wanto yaln Jesús jun tzo'n̈ cha, 'ay jun tzo'n̈ eb' xcot 'a yatut win Jairo cha, 'ix yaln eb' 'a win 'ixtic:
—A jun esl cha, tox 'ix chami, nab'a xoj tz'at yixtc sb'a qui Cuymal 'at yilnoc, xchi eb' 'a winac.
36Palta yic 'ix yab'n Jesús tas 'ix yal eb' cha, 'ix yaln 'ixtc 'a winac:
—Man̈ a na', cojn to tza'ch a c'ojl 'a Dios, xchi.
37Man̈x 'ic schaj 'at eb' 'anma yet'oc, cojn Pedro yet' Jacobo, yet' Juan yu'tac Jacobo cha, cojn eb' schaj 'at yet'oc. 38'Ix c'och 'a yatut win yajl cha, 'ix yilni wan somlji eb' 'anma yoq'ui, til wal yel yaw eb'. 39Yuj cha, 'ix 'och 'a yol n̈a cha, 'ix yaln 'ixtc 'a eb':
—¿Tas yuj til wal yel eyaw eyoq'ui? Man̈ chamncoc 'ix 'unn tic, ton̈j waync 'ix, xchi 'a eb'.
40Palta ton̈j 'ix tzetzj eb'. Ax yic xlajw yel eb' 'anma chi yu'uj, 'ix yi'n 'och smam snun 'ix, yet' eb' 'ayc' yet'oc, 'ix 'ochch eb' 'a 'aj 'ayc' 'ix 'unn cha. 41'Ix 'och yamn 'a sc'ab' 'ix 'unn cha, xyaln 'ixtc 'a 'ix:
—Talita cumi, xchi. Tzyal 'el'chi: Ach 'ix 'unin, an tzwal 'ayach, q'uen̈ wa'an, xchi.
42Yajn̈j wal cha, 'ix q'ue wan 'ix, 'ix b'eyq'ui. Slajchwil ab'il sq'uinl 'ix. A eb' 'anma chi 'ayc' ta', caw 'ix sat sc'ojl eb' yiln jun cha. 43Palta 'ix cham wal yaln Jesús 'a eb', to may 'aj tzyal-l eb' jun cha, 'ix yaln 'a eb', to tzyac' wa eb' 'ix.
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Biblia Chuj San Sebastian © Sociedades Bíblicas Unidas, 1999.