Mr 11
11
Jawnc Jesús 'a Jerusalén
(Mt 21.1-11; Lc 19.28-40; Jn 12.12-19)
1Yic wan sjaw Jesús yet' eb' scuywum 'a sla'nil Jerusalén, 'ix jaw eb' 'a stz'ey Betfagé yet' Betania, 'a yich lum tzaln Olivo. Ax Jesús, 'ix checn 'at chawn̈ eb' scuywum. 2'Ix yaln 'a eb' 'ixtic:
—'Ixquec 'a jun aldea 'a cojltac 'at tic. A yic 'oj e c'och ta', 'oj 'ilchjoc jun no quelm b'uru eyu'uj, pixn can ta'. A no cha, mant 'a xon mach tzq'ue 'a yib'n̈ no'. Tze jiy 'elta, tzeyi'n cot no'. 3Toto 'ay mach tzaln 'ixtc 'ayex: ¿Tas yuj tze jiy 'elt no'? toto xchi, tzeyal 'ixtc 'a 'a: To 'ay 'oj 'och no yuj Cajlil on̈, yajn̈ej, ax wul scanx no', xe chi, xchi 'a eb'.
4Yuj cha x'at eb'. 'Ix 'ilchj no quelm b'uru chi yuj eb'. Pixn no 'a sti n̈a 'a yol b'e. 'Ix sjiyn 'elt eb' no'.
5Palta 'ay jun tzo'n̈ eb' 'ayc' ta', 'ix sc'anb'n eb' 'ixtc 'a eb':
—¿Tas tze b'o'o? ¿Tas yuj tze jiy 'elt no b'uru tic? xchi eb'.
6'Ix yaln eb' 'icha xyutj Jesús yalni. Yuj cha, x'ajx no 'a eb'. 7'Ix yi'n cot eb' no 'a Jesús. 'Ix ya'n q'ue eb' jun tzo'n̈ spichl 'a yib'n̈ no'. Xlajw cha, xq'ue Jesús 'a yib'n̈ no'. 8Yic wan sb'eyi, til wal 'anma xlaj slich' 'ejm spichl#Mr 11.8 'Ilt nota 'a Mateo 21.8. 'a yojltac 'a yol b'e 'aj tzb'ey cha. 'Ay pax eb' xlaj b'ijnc 'elt jun tzo'n̈ te scotc c'ab' te yet' xi'il. 'Ix laj ya'nc 'ejm eb' 'a yol b'e cha. 9Ax eb' b'ab'el, yet' eb' tzac'an, 'ix laj yalnc chan̈ eb' 'ixtic:
—Yuj wal dios, calc wach' paxti 'a jun tzjaw 'a sb'i Cajlil. 10Calc wach' paxti 'a jun 'oj 'och Cajlilc tic, 'icha yutjnac qui mam quichmec David yoch yajlilal pecti'. Ca'c yuj diosal 'a Dios, xchi eb'.
11Yic xjaw Jesús 'a yol chon̈b' Jerusalén, 'ix 'och 'a yamq'uil yatut Dios, 'ix 'ec' q'uel-loc, xyiln smasnil jun tzo'n̈ tas 'ayc' ta'. Palta wan s'at c'u, yuj cha, x'at 'a chon̈b' Betania yet' eb' scuywum slajchwan̈il.
Stumjnac Jesús jun te snun higo
(Mt 21.18-19)
12Ax 'a junx c'u, 'ix cotx eb' 'a Betania cha, ax Jesús 'ix 'och swejl 'a yol b'e. 13Ax xyiln 'ati, 'ay jun te snun higo 'a najttac, 'ay xil te', 'ix 'at yilnoc toq'ue 'ay junc sat tz'ilchj yu'uj, palta a yic xc'och 'a te', cojn xil te 'ay, yujto mant stiempoalc satn te'. 14Yuj cha, xyaln 'ixtc 'a te higo cha:
—Man̈x 'a cab' junc mach 'oj lonc a sat, xchi.
Ax eb' scuywum, xyab' eb' jun xyal cha.
Eb' pechb'il 'elt 'a yatut Dios
(Mt 21.12-17; Lc 19.45-48; Jn 2.13-22)
15Xlajw cha, xjapx eb' 'a Jerusalén. 'Ix 'ochx Jesús 'a yamq'uil yatut Dios, 'ix syamn 'och spechn 'elt eb' tzchon̈wji, yet' eb' tzmanwj ta'.#Mr 11.15 'Ilt nota 'a Mateo 21.12. 'Ix sma'n telwc jun tzo'n̈ smexa eb' jelm tumin yet' xila eb' chon̈m parama. 16Man̈x toc 'ix chax 'ec' junc mach yet' syamc'ab' 'a yamq'uil yatut Dios yu'uj. 17'Ix cuywj 'a eb', 'ix yaln 'ixtic:
—Yaljnac can Dios 'ixtc 'a Ch'an̈ U'un̈: 'Oj alxoc yuj watut to yatutal lesl yaj yuj smasnil chon̈ab', xchi. Palta ax tic, 'icha junc n̈aq'uen 'aj tzc'ub'j 'el sb'a eb' 'elc'um, 'ixta tzeyutej, xchi 'a eb'.
18Ax ewin sat ya'mal 'och sti eb' israel 'a Dios yet' ewin cuywjum 'a ley yic Moisés, 'ix yab' ewinc tas 'ix sb'o Jesús. Palta 'ix xiw ewin yu'uj, yujto caw niwn yel'ch jun tzo'n̈ scuynb'il 'a sat eb' 'anma smasnil. Yuj cha, 'ix sayn ewin tas 'oj yutc smiln chamoc. 19Ax 'a sq'uic'b'alil, x'elx yet' eb' scuywum 'a jun chon̈b' cha.
Tacjnac 'el te higo
(Mt 21.20-22)
20Ax 'a junx sq'uin̈b'ial yic 'ix cotx eb', 'ix yiln eb' te snun higo, tox 'ix tacj 'el te yet' sch'an̈l yib'. 21Ax Pedro 'ix snan coti, yuj cha, xyaln 'ixtc 'a Jesús:
—Mamin, 'ilt te snun higo a tumj can 'ewi, 'in xtacj 'el te', xchi 'a 'a.
22Yuj cha, 'ix yaln 'ixtic:
—'A'c 'och Dios 'a e c'ojol. 23Q'uinloc 'ayx tzeyal 'a jun witz tic: 'Eln̈ 'a et'l tic, julb't a b'a 'a yojl a mar, q'uinloc xe chi, toto may e chab'c'ojlal, toto tzeya'ch 'a e c'ojol to 'oj 'el'choc 'icha tzeyala, wal yel 'oj b'o eyuj 'icha tzeyal cha. 24Yuj cha, tzwal 'ayex, a yic tzex leslwi, tzeya'ch 'a e c'ojol, to yel 'oj e cha jantcn̈ej tas tze c'ana, toto 'ixta', 'oj 'ajxoc 'ayex. 25Toto 'ay mach tz'och smul 'ayex, a yic tzex leslwi tzeyac' niwnc'ojlal 'a 'a. Toto 'ixta', ax qui Mam Dios 'ayc' 'a satcha'an̈, 'oj yac' lajwc e mul jun xo. 26[Toto matz eyac' niwnc'ojlal ax tic, ax qui Mam Dios 'ayc' 'a satcha'an̈, ma'oj yac' lajwc can pax e mul jun xo,] xchi Jesús 'a eb'.
A yopiso Jesús
(Mt 21.23-27; Lc 20.1-8)
27Xlajw sc'ochx eb' 'a Jerusalén, 'ix 'ochx Jesús 'a yamq'uil yatut Dios, 'ix b'eyc' ta'. Ax ewin sat ya'mal 'och sti eb' israel 'a Dios, yet' ewin cuywjum 'a ley yic Moisés, yet' pax ewin 'ichmtac winac, 'ix jaw ewin 'a stz'ey, 28'ix sc'anb'n ewin 'ixtc 'a 'a:
—¿Tas opiso, yuj cha a comn b'on jun tzo'n̈ chi 'ewi? ¿Mach wal 'a'jnac opiso cha? xchi ewin 'a 'a.
29Yuj cha, 'ix yaln 'ixtc 'a ewinac:
—An̈jtona 'in, 'oj in c'anb'c pax junc tas 'ayex. Toto 'oj e pac 'ayin, to 'ixta', 'oj wal 'ayex mach 'a'jnac wopiso in b'on jun tzo'n̈ cha. 30¿Mach 'a'jnac yopiso win Juan, yic ya'n bautisar win eb' 'anma'? ¿Dios am x'a'ni, mto 'anma'? Alc 'ayin, xchi 'a ewinac. 31Yuj cha, 'ix syamn 'och ewin sten sb'a yuj jun tzo'n̈ xyal cha, 'ix laj yal-lanc ewinc 'ixtic: ¿Tas wal tzcutjec caln 'a 'a? Toto tzcalec to a Dios 'a'jnac yopiso winac, 'oj yal am 'ixtc 'ayn̈ec: ¿Tas yuj ma'ix eya'ch 'a e c'ojl jun? 'oj schic 'ayn̈ec. 32Palta matz tac' calnec paxi to yic 'anma', xchi ewinac. 'Ixta xyutj ewin yalni, yujto tzxiw ewin yuj eb' 'anma', yujto a Juan cha, caw schecb' Dios 'a sat eb' 'anma chi smasnil. 33Yuj cha, xyaln ewin 'ixtc 'a Jesús:
—Man̈ cojcoc on̈, machm 'a'jnac yopiso win Juan cha, xchi ewinac.
Yuj cha, xyaln Jesús 'a eb' 'ixtic:
—Toto 'ixta', ma'oj wal pax 'ayex, mach 'a'jnac wopiso in b'on jun tzo'n̈ cha, xchi 'a ewinac.
Právě zvoleno:
Mr 11: CSS
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Biblia Chuj San Sebastian © Sociedades Bíblicas Unidas, 1999.
Mr 11
11
Jawnc Jesús 'a Jerusalén
(Mt 21.1-11; Lc 19.28-40; Jn 12.12-19)
1Yic wan sjaw Jesús yet' eb' scuywum 'a sla'nil Jerusalén, 'ix jaw eb' 'a stz'ey Betfagé yet' Betania, 'a yich lum tzaln Olivo. Ax Jesús, 'ix checn 'at chawn̈ eb' scuywum. 2'Ix yaln 'a eb' 'ixtic:
—'Ixquec 'a jun aldea 'a cojltac 'at tic. A yic 'oj e c'och ta', 'oj 'ilchjoc jun no quelm b'uru eyu'uj, pixn can ta'. A no cha, mant 'a xon mach tzq'ue 'a yib'n̈ no'. Tze jiy 'elta, tzeyi'n cot no'. 3Toto 'ay mach tzaln 'ixtc 'ayex: ¿Tas yuj tze jiy 'elt no'? toto xchi, tzeyal 'ixtc 'a 'a: To 'ay 'oj 'och no yuj Cajlil on̈, yajn̈ej, ax wul scanx no', xe chi, xchi 'a eb'.
4Yuj cha x'at eb'. 'Ix 'ilchj no quelm b'uru chi yuj eb'. Pixn no 'a sti n̈a 'a yol b'e. 'Ix sjiyn 'elt eb' no'.
5Palta 'ay jun tzo'n̈ eb' 'ayc' ta', 'ix sc'anb'n eb' 'ixtc 'a eb':
—¿Tas tze b'o'o? ¿Tas yuj tze jiy 'elt no b'uru tic? xchi eb'.
6'Ix yaln eb' 'icha xyutj Jesús yalni. Yuj cha, x'ajx no 'a eb'. 7'Ix yi'n cot eb' no 'a Jesús. 'Ix ya'n q'ue eb' jun tzo'n̈ spichl 'a yib'n̈ no'. Xlajw cha, xq'ue Jesús 'a yib'n̈ no'. 8Yic wan sb'eyi, til wal 'anma xlaj slich' 'ejm spichl#Mr 11.8 'Ilt nota 'a Mateo 21.8. 'a yojltac 'a yol b'e 'aj tzb'ey cha. 'Ay pax eb' xlaj b'ijnc 'elt jun tzo'n̈ te scotc c'ab' te yet' xi'il. 'Ix laj ya'nc 'ejm eb' 'a yol b'e cha. 9Ax eb' b'ab'el, yet' eb' tzac'an, 'ix laj yalnc chan̈ eb' 'ixtic:
—Yuj wal dios, calc wach' paxti 'a jun tzjaw 'a sb'i Cajlil. 10Calc wach' paxti 'a jun 'oj 'och Cajlilc tic, 'icha yutjnac qui mam quichmec David yoch yajlilal pecti'. Ca'c yuj diosal 'a Dios, xchi eb'.
11Yic xjaw Jesús 'a yol chon̈b' Jerusalén, 'ix 'och 'a yamq'uil yatut Dios, 'ix 'ec' q'uel-loc, xyiln smasnil jun tzo'n̈ tas 'ayc' ta'. Palta wan s'at c'u, yuj cha, x'at 'a chon̈b' Betania yet' eb' scuywum slajchwan̈il.
Stumjnac Jesús jun te snun higo
(Mt 21.18-19)
12Ax 'a junx c'u, 'ix cotx eb' 'a Betania cha, ax Jesús 'ix 'och swejl 'a yol b'e. 13Ax xyiln 'ati, 'ay jun te snun higo 'a najttac, 'ay xil te', 'ix 'at yilnoc toq'ue 'ay junc sat tz'ilchj yu'uj, palta a yic xc'och 'a te', cojn xil te 'ay, yujto mant stiempoalc satn te'. 14Yuj cha, xyaln 'ixtc 'a te higo cha:
—Man̈x 'a cab' junc mach 'oj lonc a sat, xchi.
Ax eb' scuywum, xyab' eb' jun xyal cha.
Eb' pechb'il 'elt 'a yatut Dios
(Mt 21.12-17; Lc 19.45-48; Jn 2.13-22)
15Xlajw cha, xjapx eb' 'a Jerusalén. 'Ix 'ochx Jesús 'a yamq'uil yatut Dios, 'ix syamn 'och spechn 'elt eb' tzchon̈wji, yet' eb' tzmanwj ta'.#Mr 11.15 'Ilt nota 'a Mateo 21.12. 'Ix sma'n telwc jun tzo'n̈ smexa eb' jelm tumin yet' xila eb' chon̈m parama. 16Man̈x toc 'ix chax 'ec' junc mach yet' syamc'ab' 'a yamq'uil yatut Dios yu'uj. 17'Ix cuywj 'a eb', 'ix yaln 'ixtic:
—Yaljnac can Dios 'ixtc 'a Ch'an̈ U'un̈: 'Oj alxoc yuj watut to yatutal lesl yaj yuj smasnil chon̈ab', xchi. Palta ax tic, 'icha junc n̈aq'uen 'aj tzc'ub'j 'el sb'a eb' 'elc'um, 'ixta tzeyutej, xchi 'a eb'.
18Ax ewin sat ya'mal 'och sti eb' israel 'a Dios yet' ewin cuywjum 'a ley yic Moisés, 'ix yab' ewinc tas 'ix sb'o Jesús. Palta 'ix xiw ewin yu'uj, yujto caw niwn yel'ch jun tzo'n̈ scuynb'il 'a sat eb' 'anma smasnil. Yuj cha, 'ix sayn ewin tas 'oj yutc smiln chamoc. 19Ax 'a sq'uic'b'alil, x'elx yet' eb' scuywum 'a jun chon̈b' cha.
Tacjnac 'el te higo
(Mt 21.20-22)
20Ax 'a junx sq'uin̈b'ial yic 'ix cotx eb', 'ix yiln eb' te snun higo, tox 'ix tacj 'el te yet' sch'an̈l yib'. 21Ax Pedro 'ix snan coti, yuj cha, xyaln 'ixtc 'a Jesús:
—Mamin, 'ilt te snun higo a tumj can 'ewi, 'in xtacj 'el te', xchi 'a 'a.
22Yuj cha, 'ix yaln 'ixtic:
—'A'c 'och Dios 'a e c'ojol. 23Q'uinloc 'ayx tzeyal 'a jun witz tic: 'Eln̈ 'a et'l tic, julb't a b'a 'a yojl a mar, q'uinloc xe chi, toto may e chab'c'ojlal, toto tzeya'ch 'a e c'ojol to 'oj 'el'choc 'icha tzeyala, wal yel 'oj b'o eyuj 'icha tzeyal cha. 24Yuj cha, tzwal 'ayex, a yic tzex leslwi, tzeya'ch 'a e c'ojol, to yel 'oj e cha jantcn̈ej tas tze c'ana, toto 'ixta', 'oj 'ajxoc 'ayex. 25Toto 'ay mach tz'och smul 'ayex, a yic tzex leslwi tzeyac' niwnc'ojlal 'a 'a. Toto 'ixta', ax qui Mam Dios 'ayc' 'a satcha'an̈, 'oj yac' lajwc e mul jun xo. 26[Toto matz eyac' niwnc'ojlal ax tic, ax qui Mam Dios 'ayc' 'a satcha'an̈, ma'oj yac' lajwc can pax e mul jun xo,] xchi Jesús 'a eb'.
A yopiso Jesús
(Mt 21.23-27; Lc 20.1-8)
27Xlajw sc'ochx eb' 'a Jerusalén, 'ix 'ochx Jesús 'a yamq'uil yatut Dios, 'ix b'eyc' ta'. Ax ewin sat ya'mal 'och sti eb' israel 'a Dios, yet' ewin cuywjum 'a ley yic Moisés, yet' pax ewin 'ichmtac winac, 'ix jaw ewin 'a stz'ey, 28'ix sc'anb'n ewin 'ixtc 'a 'a:
—¿Tas opiso, yuj cha a comn b'on jun tzo'n̈ chi 'ewi? ¿Mach wal 'a'jnac opiso cha? xchi ewin 'a 'a.
29Yuj cha, 'ix yaln 'ixtc 'a ewinac:
—An̈jtona 'in, 'oj in c'anb'c pax junc tas 'ayex. Toto 'oj e pac 'ayin, to 'ixta', 'oj wal 'ayex mach 'a'jnac wopiso in b'on jun tzo'n̈ cha. 30¿Mach 'a'jnac yopiso win Juan, yic ya'n bautisar win eb' 'anma'? ¿Dios am x'a'ni, mto 'anma'? Alc 'ayin, xchi 'a ewinac. 31Yuj cha, 'ix syamn 'och ewin sten sb'a yuj jun tzo'n̈ xyal cha, 'ix laj yal-lanc ewinc 'ixtic: ¿Tas wal tzcutjec caln 'a 'a? Toto tzcalec to a Dios 'a'jnac yopiso winac, 'oj yal am 'ixtc 'ayn̈ec: ¿Tas yuj ma'ix eya'ch 'a e c'ojl jun? 'oj schic 'ayn̈ec. 32Palta matz tac' calnec paxi to yic 'anma', xchi ewinac. 'Ixta xyutj ewin yalni, yujto tzxiw ewin yuj eb' 'anma', yujto a Juan cha, caw schecb' Dios 'a sat eb' 'anma chi smasnil. 33Yuj cha, xyaln ewin 'ixtc 'a Jesús:
—Man̈ cojcoc on̈, machm 'a'jnac yopiso win Juan cha, xchi ewinac.
Yuj cha, xyaln Jesús 'a eb' 'ixtic:
—Toto 'ixta', ma'oj wal pax 'ayex, mach 'a'jnac wopiso in b'on jun tzo'n̈ cha, xchi 'a ewinac.
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Biblia Chuj San Sebastian © Sociedades Bíblicas Unidas, 1999.