Yokaana 2
2
Obugenyi bwa kuswera e Kaana
1Ebyo nibiweire, oku kiro kyakasatu waaliwo obugenyi bwa kuswera omu Kaana ekya Galiraaya. Oku Bugenyi obwo oma wa Yesu yaaliku, 2nʼoYesu nʼabeegesebwa baamwe boona baayeteibwe oku Bugenyi. 3Omwenge gwa zabbibbu nigwaweirewo, oma wa Yesu nʼamukoba ati, “Omwenge gubaweireku.” 4OYesu nikwo okumwiramu ati, “Maama lwaki okunkoba kini ati? Obwire bwange bucaali kwika.” 5Oma wa Yesu nʼakoba abagabuli ati, “Mukole buli kyeyabalagira.”
6Ampi awo waaliwo abisuwa mukaaga ebyabaizirwe omu mabbaale ebyali nkʼebyo aBayudaaya byebaakolesyanga omu omurwa gwa kunaaba olwa kweyerya, buli kimwei nikirumu elita kikumi oba kikumi mwataanu. 7OYesu nʼakoba abagabuli ati, “Mubiizulye amaizi.” Ni babiizuurya kimwei okwika oku munwa.
8Awo oYesu nʼabakoba ati, “Museneku mutware omubigiza wa bugenyi.”
Ni bakola batyo.
9Omubigiza wa bugenyi niyarozere oku maizi agaali gafookere omwenge gwa zabbibbu, nʼateeteja gyegwali guzwire, gonze ngʼabagabuli bo baali bamaite. Ye nikwo okweta omugole omusaiza 10nʼamukoba ati, “Buli muntu yeekeera kugabula mwenge gusai, nʼabona baakugabula banywire omwenge gwingi ale nʼaleeta ojuule, baitute we obiikire ogusai okwica nʼati!”
11Akabonero akeewuunyisya kani oYesu keyakoleire e Kaana ekya Galiraaya niko keyeekereire kimwei okukola. Niyakakoore, nʼalanga ekitiinisya kyamwe, era abeegesebwa baamwe ni bamwikiriza.
12Obugenyi nibwaweire, oYesu, oma waamwe, abagande nʼabeegesebwa baamwe ni baaba e Kaperenawumu ni bamalayo ebiro bidooli.
OYesu akupeka abasuubuli omwiramyo
(Mat 21:12-13; Mak 11:15-17; Luk 19:45-46)
13Obugenyi bwʼaBayudaaya obwa Kwakalibwaku nibwali buli ampi okwika, oYesu nʼayaba e Yerusaalemu. 14Niyaikire omu mbuga za iramyo nʼasanga abantu nibakutunda ente, entaama nʼenkaiba era abandi nibaikaire nibakuyingisya empiiya oku meeza. 15Ye nikwo okukola ekisuunyu omu buguwa nʼapeka abantu boona boona amwei nʼentaama nʼente zebaali bakutunda omu mbuga za iramyo. Nʼajuumuka emeeza zaabwe empiiya ni zaalalana. 16Abaali bakutunda enkaiba nʼabakoba ati, “Ebintu bini mubiwulukye! Mulekere awo okufoola enyumba ya Ite wange akatale!” 17Abeegesebwa baamwe ni baizukira nka nikyawandiikiibwe kiti, “Mukama, okwendya enyumba yaamu kulinyitisya.”#Zab 69:9
18Awo abeebemberi bʼaBayudaaya ni bamubuulya bati, “Watulanga kyamaano ki ekyatukakatya nti olina obuyinza okukola ebintu bini?” 19OYesu nʼabairamu ati, “Eiramyo rini muriyendewo leke nje nyiremu ndyomboke omu biro bisatu.”
20Bo ni bamwiramu bati, “Eiramyo rini ryayombokeirwe emyaka anai na mukaaga, ale we okoba otyai nambu waryombokera ebiro bisatu?”
21Baitu oYesu eiramyo ryeyaali akubazaku ryali mubiri gwamwe. 22Niyamaare okuyimboolwa, ale abeegesebwa baamwe ni baizukira kyeyakobere. Awo ni baikiriza ebyawandiikiibwe nʼebigambo oYesu byeyabazire.
OYesu yeeteja kusai embeera zʼabantu
23OYesu niyaali omu Yerusaalemu oku Bugenyi bwa Kwakalibwaku, abantu baingi abaaboine obubonero obwewuunyisya bweyakolanga ni bamwikiriza. 24Baitu ye yaali atakwendya kubeeweerya, kubba yaali amaite embeera zaabwe boona boona eza buntu. 25Yaali atakwetaaga kurunguurwa ku muntu yeena yeena, kubba yaali amaite kusai ekiri omu mitima gyʼabantu.
Právě zvoleno:
Yokaana 2: RUULI-NYALA
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Yokaana 2
2
Obugenyi bwa kuswera e Kaana
1Ebyo nibiweire, oku kiro kyakasatu waaliwo obugenyi bwa kuswera omu Kaana ekya Galiraaya. Oku Bugenyi obwo oma wa Yesu yaaliku, 2nʼoYesu nʼabeegesebwa baamwe boona baayeteibwe oku Bugenyi. 3Omwenge gwa zabbibbu nigwaweirewo, oma wa Yesu nʼamukoba ati, “Omwenge gubaweireku.” 4OYesu nikwo okumwiramu ati, “Maama lwaki okunkoba kini ati? Obwire bwange bucaali kwika.” 5Oma wa Yesu nʼakoba abagabuli ati, “Mukole buli kyeyabalagira.”
6Ampi awo waaliwo abisuwa mukaaga ebyabaizirwe omu mabbaale ebyali nkʼebyo aBayudaaya byebaakolesyanga omu omurwa gwa kunaaba olwa kweyerya, buli kimwei nikirumu elita kikumi oba kikumi mwataanu. 7OYesu nʼakoba abagabuli ati, “Mubiizulye amaizi.” Ni babiizuurya kimwei okwika oku munwa.
8Awo oYesu nʼabakoba ati, “Museneku mutware omubigiza wa bugenyi.”
Ni bakola batyo.
9Omubigiza wa bugenyi niyarozere oku maizi agaali gafookere omwenge gwa zabbibbu, nʼateeteja gyegwali guzwire, gonze ngʼabagabuli bo baali bamaite. Ye nikwo okweta omugole omusaiza 10nʼamukoba ati, “Buli muntu yeekeera kugabula mwenge gusai, nʼabona baakugabula banywire omwenge gwingi ale nʼaleeta ojuule, baitute we obiikire ogusai okwica nʼati!”
11Akabonero akeewuunyisya kani oYesu keyakoleire e Kaana ekya Galiraaya niko keyeekereire kimwei okukola. Niyakakoore, nʼalanga ekitiinisya kyamwe, era abeegesebwa baamwe ni bamwikiriza.
12Obugenyi nibwaweire, oYesu, oma waamwe, abagande nʼabeegesebwa baamwe ni baaba e Kaperenawumu ni bamalayo ebiro bidooli.
OYesu akupeka abasuubuli omwiramyo
(Mat 21:12-13; Mak 11:15-17; Luk 19:45-46)
13Obugenyi bwʼaBayudaaya obwa Kwakalibwaku nibwali buli ampi okwika, oYesu nʼayaba e Yerusaalemu. 14Niyaikire omu mbuga za iramyo nʼasanga abantu nibakutunda ente, entaama nʼenkaiba era abandi nibaikaire nibakuyingisya empiiya oku meeza. 15Ye nikwo okukola ekisuunyu omu buguwa nʼapeka abantu boona boona amwei nʼentaama nʼente zebaali bakutunda omu mbuga za iramyo. Nʼajuumuka emeeza zaabwe empiiya ni zaalalana. 16Abaali bakutunda enkaiba nʼabakoba ati, “Ebintu bini mubiwulukye! Mulekere awo okufoola enyumba ya Ite wange akatale!” 17Abeegesebwa baamwe ni baizukira nka nikyawandiikiibwe kiti, “Mukama, okwendya enyumba yaamu kulinyitisya.”#Zab 69:9
18Awo abeebemberi bʼaBayudaaya ni bamubuulya bati, “Watulanga kyamaano ki ekyatukakatya nti olina obuyinza okukola ebintu bini?” 19OYesu nʼabairamu ati, “Eiramyo rini muriyendewo leke nje nyiremu ndyomboke omu biro bisatu.”
20Bo ni bamwiramu bati, “Eiramyo rini ryayombokeirwe emyaka anai na mukaaga, ale we okoba otyai nambu waryombokera ebiro bisatu?”
21Baitu oYesu eiramyo ryeyaali akubazaku ryali mubiri gwamwe. 22Niyamaare okuyimboolwa, ale abeegesebwa baamwe ni baizukira kyeyakobere. Awo ni baikiriza ebyawandiikiibwe nʼebigambo oYesu byeyabazire.
OYesu yeeteja kusai embeera zʼabantu
23OYesu niyaali omu Yerusaalemu oku Bugenyi bwa Kwakalibwaku, abantu baingi abaaboine obubonero obwewuunyisya bweyakolanga ni bamwikiriza. 24Baitu ye yaali atakwendya kubeeweerya, kubba yaali amaite embeera zaabwe boona boona eza buntu. 25Yaali atakwetaaga kurunguurwa ku muntu yeena yeena, kubba yaali amaite kusai ekiri omu mitima gyʼabantu.
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas